Постапката за проверка на издадените бугарски државјанства и тековните апликации, нема да ги опфати Македонците, известуваат Бугарските медиуми.

Според она што беше објавено во бугарските медиуми ваквата проверка ќе важи само за жителите на Косово и други земји, а нивните жители не знаат ниту збор бугарски, а се повикуваат на бугарски корени а тоа не важи за македонските граѓани.

Лидерот на бугарската партија ВМРО-БНД, Kрасимир Kаракачанов, разговарал за ова со претставниците на бугарската влада и усно му било потврдено дека новите услови нема да се поставуваат за македонските граѓани.