Воспитувачка забoравила тригодишнодевојче на станица од виенското метро. Минувачите за среќа го забележале расплаканото девојче како лута по станицата и веднаш повикале полиција по што девојчето e однесено во полициска станица.

По претпладневниот излет на кој воспитувачките ги повеле децата, околу пладне тргнале назад во градинката. Во Флоридсдорф слегле во метро страницата Ноје Донау за да ја фатат линијата број 6 од метрото. При влегувањето во возот девојчето најверојатно заостанало и возот тргнал, а воспитувачката не забележала дека едно дете од групата и недостасува. Детето само стоело на перонот и благодарение на брзата реакција на граѓаните кои навреме го виделе изгубеното дете и е спречена трагедија зошто девојчето стоело на самиот раб од перонот и многу близу до шините.

Дури по еден час воспитувачката при броење на децата забележала дека и фали тригодишното девојче. Веднаш повикала полиција. Од таму и јавиле дека девојчето и добро и на сигурно и дека можат да ја земат од полициската станица во Донауфелдерштрасе. Персоналот од градинката веднаш потоа го презеле детето.

-Точно е дека девојчето е заборавено во метро, но за среќа се добро се заврши, велат од полицијата.