Во Албанија во текот на доцните вечерни часови во петокот, во селото Тумане кај Круја убиени се три членови на едно семејство додека едно лице од истото семејство се бори за живот.

Според полицијата станува збор за организирано убиство на Фран Цеку, потоа неговиот син Арбен Цеку, како и нивниот внук Ерне Рама. Тешко е ранета соругата на Фран, Луција Цеку. Албанското МВР информираше дека познати се сторителите на тројното убиство, и дека тие се во бегство. Над 200 полицајци во саботата започнаа потрага по убијците, додека се шпекулира дека до овој трагичен настан дошло по една вербална расправија на тројца жители на селото со член на семејството Цеку.