Домот на Европската Унија, Брисел, беше цел на терористички напади. Два напада ја потресоа Европа, но и светот. Најпрво екслпозија на аеродромот, а потоа и на железничката станица.
Расфрлани столчиња, багаж, стакло, делови од таванот може да се видат на првата снимка направена во терминалот на аеродромот „Завентем“ во Брисел, каде што утрово малку пред 8 часот се случија две експлозии. Според досегашните јавувања од европската престолнина, во двете експлозии загинаа 17 лица, а има и голем број повредени.
Пред да се случи експлозијата, според сведоци, лица извикувале на арапски, се слушнало пукање, по што следувала и експлозијата. Засега е потврдено дека нападот бил извршен од бомбаш-самоубиец. На местото на несреќата се пронајдени и други појаси со експлозиви кои не биле детонирани.
