Ако припаѓате на огромното мнозинство луѓе на кои утрата вообичаено им почнуваат со будење со алармот на мобилните телефони или часовници во последен момент, а потоа следува брзање, стрес и пиење на првото кафе, време е да ја промените оваа навика.

Во продолжение ви нудиме седум работи кои никако не би требало да ги правите наутро веднаш по будењето:

1. Немојте да притискате копчето со кое ќе го одложите ѕвонењето на алармот за да поспиете „уште некоја минута“. Експертите за квалиттен сон велат дека тоа не е добра идеја, затоа што повторно може да се продолжи со спиење и потоа многу брзо следува нагло будење. Резултат? Ќе се чувствувате уморно и незволно.

2. Немојте да останете неподвижно во креветот. Подобро вежбајте во легната положба. Колку повеќе ги истегнувате мускулите, толку подобро ќе се чувствувате и ќе се ослободите од стресот пред почетокот на новиот работен ден.

3. Не проверувајте и-мајл веднаш по будењето. Наместо тоа, денот почнете го со едноставни навики поврзани со продуктивноста која следи во остатокот на денот.

4. Немојте да заборабите да го наместите креветот. Верувале или не, експертите оваа едноставна навика ја поврзуваат со продуктивност која следи во остатокот на денот.

5. Немојте веднаш да посегнете по кафе. Меѓу осум и девет часот наутро, велат експертите, човечкото тело произведува поголемо количество на хормонот кортизол. кој го регулира количеството на енергија во организмот. Ако испиете кафе пред 9.30, ќе се намали производството на кортизол и автоматски ќе имате помала енергија.

6. Ако можете, разбудете се во мугрите или подоцна, а не додека надвор е се уште темно. Тоа е многу важно поради внатрешниот часовник, кој може лесно да смени со станување пред мугрите. Ако надвор се уште е темно кога станувате, запалете светло во станот и повлечете ги завесите во исчекување на светлината на денот.

7. Внимавање на вашите утрински навики. Според истражувањата, наутро нашата сила е најслаба, со тоа навиките кои ги имаме се најважни. Да станете на време, да појадувате и да се подготовите за излегување во „автоматски модем“ ќе се зачува енергијата за тој ден.