Скопската Зоолошка градина се приклучи кон акцијата за обезбедување на привремени засолништа за бездомните животни на овие екстремно ниски температури.
Потпаролот на Зоолошката градина Даме Кузмановски изјави: „Освен што ќе им носиме слама, во нашата Зоолошка привремено додека траат ниските температури, ќе удомиме кучиња. Тие ќе престојуваат во старите живеалишта на лавовите и таму ќе бидат одвоени од останатите животни, па нема да има опасност од пренесување болести“.