На 14ти Јануари се слави Свети Василиј или кај народот познат како Василица.
На овој ден домаќинките треба да замесат василици за да ги израдуваат домашните и пријателите, бидејќи на тој начин цела година ќе им помине во слога и пријателство.
Можат да бидат и солени и благи. Единствено што им е заедничко е што се месат со многу љубов и се јадат топли.
Колачите василици се подготвуваат од лиснато тесто а некои се преливаат и со мед.
Василица исто така е назив и за проја во некои краишта.
Слатките василици се шараат на тој начин што неколку стапчиња слама се врзуваат со конче, а потоа тестото се боцка со врвовите и се формираат дупчиња во облик на крст.