Српската државјанка Драгица Михалковиќ е во притвор на Малта бидејќи е осомничена дека своите постари љубовници, Дејвид Гранд и Невил Ајерс, пензионери од Велика Британија, ги труела со ист „лек“, пренесува српски Курир.

Двајцата под мистериозни околности починале во нејзиниот стан, па истражителите се сомневаат дека најверојатно станува збор за труење со одреден медикамент за кој Михалковиќ немала рецепт. Се води и истрага за мотивот доколку станува збор за убиство со умисла, односно дали постоело користољубие кај Србинката или пак станува збор за нешто сосема друго.