Во центарот на Скопје, пред хотелот „Мериот“, беа паркирани „ѕверови“ кои им го привлекуваа вниманието на случајните минувачи.

„Бе-ем-ве м3“, „бугати“, „ламборгини“, „астон мартин“, „порше карера“ гордо позираа во Скопје. Станува збор за релито „oneliferally“, попознато како рели за богаташи. Сопственици на овие луксузни возила се Балканци кои секоја година тргнуваат на пат низ регионот. Оваа година рутата почна од Љубљана, преку Загреб, Дубровник, Будва, Драч, Скопје и финалето е во Белград, пренесува Телеграф.

На ова рели долго 1.700 км се приредуваат луди журки и спиење во луксузни хотели, а самото учество чини неколку илјади евра, што за сопствениците на овие возила не е никаков проблем.