Во текот на 10 месеци кои ги поминал чекајќи ја смртната казна Генадиј Јаковитски можел само да нагаѓа дали е ден или ноќ поради слабата светлина која допирала низ заштитниот капак на прозорецот од келијата.

Било лесно да се изгуби чувството за време. Бил изолиран, му било забрането било какво шетање на отворено. Посетите му биле строго контролирани, а освен адвокат, на еден близок роднина не му било дозволено да го види еднаш месечно.

Кога стражарите доаѓале акј него тој секогаш размислувал дека конечно е крај, а стражарите му говореле: „Ти остана уште малку време“.

Кога стражарите ќе дојдат, овие затвореници не знаат дали е тоа за последен пат.

Додека затворениците во Белорусија, единствената европска земја со смртна казна чекаат извршување на најтешката казна, тие никогаш не знаат кога ќе се случи тоа.

А кога ќе се изврши смртната казна, се чува како државна тајна.

Смртната казна над него е извршена во ноември 2016 година, кога имал 49 години, но неговото семејство дознало дури месец дена подоцна кога стигнало само писмо од затворот и ништо повеќе.

Белорусија е единствена земја во Европа која и натаму користи смртна казна, а тој процес се одвива под велот на тајна. Точниот број на досега извршени смртни казни не е познат, се верува дека над 300 егзекуции се извршени од 1991 година наваму, откако Белорусија стана независна држава.