Во овој момент не можеме да смислиме ништо што би предизвикало поголем скок на адреналинот од оваа луда зграда во Чикаго. Апсолутно сме сигурни дека тука и најхрабрите би се исплашиле.

Се започнува во една зграда во Чикаго, на нејзиниот 94. кат. Како и самиот 94. кат да не звучи доволно лудо, Американците смислиле и еден предизвик за сите оние кои ќе соберат храброст да се качат до горе.

Имено, потребно е да се потпрете на еден од стаклените прозорци, да се фатите за левата и десната рачка и да се препуштите. Подвижната конструкција на овој прозорец полека ќе се помрднува, се додека во еден момент не дојдете во положба во која изгледа како да падата од зградата.

Како во најстрашните филмови, само што ова не е филм, туку реален живот, а вие сте главниот актер.