Авион на аргентинска авиокомпанија преживеа гадни турбуленции на летот од Мајами кон Буенос Аирес.

Леталото почнало да се тресе токму во моментот кога персоналот почнал да го служи ручекот, па чиниите и храната летале на сите страни.

Фотографиите го прикажуваат хаосот кој настанал во авионот. Многу работи биле расфрлани по подот, а излегле и маските за кислород.

На летот биле 192 патници, а по незгодниот лет, 8 се хоспитализирани поради полесни повреди.

До турбуленции доаѓа кога ќе се судрат воздушни маси со различна температура или брзина. Поради тоа возењето со авион може да биде нелагодно, но безбедноста на патниците во ниту еден момент не била загрозена, наведуваат од компанијата.