Бугарија зборуа за пријателство, а нивниот историчар за непостоење на Македонците

Во време кога Македонија и Бугарија работат на приближување на двете земји, на изготвување на Договорот за добрососедство, на кој инсистира Софија за потврда на добрите односи, бугарскиот државен службеник, директорот на Националниот историски музеј, историчарот Божидар Димитров, одново излезе со тврдењето дека македонизмот е вештачка творба наметнат со сила и дека треба да се даде пред судовите во Стразбур и во Хаг за да се признае како злосторство против човештвото.

940FF7A9AAEE3E45B37F26517F1C27CB

„Со нив не може да се разговара сериозно. И затоа мислам дека поради македонизмот, наложен со сила, треба да преземеме соодветни постапки пред Стразбур или Хаг за да се квалификува како престап против човештвото“, вели Димитров во својата последна анализа во весникот „Политика“..

Тој натаму тврди дека македонската нација, јазикот и државата се создадени во 1944 година за време на тоталитарната диктатура на Kомунистичката партија на Југославија и тоа по цена на многу жртви, безмилосно перење мозоци, како и со закони без преседан во светската пракса. Таков, вели тој, бил законот за македонска национална чест, според кој, кривично дело било да припаѓаш на друга нација.

- Според овој закон, ако сакаш да се наречеш Бугарин во Македонија, добиваш три и пол години затвор за навреда на македонската национална чест – тврди Димитров во својата анализа.

Kако државен службеник на Бугарија, тој сигурно подобро знае што се случувало во неговата земја ако некој се нарече Македонец, исто како што знае што значи да се регистрира политичка партија на Македонците во Бугарија.

Ставовите на Димитров биле познати, па никој не ги коментира

Ставовите на Димитров, според бугарските аналитичари, се добро познати и ретко кој од нив сака да ги коментира, иако се работи за прв човек на државна институција што е во надлежност на министерството за култура, кој претходно беше и министер без портфељ во владата на Бојко Борисов од 2009 до 2011 година и беше одговорен за Бугарите во странство.

Од министерската функција беше сменет поради соработка со поранешната државна безбедност за која бил врбуван уште во 1973 година, односно откако беше лустриран.

- Ставовите на Димитров не се нови. Тој навистина е директор на националниот историски музеј, ама кај нас директорите се многу послободни и си дозволуваат да кажат многу работи - вели универзитетскиот професор Наум Kајчев додавајќи дека Димитров како личност има екстремни ставови и тези за македонското прашање.

Неговиот став е дека сепак и ние и тие треба да се концентрираме на позитивните работи што н` обединуваат.

Без коментар остана и европратеникот Андреј Kовачев, токму од партијата на Борисов, во чија влада беше Димитров, кој кусо ни изјави дека не сака да го коментира бидејќи тој така си зборува. Сепак, додава дека од двете страни има провокации, дека Бугарија ја провоцира минатото, а единствениот начин тие да се надминат е европска интеграција на Македонија за да се надмине идеологијата од минатото.

- Во Македонија има тешки теми од минатото, исто како и кај нас. Но, како било - било, сега има нови поколенија, тие можат да се идентификуваат како сакаат, ама проблемот е што со минатото се провоцира Бугарија – вели Kовачев.

Kого провоцира тогаш Димитров со тврдењето дека македонизмот бил наметнат со репресии на над 150 илјади Бугари во Македонија.

- Затоа би требало да се провери дали е тоа геноцид. Наместо да ги галиме со пердуви по главата, добро е да ја осудиме Македонија за геноцид на дел од бугарските граѓани.

Бугарски историчар неофицијално вели дека ваквите изјави не помагаат и дека со нив само се крева врева бидејќи некој сака тоа да го прави. Но, не може да се избегне впечатокот дека таквото кревање врева од едната страна автоматски ќе повлече иста таква врева од другата страна. А кому му оди во прилог вревата ако сите велат дека сакаат приближување и односи какви што им прилегаат на најблиски соседи.

Распалување на односите по потреба

Македонскиот историчар Тодор Чепреганов смета дека ваквите ставови се користат одвреме-навреме кога ќе треба да се распалат односите.

- Kако историчар, нека му служи на чест што зборува така. Kако може во 21 век тој да зборува дека македонизмот е вештачка работа и е нешто измислено. Kако може идентитет на некој народ да биде даден на суд во Стразбур. Kако може нешто што е сосема природно право некој да се нарече како сака и некој во 21 век тоа да го негира – вели Чепреганов.

За него, не е чудно што тоа го зборува директор на државна институција и што властите не реагираат.

- Бугарија има зацртана стратегија која е објавена уште во 2008. Ова што го зборува Димитров е забележано во таа стратегија. Значи, тоа е државна политика која треба да ја спроведуваат дека во Македонија живеат Бугари и треба полека да се освестуваат и да се вратат - објаснува Чепреганов.

Што се однесува до злосторствата против човештвото, тој му порачува прво да ги види злосторствата што ги направиле Бугарите над Евреите во Македонија и да се потсети на стрелањето на ваташките деца, на пример.

- Зошто да не зборуваме за тие злосторства против човештвото. Зошто бегаат од тие вистини наместо тој сега да вели дека ќе го дава на суд македонизмот. Тотална глупост – коментира Чепреганов.

Македонизмот му пречи и на Папулјас

Бугарскиот историчар Димитров не е единствениот кому му пречи македонизмот. Ист таков став изнесе и грчкиот претседател Kаролос Папулјас лани во Белград кога порача дека се додека Скопје инсистира на идеологијата на македонизмот, вратите на НАТО ќе останат затворени, а европската интеграција замрзната.

Чепреганов: Соседот треба да ни помогне, а не да не негира

Добрососедство не се гради на тој начин. Соседот треба да ни помогне, а не да н` негира. Не може во 21 век некој да ја негира мојата индивидуалност, мојата култура, јазикот. Тоа е апсурд.

За добрососедство не може само едната страна да прави како сака, мора пред с` да се почитуваме да се толерираме и да си ги признаеме различностите што ги имаме. Неоспорен е фактот дека во Бугарија имало голема македонска имиграција, но историјата покажа дека македонската нација и без држава успеа да опстане, објаснува професорот Чепреганов.

- Наместо како соседи да ни помогнат, прават нешто со што сакаат да предизвикаат негативна реакција – додава тој.

(Дневник)

Коѕијас сака да го влече Заев за уши!

Во мноштвото реакции  во грчката јавност по изјавите на македонскиот премиер Зоран Заев се јави и поранешниот министер за надворешни работи на Грција, Никос Коѕијас, кој во интервју за грчката телевизија Анетна кажа што би направил доколку се уште беше член на грчката Влада.

-Ќе го потегнев за уши на сите начини, и од НАТО, од Европската унија и од Нимиц. Нимиц се активираше и добро направи и го потсети дека прекршува две точки од Времената спогодба и од Договорот од Преспа, рече Коѕијас, одговарајќи на прашањето што тој ќе направеше доколку се уште беше министер, јави дописничката на МИА од Атина..

Тој додаде дека две работи се важни во Договорот од Преспа и го прочита членот од договорот дека ниту една од земјите нема да се меша во внатрешните работи на другата страна.

-За тоа кој јазик ќе се изучува во Грција е во наша надлежност. Не е нивна работа, рече Коѕијас и додаде дека второто е да се промени членот 49 во македонскиот Устав.

Поранешниот шеф на грчката дипломатија во друг дел од интервјуто рече дека во изјавите на Заев, тој не нашол нешто што има врска со македонско малцинство, но констатирал дека во однос на јазикот има прекршување на два параграфа.

Коментирајќи го ставот на лидерот на Нова демократија, Кирјакос Мицотакис, дека Заев со изјавата ја отворил Пандорината кутија, Коѕијас рече дека опозицијата не треба да се води по толкувањата дадени од Скопје.

-Постои меѓународен договор што се уште не е ратификуван. Што значи дека не постои. Се наоѓаме во процес на ратификација. Не е добро опозицијата да ги прифаќа толкувањата што ги дава некој или некои во Скопје, бидејќи битката е и за да составиш договор, но и за да го толкуваш, рече поранешниот шеф на грчката дипломатија, пренесе МИА.

Коѕијас во интервјуто за ТВ Антена изрази сигурност дека Договорот од Преспа ќе помине во грчкиот Парламент, а за ставовите на коалицискиот партнер во грчката Влада, истакна дека не рекол дека ќе ја турне владата, „бидејќи знае дека не може“ и додаде дека според него, Каменос е „последниот што би сакал да има избори бидејќи можеби нема одново да биде избран“.

Во однос на протерувањето на руските дипломати од Грција, Коѕијас рече дека бил повикан од грчкиот премиер и неговите соработници и му било соопштена одлуката за протерување. 

Убиен српскиот бизнисмен

Познатиот српски бизнисмен, сопственикот на една од најпознатите белградски коцкарници, Владо Поповиќ, бил убиен синоќа во Белград.

Група маскирани насилници го пречекале пред кафулето каде седел и испукале повеќе рафали, при што е повредено и 23 годишно момче.

По убиството на белградскиот бизнисмен познат под прекарот Влада поп, полицијата почнала акција „Виор“. 

Внимавајте доколку оваа година одите во Банско

Скијачкиот центар Банско влегува во историјата, како прв каде  веќе нема да се употребуваат пластични производи за еднократна употреба, соопшти денеска концесионерот на скијачкиот центар „Јулен“.

Пластичните шишиња во рестораните ќе бидат заменети со стакло, а чашите за кафе со картонски. Линиите за јадење ќе бидат од материјал кој може да се разложи 100, а сламките и мешалките ќе бидат од бамбус.

– Сите промени се дел од еколошката стратегија на „Јулен“. Уште од 2012 година во ски зоната воведовме систем за одделно собирање на отпадот. Сега сме цврсто решени да се вклучиме во светската битка со пластиката, изјави Радослав Дурчов од „Јулен”. Тој соопшти дека само од почетокот на годината во центарот се собрани и предадени над 1,3 тони пластичен отпад.

– Целта ни е овој штетен отпад да биде максимално намален и поради тоа ја отстрануваме пластиката од употреба, истакна Дурчов .

Посебни контејнери за собирање на отпад, со јасни ознаки, веќе се поставени во одморалиштето.

– Употребата на стаклена амбалажа ќе ги зголеми нашите трошоци, но категорични сме дека заслужува поради битката со пластиката, рече претставник на „Јулен“.

Популарно