(ФОТО) Ова е терористот што уби полицаец во Париз

Еден полицаец е убиен додека двајца други се сериозно ранети од напаѓачот кој со калашњиков дивееше синоќа на Шанзелизе во центарот на Париз, јавуваат британските медиуми.

Наводниот терорист на Исламска држава, идентификуван како 39-годишниот Карим Шеурфи, кој бил во затвор 20 години поради обид да убие полицајци во 2001, го паркирал својот автомобил марка „ауди“ и почнал да пука откако полицајците сопреле на црвено светло на славната париска авенија.

Еден сообраќаен полицаец загинал на лице место откако бил погоден во глава, а уште двајца биле повредени пред Шеурфи да биде застрелан од вооружени полицајци.

Заталкан куршум испукан од терористот ранил една туристка што поминувала во близина. ИСИС ја презеде одговорноста за нападот.

Личната карта на напаѓачот била најдена во автомобилот што го возел, по што е потврдено дека им бил познат на безбедносните служби за повеќе неодамнешни прекршоци, а бил означен и како „екстремист“.

Тој бил приведен минатиот месец откако се обидел да купи оружје „за да убива полицајци“, но бил пуштен поради недостиг од докази.

(ВИДЕО) За само пет минути авион во лет падна на 500 метри височина

Меѓу патниците во авионот, кој летал од Турција до Русија, се создала паника кога, за само пет минути, авионот пропаднал од висина од 9.997 метри на околу 500 метри, по што ненадејно дошло до пад на притисокот во кабината.

Според непотврдени информации, дошло до дефект на моторот на леталото.

Луѓето викале и плачеле, а во авионот ербас 321 на нискобуџетната компанија Онур ер, со седиште во Истанбул, имало 226 патници и осум членови на екипажот.

На видео снимката, која ја направиле патниците откако авионот вонредно слетал на аеродром во Волгоград, на југот на Русија, се гледа како од плафонот на авионот висат маски со кислород.

Турскиот авион летнал од Анталија кон Чељабинск, град кој се наоѓа источно од планината Урал.

Турскиот весник Хуриет дејли њуз јавува дека авионот вонредно слетал во Волгоград, но истакнува дека не е прецизирано од кои причини. Аеродромот во Волгоград потврди дека имало вонредно слетување, и дека друг авион бил испратен да ги собере патниците.

МЕРКА ИПОЛ: Оваа земја направи бум во светот и обезбеди бесплатен јавен превоз за своите граѓани

Главниот град на Естонија, Талин направи огромен чекор напред и обезбеди мерка со којашто граѓаните ќе станат позадоволни, а  Естонија ќе има огромни бенефити. Во еден експеримент спроведен пред точно пет години, кај властите  се роди феноменална идеја за бесплатен превоз.

Примерот на главниот град ќе го следат и останатите градови.

 Естонија од 1 јули ќе воведе бесплатен јавен превоз на територијата на целата земја и со тоа ќе стане првата земја во светот што им овоможила бесплатен јавен превоз на сите свои граѓани.

Со ваквиот потег, 1,3 милиони жители на оваа балтичка земја нема да тошат пари за превоз со воз, автобус и трамвај.

Естонија веќе е пионер во воведувањето бесплатен јавен превоз – во 2013 година јавниот превоз во главниот град Талин стана бесплатен за сите негови жители, но не и за туристите и посетителите од други градови и региони.

Мишел и Барак Обама потпишаа договор и го изненадија светот

Поранешниот претседател на САД, Барак Обама и неговата сопруга Мишел, потпишаа повеќегодишен договор со компанијата „Нетфликс“  и ќе бидат  продуценти на некои идни филмови и серии кои ќе ги гледаме.

– Поранешниот претседател и неговата сопруга ќе имаат опција да продуцираат и документарни филмови, соопштија од „Нетфликс“ .

Обама на своите соработници им соопштил дека со ова нема намера да води кампања против неговиот наследник во Белата куќа, Доналд Трамп.

Барак и Мишел Обама претходно основаа компанија под име „Хајер граунд продакшнс“.

Популарно