(ФОТО) Ова е терористот што уби полицаец во Париз

Еден полицаец е убиен додека двајца други се сериозно ранети од напаѓачот кој со калашњиков дивееше синоќа на Шанзелизе во центарот на Париз, јавуваат британските медиуми.

Наводниот терорист на Исламска држава, идентификуван како 39-годишниот Карим Шеурфи, кој бил во затвор 20 години поради обид да убие полицајци во 2001, го паркирал својот автомобил марка „ауди“ и почнал да пука откако полицајците сопреле на црвено светло на славната париска авенија.

Еден сообраќаен полицаец загинал на лице место откако бил погоден во глава, а уште двајца биле повредени пред Шеурфи да биде застрелан од вооружени полицајци.

Заталкан куршум испукан од терористот ранил една туристка што поминувала во близина. ИСИС ја презеде одговорноста за нападот.

Личната карта на напаѓачот била најдена во автомобилот што го возел, по што е потврдено дека им бил познат на безбедносните служби за повеќе неодамнешни прекршоци, а бил означен и како „екстремист“.

Тој бил приведен минатиот месец откако се обидел да купи оружје „за да убива полицајци“, но бил пуштен поради недостиг од докази.

„Отворено општество“ доби 18 милијарди долари од Сорос

Џорџ Сорос подарил 18 милијарди долари од неговото лично богатство на Фондацијата отворено општество, со што фондацијата стана една од најголемите светски филантропски организации.

Тој овие средства ги подарил на фондацијата во изминатите неколку години за да ја осигура нејзината иднина. ФОО е втората најголема приватна фондација по фондацијата на Бил и Мелинда Гејтс.

Средствата кои Сорос ги подарил на фондацијата се од неговото лично богатство, кое што според Форбс изнесува околу 23 милијарди долари.

Првата фондација Сорос ја основа во 1984 година во Унгарија, а Фондацијата отворено општество ја основа во 1993 година во САД. Буџетот на фондацијата за 2017. година изнесува 941 милион долари.

Трамп имал средба со самиот себе?!!!!

Претседатлот на САД, Доналд Трамп изјави дека се сретнал со претседателот на Девствените Острови, што значи деке имал средба со самиот себе, објави денеска британскиот весник Индипендент.

Трамп ги посети Девствените острови по ураганот Ирма, кој на крајот од септември целосно разурна неколку острови и нанесе голема штета и во Флорида.

Тој во петокот изјави дека бил во Тексас, во Флорида, во Лујзијана, во Порторико, како и оти се сретнал со претседателот на Девствените Острови.

Трамп таму се сретна со гувернерот на Девствени Острови, Кенет Меп, 61-годишен Њујорчанин, кој е на функцијата од 2015 година. 

ДОЈДЕ КРАЈ: Во оваа земја 24 години имаа бесплатно струја, гас и вода

Од 1993 година граѓаните на Туркменистан користеа бесплатно струја, гас и вода. 

Но, неодамна е донесен закон со кој овие привилегии се укинуваат. 

Досега секој поединец имал право на бесплатни 35 kW  струја, 50 метри кубни гас месечно и 250 литри вода дневно. 

До 2014 година за сопствениците на автомобили давале и по 120 литри бензин месечно. 

Од 1 ноември граѓаните ќе плаќаат од свој џеб ако го поминат лимитот установен од 1993 година. 

Се смета дека овој систем не е оддржлив и дека во иднина ќе биде достапен само за социјалните случаеви. 

Популарно