Во Затворот „Шутка“ претепан обвинетиот за напад врз Села во собранието

Два месеци откако беше уапсен од страна на полицијата поради обид за убиство на пратениците, еден од напаѓачите на Села беше претепан во Затворот на Шутка. Инцидентот го потврдуваат и од затворот.

Ѓорѓиевски бил однесен вчера изутрина во Ургентниот центар во Болницата „8 Септември“, а околу 17 часот полицијата повторно го вратила во затвор. На 11 мај оваа година, полицијата го уапси Кире Ѓорѓиевски и неговиот татко, при што во нивниот стан беа пронајдени патики со крв. На таткото и синот обвинителството им одреди мерка притвор, но и двајцата обвинети рекоа дека само сакале да му помогнат на Села, а не да го убијат. Ним ќе им се суди за кривичното дело, обид за убиство со умисла, дело за кое што според Кривичниот законик се добива казна затвор од најмалку 5 години.

Крвава тепачка во кафеана во Скопје

Поради недоразбирање за девојка, настанала тепачка меѓу тројца скопјани, кои се удирале со флаши и чаши во ресторан на булеварот „Свети Климент Охридски“ во Скопје.

Во тепачката учествувале 20 годишно момче А.Д од едната и 25-годишниот В.П. и 26-годишниот Д.П. од другата страна, соопшти МВР.

На Д.М. и В.М. им е укажана лекарска помош во Комплекс клиники “Мајка Тереза” каде им биле констатирани телесни повреди, додека кај А.Д. не биле забележани видливи повреди.

Синот на Есма го ограбил нејзиниот музеј?!

Еден од 47 посвоени синови на покојната дива на ромската музика Есма Реџепова, Симеон Атанасов, е приведен поради сомнение дека го ограбил нејзиниот музеј на скопската тврдина Кале.

Тој наводно неколку часа поминал во полиција на разговор како обвринет дека има врска со кражбата на работите на Есма, од накит, гардероба, чевли, мебел, па дури и урната со пепел на нејзиниот сопруг Стево Теодосиевски.

„Полицијата дошла до сознанија дека синот на Есма имал клуч од музејот и дека со својата љубовница Елеонора ги изнел сите уникати во вредност од неколку десетина илјади евра, поради што истрагата е во тек. Тој смета дека наследството е негово, па со помош на тестаментот се обидел да присвои се, елиминирајќи ги сите останати деца. Имал намера да ја присвои и музејот, но државата тоа не го дозволила. Затоа одлучил преку кражба да дојде до богатството и решил да украде и собере се за себе“, велат блиски пријатели на семејството на Есма.

Според информациите на полицијата, првата кражба се случила по смртта на пејачката во 2016 година, а полицискиот увид во просториите е извршен на основа на барање на Фондацијата „Есма Реџепова“.

„Триесетти март 2018 година, пријавено е дека од 12 декември 2016 година, до 30 март 2018 година, непознат сторител извршил тешка кражба во Музејот на Есма Реџепова, на улица Самоилова, па се превземени мерки на утврдување на одземените предмети и пронаоѓање на сторителот“, стои во соопштението на полицијата.

Музејот на Есма е под заштита на државата и многумина парично помогнале истиот да се среди. Меѓу нив е и семејството Клеопатра, која донирала дури 100.000 евра. Есма целиот свој имот, вклучувајќи ја и куќата во која се Музејот и Домот на Хуманоста и уметноста „Стево и Есма Теодосиевски“, во која живеела, во својот тестамент ги иставила на Република Македонија.

Есма Реџепова со сопругот посвоила 47 деца, а по неговата смрт и една девојка. Тоа што е тажно е што нејзиниот гроб речиси никој и не го посетува. Се е запуштено, а ни година дена по нејзината смрт никој споменикот не го подигнал. Дури и куќата во која живеела се претворила во дувло.

ВИДЕО: Девојката што пушеше марихуана на улица во Скопје, заврши во станица!

Девојката која тврдеше дека пуши марихуана јавно на улиците на Скопје е приведена вчера.

Додека ја приведувале девојката, новинарката Кристина Мачкиќ од Dosie.mk фотографирала со телефонот, но полицијата и го одзела и барала се да избрише. Новинарката Мачкиќ кажа дека објаснувањето на полицијата било дека немала камера и не знаеле со сигурност дека е новинар.

-Се понудив да одам во станица и да ги видат фотографиите, посебно што беа сликани од грб и не се гледаше лик на ниту еден полицаец, но ги избришаа, вели Мачкиќ кога воедно е член на Управниот одбор на ЗНМ.

Популарно