Во Затворот „Шутка“ претепан обвинетиот за напад врз Села во собранието

Два месеци откако беше уапсен од страна на полицијата поради обид за убиство на пратениците, еден од напаѓачите на Села беше претепан во Затворот на Шутка. Инцидентот го потврдуваат и од затворот.

Ѓорѓиевски бил однесен вчера изутрина во Ургентниот центар во Болницата „8 Септември“, а околу 17 часот полицијата повторно го вратила во затвор. На 11 мај оваа година, полицијата го уапси Кире Ѓорѓиевски и неговиот татко, при што во нивниот стан беа пронајдени патики со крв. На таткото и синот обвинителството им одреди мерка притвор, но и двајцата обвинети рекоа дека само сакале да му помогнат на Села, а не да го убијат. Ним ќе им се суди за кривичното дело, обид за убиство со умисла, дело за кое што според Кривичниот законик се добива казна затвор од најмалку 5 години.

Уште една голема трагедија: Мајка го пронајде детето мртво пред зграда

Медиумите во регионот пишуваат за големите трагедии кои деновиве ја потресоа Македонија. Завчера три деца во Велес изгореа во пожар, а вчера шестгодишно дете почина по пад од балкон.

Портпаролот на охридската полиција Стефан Димоски информира дека во 12 часот и 20 минути, во полициската станица во Струга телефонски биле известени од ЈЗУ Општа болница за несреќен случај со последица смрт на малолетничка родена 2012 година.

По добивање на информацијата, според него, формирана била увидна екипа и Јавен обвинител излегле на по што излезено е на местото на настанот.

- Констатирано е дека малолетното девојче било во нејзиниот стан заедно со мајка си и малолетниот брат, по што во еден момент ја снемало од собите во станот. Откако мајката го забележала тоа, започнала да ја бара низ станот, но и во соседниот стан каде живеел нејзиниот дедо по што излегле надвор од зградата. Тогаш ја забележале падната под балконот и итно ја префрлиле на хирургија при Општата болница во Струга, појасни Димоски.

Во струшката болница била констатирана смрт, а по наредба на Јавен обвинител, телото било предадено на семејството. 

Трагичниот пожар во Велес бил подметнат?

Не е исклучена можноста да бил подметнат пожарот во трошната куќа во Велес во кој загинаа три дечиња, јавува екипата на 1ТВ. Од импровизираната трошна куќа, која е на непристапен терен, веќе нема останато ништо. Во неа немало ниту вода, ниту струја и засега не е јасно како настанал пожарот.

Од пожарната и полицијата не го исклучуваат човечкиот фактор како причина и не отфрлаат можноста пожарот да е подметнат. Според првичните сознанија на јавниот обвинител, пожарот избил откако родителите ги заклучиле децата и заминале во продавница.

Екипата на 1Тв што се уште е на терен, јавува дека таткото не сакал да даде изјава пред камера, но ја обвинува држвата бидејќи не им помогнала кога барале помош. Вели дека ова не било првпат да ги остават децата сами, бидејќи немало кој да им помогне. Соседите кои повикале противпожарна екипа, раскажуваат дека не ги познаваат родителите, кои таму живееле околу 2 години.

Раскажуваат дека вчера било ужасно – полнеле вода од соседните куќи кои се на 100-тина метри и се обидувале да им помагаат на пожарникарите во гасењето на пожарот. Никој не знаел дека децата на возраст од една, две и четири години, се внатре додека не дошле родителите.

Три дечиња изгореа во пожар

Страшна трагедија попладнево го потресе Велес. Според сознанијата на ТВ 24, во пожар кој избил нешто пред 17 часот изгореа три дечиња на една, две и петгодишна возраст. 

Според првичните информации, куќата во која се случил пожарот се наоѓа на непристапен терен во Велес. Куќата е дива градба, најверојатно се работи за социјално загрозено семејство.

Се очекуваат детали.

Популарно