Ме успасија пред ќерката, па си честитаа за убиството на Аркан

Драган Николиќ Гаги вели дека откако пукале во него, морал итно да избега, а на 15. април 2003. година по криењето и животот во бегање, бил уапсен во спектакуларна акција.

- Слушам експлозија, станувам пред тригодишната ќерка. Гледам искршена влезна врата, сакам да ја заштитам ќерката. Ги видов Кобрите како влегуваат во станот. Ме унаказија пред детето. Гледам надвор пожарникари и Брза помош облечени како бездомници, сфатив дека има и полиција, бев опколен. Ме однесоа во полиција, а таму на командантот кој ме уапси му честитаа за убиството на Аркан, вели Гаги.

Претходно тој раскажа се за деталите за убиството на Аркан.

Трагедијаутрово ја потресе Македонија: Тинејџер загина на лице место

Деветнаесет годишно момче од Радовиш утрово загина во сообраќајка која се случила на магистралниот пат Радовиш-Струмица кај клучката Воиславци.

Како што пренесува МИА, сообраќајката се случила помеѓу патничко возило Голф управувано од Кристијан Р. роден 1998 година и товарно возило „Мерцедес“ управувано од Тодорче Ј. роден 1959 година.

Во незгодата на лице место починал возачот на голфот Кристијан додека неговата сопатничка Елена Г., исто така родена 1998 се здобила со повреди, со возило на итната медицинска помош пренесена е во Здравствениот дом Радовиш.

Полицијата направила увид. Утрово од 04:40 минути до 08:40 минути сообраќајот на магистралниот пат се пренасочуваше.

МВР КОНЕЧНО распиша потерница по убиецот на Мартин Јанушев

Имаме несоборливи докази дека лицето Ф.С. е сторител на убиството на Мартин Јанушев, информираше денеска министерот за внатрешни работи Оливер Спасовски при посетата на СВР Скопје.

– Поднесена е кривична пријава, а стапуваат и другите мерки кои треба да бидат преземени во смисла на меѓународна потерница итн. за обезбедување на лицето и целосно расчистување на случајот, рече Спасовски.

Додаде дека имаат индиции за местото каде што се наоѓа сторителот и во моментот МВР е насочено на неговото откривање.

28-годишниот Мартин бил син на полициски службеник и брат на вработен во единицата Алфи.

Тој беше застрелан на 3-ти ноември, околу 18 часот пред влезот на зградата во која живеел, во населбата Аеродром.

Дел од очевидците раскажаа дека врз него било стрелано 4-5 пати во пределот на главата и вратот.

Јанушев играше за клубот „Локомотива“, а претходно кариерата ја градеше во клубовите „Маџари Солидарност“ и „11 Октомври“.

ВИДЕО: Страшна сообраќајка во Скопје!

Синоќа на скопскиот булевар „Партизански одреди“ се случи тешка сообраќајна несреќа во која што за среќа, после судирот на две возила, нема загинати.

Автомобилите наводно возеле со голема брзина и се судриле на булеварот спроти пекарата „Силбо“, при што е причинета голема материјална штета. Едно од возилата удрило во билборд кој што е срушен и за малку ќе влетало во експозитурата на НЛБ Банка. Екипите на итна помош реагирале веднаш, а полицијата изврши увид на местото на сообраќајната несреќа.

Како што пренесува 24vesti.com.mk, едно лице кое што управувало со еден од автомобилите било повредено и префрлено во болница, а за среќа нема жртви.

Популарно