(ВИДЕО) Не биле таблети, Меси од чорапите си вадел карамели

Фудбалерите на Барселона во средата го совладаа Олимпијакос со 3-1 во дуел од третото коло од Лигата на шампионите, а по натпреварот многу повеќе се зборува за потегот на Лео Меси отколку за другите случувања на теренот.

Главната ѕвезда на Барселона во еден момент од левата чораша извади нешто и стави во уста, а деталот го забележаа камерите. Шпанските медиуми првично пренесоа дека станува збор за таблета која содржи глукоза, која Меси ја користи за зголемување на мускулната енергија.

Меѓутоа, угледната Марка денеска откри нови податоци. Според најновите сознанија, напаѓачот на Барса си носел обична карамела и таа предизвика општа лавина од реакции ширум светските медиуми.

Нови вести од Загреб: Настапот против Чешка на Лазаров сведенна теорија

Во четвртиот меч на европското првенство во Хрватска, Македонија го забележа првиот пораз од Шпанија, но уште поголема загуба беше повредата на десниот бек, Кирил Лазаров. Македонскиот капитен излезе од игра на самиот старт, поради болки во задната ложа на десната нога, а денес по направените прегледи изјави:

„Останувам во Загреб и во очекување сум на магнетната резонанца. Се надевам попладнево ќе знаеме нешто повеќе“.

Потврдено е дека тој нема да се појави на денешниот тренинг од 19.00 часот. а неговиот настап на утрешниот меч против Чешка е сведен на теорија.

Нашата репрезентација моментално се наоѓа во Вараждин, каде се подготвува за последните два меча, против Чешка и Данска, во рамки од главната фаза на шампионатот. Со два триумфи, би можеле да стигнеме до полуфиналето, кое ќе се игра во Загреб. 

Извор: Гол.мк

Кире Лазаров по прегледите на ногата: Бидете трпеливи

Македонија стравува, но Македонија има простор и да се надева. Капитенот Кирил Лазаров се уште ги чека конечните резултати по повредата, а и сите ние заедно со него.

„Сè уште правиме анализи. Не можам ништо да кажам, бидете трпеливи" – рече капитенот на националниот тим за Македонски спорт.

Кирил Лазаров се повреди по само 10-тина минути игра на синоќешниот натпревар со Шпанија и во моментов е неизвесно дали ќе може да го доигра првенството.

НЕ Е ГОТОВО: Кире ќе игра со Чешка и Данска!

И покрај утринските шпекулации од страна на ЕХФ преку нивните социјални мрежи дека Европското првенство за најдобриот македонски ракометар Кирил Лазаров е завршено, сепак и тоа како отворена е можноста Македонија до крајот на шампионатот повторно да смета на својот капитен, пишува Екипа.мк.

Лазаров ги заврши деталните лекарски прегледи во Загреб, на повредениот мускул, по што, како што дознава Екипа.мк, првичните реакции се дека постои сериозна надеж дека ќе биде на располагање на селекторот Раул Гонзалез за последните два натпревари од групата во Вараждин.

Според последните информации, повредата на Лазаров сепак не е со тежина за каква првично се стравуваше поради што од РФМ веднаш се ангажирани врвни медицинска лица од регионот кои заедно со лекарскиот тим на македонската репрезентација ќе се обидат да го подготват капитенот за следните предизвици на ЕП.

Едно е јасно, денеска најверојатно нема да следи дефинитивна информација дали Кирил Лазаров ќе може да настапи против Чесите. Дали ќе биде на располагање на Раул Гонзалес дефинитивно се очекува да биде познато во текот на утрешниот ден, непосредно пред самиот натпревар со Чешка кој го играме од 20:30 часот во Вараждин.

Екипа.мк

Популарно