Вечер: Забранет влез во Скопје за граѓаните од внатрешноста

Граѓаните што доаѓаат од надвор ќе може да возат само до периферните влезови на градот каде што ќе им биде обезбеден паркинг простор. И оваа мерка нема да биде краткотрајна само кога воздухот е загаден, туку во план е така да функционира засекогаш. Мерката веќе наиде на негодување кај жителите од останатите градови, пишува дневниот весник Вечер.

Околу 30 до 40 илјади возила од цела Македонија секој ден доаѓаат во Скопје. Бројките покажуваат дека од источна Македонија дневно во главниот град влегуваат околу 12.000 возила, додека фреквенцијата е нешто поголема на автомобилите што доаѓаат од западна Македонија и изнесува 18 000 возила. Токму поради тоа власта планира една од мерките за намалување на загадувањето на воздухот во метрополата да биде насочена кон овие возила.

Според Град Скопје и Министерството за животна средина се планира да се ограничи движењето на овие автомобили низ главниот град. Граѓаните што доаѓаат од надвор ќе може да возат само до перфиерните влезови на градот каде што ќе им биде обезбеден паркинг простор. И оваа мерка нема да биде краткотрајна само кога воздухот е загаден туку во план е така да функционира засекогаш.

– Во Гази Баба и во Ѓорче Петров веќе се бараат локаци за паркинг простор. Од таму граѓаните ќе треба да фатат автобус или на друг начин да отидат до крајната дестинација, изјави завчера заменик министерот за животна средина, Јани Макрадули.

Сепак, ваквата мерка веќе наиде на големо негодување од жителите на другите градови, пред се како што велат поради фактот што често доаѓаат во метрополата заради болнички испитувања.

– Речиси секој ден возам патници од Виница за Скопје, освен студентите другите клинети речиси сите одат во Државна болница на доктор, ретко некој да оди заради шетање и гости. Како граѓаните што имаат здравствени проблеми ќе се симнат на влез на Скопје и ќе се малтретираат до болница кога станува збор за болни лица на кои им е тешко да се движат низ болница, а не да бараат автобуси, да се снаоѓаат, а не го ни познаваат Скопје, плус губат време а таму се со термин, вели анонимен таксист од Виница.

Премиерот го реобјави избришаниот “твит”

По пауза од речиси еден час премиерот Заев повторно го објави твитот кој предходно го избриша по критиките од твитерџиите.

Откако во 22.20 Заев го избриша твитот во кој раскажува кое е можното прашање на референдумот во 23.18 тој повторно го објавува истиот текст.

На неговиот избришан твит реагираат и други луѓе како екс министерката за култура Ганка Цветановска.

Првиот текст е избришан по силните реакции на групата #бојкотирам која на социјалните мрежи води кампања за бојкот на референдумот.

Expres.mk

Премиерот Заев принуден да избрише “твит”

Твитерџиите од движењето #бојкотирам го принудија премиерот Заев да избрише твит во кој објаснува што договарал на лидерската средба.

Откако го објави прашањето за референдумот премиерот доби низа коментари од членови на движењето #бојкотирам по што тој го избриша твитот.

Движењето #бојкотирам според информации од твитер заедницата обединува десетина активисти, дел од нив активни и во Шарената револуција кои што сега сметаат дека Владата на Заев влече погрешни потези за името.

ВИДЕО: Дали сте за членство во ЕУ и НАТО со прифаќање на Договорот со Грција?

Премиерот Зоран Заев по лидерската средба вечерва изјави дека на средбата било разговарано за можното референдумско прашање, како и за тоа референдумот да биде консултативен.

-Оваа лидерска средба ја свикавме за да одлучуваме заедно и да избереме стабилност, безбедност и иднина. На средбата разговараме за можното референдумско прашање во насока на „Дали сте за членство за ЕУ и НАТО со прифаќање на Договорот со Грција?" Во услови кога Собранието треба да донесе некоја важна одлука, референдумот да биде консултативен, пред Собранието да донесе важна одлука. Сепак волјата на граѓаните сите партии ќе треба да ја почитуваат. За ова разговараме сите кои останавме на средбата до крај – рече Заев.

- Одлуката се смета за конечна доколу изглеле најмалку 50% од запишаните граѓани, без разлика каков карактер ќе има референдумот, законот вели претходен или дополнителен и јасно кажува каков треба да биде. Консултативен е кога ние сакаме да го консултираме нашиот народ претходно, како што прашањето за промена на уставното име. Историски гледано, ВМРО-ДПМНЕ е за референдум, изјави Заев.

За ДИК ќе се знае епилогот утре, во потесен формат. Заев не одговори кога би се одржал референдумот. Порача дека добил поддршка од сите партии, и оние коалициските на ВМРО-ДПМНЕ кои останаа откако Мицкоски ја напушти средбата.

Популарно