„Една книга за мир“ – доказ дека Библијата и Куранот шират исти пораки

Ако ги споредите основните принципи на исламот и на христијанството, ќе забележите дека се речиси идентични. И покрај спротивното мислење кое преовладува меѓу луѓето, во светот постојат повеќе нешта кои нѐ поврзуваат отколку што нѐ раздвојуваат. Една од тие работи е религијата. Токму ова е основната тема на книгата „Една книга за мир“, која го собира учењето од светите книги Библија и Куран и преку нивно напоредно претставување покажува колку всушност се слични пораките во двете книги.

Во „Една книга за мир“ се претставени по 10 стихови од Библијата односно ајети од Куранот на 10 универзални теми, блиски на сите луѓе од светот: еден Бог, Мир, Правда, Љубов, Семејство и соседи, Светоста на животот, Милост, Проштевање, Помагање на другите и Надеж. Книгата ја уреди искусниот босански новинар Мирнес Ковач со помош на два теолога – Мухамед Фазиловиќ (ислам) и Павле Мијович (христијанство). Теолозите од своите свети книги бираа стихови кои тие би сакале луѓето од другите вери да ги прочитаат за нивната вера.

Подготовката на книгата е дел од проектот „The One“, кој е заедничко дело на агенциите „Њу Момент“ – Белград и Y&R Dubai, осмислен за Меѓурелигискиот совет во Босна и Херцеговина. Целта на проектот е да се урнат предрасудите и да се подигне свеста за важноста на меѓусебното разбирање и меѓурелигискиот дијалог.

Книгата премиерно беше претставена на каналот Ал Џезира и наскоро ќе биде пратена до највлијателните светски лидери, како што се папата Франциско, Доналд Трамп, Владимир Путин, Ангела Меркел и многу други ширум светот.

„Една книга за мир“ може бесплатно да ја преземете или да ја прочитате на http://onebookforpeace.org/#/.

Извор: Религија.мк

Утре е голем празник – Ако имате деца ова мора да го направите

Утре се прославува Преподобен Сисој Велики- заштитник на децата и брз помошник во секоја тага и неволја.

Родум Мисирец и ученик на Св. Антониј. После смртта на својот голем учител Св. Сисој се насели на пустинската гора наречена Антониева според местото на подвигот на великиот светител.

Земајќи врз себе тешки подвизи толку се скроти самиот себеси, што стана незлоблив како јагне. Затоа Бог му даде голема благодат. Можеше да исцелува болни, да изгонува демони и да воскреснува мртви.

Свети Сисој се подвизуваше шеесет години во пустината и беше како извор на жива мудрост за сите монаси и мирјани што му притекнуваа барајќи поука. Пред смртта лицето му заблеска како сонце.

Монасите стоеја околу него и ѝ се восхитуваа на оваа појава. А кога светителот ја испушти душата, одајата се исполни со прекрасно благоухание. Се упокои во длабока старост, во 429 година.

Ги учеше Св. Сисој монасите: „Какво искушение и да го снајде човекот, тој треба да ѝ се предаде на волјата Божја и да признае дека искушението се случило заради неговите гревови.

Ако пак се случи нешто добро, треба да се каже дека станало по Божја Промисла“. Монах го праша авва Сисој: „Како да Му угодам на Бога и да се спасам?“ Му одоговори светителот: „Ако сакаш да Му угодиш на Бога, излези од светот, оддалечи се од земјата, остави ја тварта, пристапи кон Создателот, соедини се со Него со молитва и со плач и ќе најдеш спокојство и во овој и во оној век“.

Монах го запрашал авва Сисој: „Како да го достигнам смирението?“ Му одоговори Светителот: „Кога некој ќе се извежба да го признава секој човек за подобар од себеси, ќе го стекне со тоа смирението“.

Амон му се жалел на Сисој дека не може да ги запомни мудрите изреки што ги прочитал и да ги повтори кога разговара со луѓето. Му одговорил светителот: „Тоа не е нужно. Потребно е да се стекне чистота на умот и да се зборува од таа чистота, полагајќи ја надежта во Бога“.

Најголемиот број обичаи врзани за Свети Сисој кои се почитуваат се врзани за децата. Многу мајки постат седум дена пред овој празник за да се причестат, а се верува дека така децата ќе бидат здрави и дека во живото ќе ги след среќа.

Ако на овој празник врне треба да ги пуштите децата надвор добро да искиснат. Во некои краишта е сочувано верувањето дека тоа е водата која Свети Сисој им ја испраќа од небото и дека така најдобро и најздраво ќе пораснат.

Постарите велат дека Свети Сисој е нјголемиот прогонувач на сите ѓаволи кои ги напаѓаат децата, па се верува дека денеска децата може да останат надвор и навечер, бидејќи демоните ќе избегаат и ќе се сокријат.

Народот вели дека се што ќе се роди на Свети Сисој ќе биде среќно и долговечно.

Следната недела ни доаѓаат два големи празника- ако на тој ден ве полази овој инсект никогаш нема да оздравете!

Идната недела ни доаѓаат два големи православни празника, Петровден и Павловден кои се слават на 12 и 13 јули.

На Петровден именден слават тие што го носат името Павле, Пајо, Павлина и сл. иако и претходниот ден може да се сретне празнување на овие имендени, затоа што претходниот ден се празнува споменот на двајцата апостоли.

На Павловден жените повеќе му посветуваат внимание од Петровден.

Во некои места на овој ден не се работи за да не се дојде до контакт со пајаци, да не го каснат некого при полските работи, жетва, врзување снопови, и слично.

Се верува дека човек каснат од пајак на овој ден тешко ќе оздрави. Затоа овој ден е познат и како Пајаковден.

Популарно