(ВИДЕО) Жестока дебата на Михајловски и Богоевски: Може ќе има востание, ќе те прогласат за велепредавник

ВМРО-ДПМНЕ ќе го поддржи референдумот за договорот со Грција. Поради цврстиот став  дека договорот е штетен, дел од јавноста која се противи на истиот, очекуваше повикот за бојкот да дојде од најголемата опозициска партија зошто со учеството ќе се стигне до цензус и позитивен исход. Тони Михајловски, како член на Извршниот комитет на ВМРО-ДПМНЕ вели дека тие засега остануваат со овој став, но не ја исклучува можноста да го сменат.

Но, двете политички партии сè уште тактизираат за прашањето што ќе се случува по референдумот. Михајловски вели дека во случај ако граѓаните се изјаснат позитивно на референдумот, не се исклучува можноста пратениците да гласаат против договорот со Грција или евентуално тие да поднесат оставка од морални причини. Тој тврди дека сите карти се отворени.

„Верувам дека повеќето пратеници ќе ја почитуваат волјата на граѓаните. Може да се појави бунт и повеќето од граѓаните да не се согласуваат со мнозинството. Не е исклучено некои пратеници да се повлечат, па да дојдат други луѓе, да има нови избори, нови пратеници. Можно е и да се приклонат и кон волјата на граѓаните бидејќи, едноставно, народот е во право и кога греши“, вели Михајловски според кого за ова прашање ќе се одлучи на следниот состанок во партијата.

Ако пратениците на ВМРО-ДПМНЕ и во конкретниот случај на позитивно референдумско изјаснување не го поддржат договорот со Грција, пратеникот Павле Богоевски вели дека мнозинството и Владата имаат други планови, кои нему не се познати.

„Ова е решение на проблемот што вие 12 години избегнувавте да го решите поради дневнополитички поени бидејќи анкетите ви велеа така. Овој договор е чекор на решителни и храбри политичари што не се плашат да ги ризикуваат и сопствената политичка кариера и иднината обидувајќи се да понудат подобро утре за граѓаните на оваа држава. Не се губи историјата, ниту идентитетот ниту името на нашата нација, сѐ си останува и сѐ е дефинирано“, вели Богоевски на што Михајловски негодуваше.

„Лажеш, покриваш, филуваш нешто што навистина смрди од долу, и тоа толку многу што просто може да се препознае што е јадено“, рече Михајловски.

Богоевски како пратеник вели дека ќе ја понесе целата одговорност бидејќи цврсто стои зад своите ставови и со тоа е спремен да ја жртвува својата политичка кариера. Михајловски како член на ИК на ВМРО-ДПМНЕ вели дека пратениците од оваа партија се категорични и нема да дадат поддршка за договорот со Грција.

„Не се сака Македонија со тоа што ќе поништите сѐ, ќе почнете од нула, ќе почнете со нова нација, нова вера, нова Библија и црква, сѐ ќе почне од вас. Ти и Љуми, веројатно, ќе бидете првите Боро и Рамиз. Овој Лешковски ќе биде Цепенков. Убаво ви е да станете. Заев ќе биде првиот премиер на Северна Македонија, колку тоа убаво звучи. Павле, Македонија се сака кога го слушаш народот во моментот. Вие го будите гневот на народот. Многу бргу, драг Павле, ќе се соочите со начинот како се сака Македонија. Со народот ќе се соочите. Тогаш ќе кажеш – е вака се сака Македонија“, му порача Михајловски на Богоевски, на што пратеникот рече дека овој став само покажува каква политика води ВМРО-ДПМНЕ.

„Такво простачко ниво, таква некултурна аргументација“, коментира Богоевски.

Михајловски договорот го смета за капитулација, за продажба на сите интереси за кои се бореле предците, а со тоа и уништување на АСНОМ. Богоевски тврди дека криминалите што ВМРО-ДПМНЕ ги правела како партија ќе се исчистат, а ова е ново поглавје, решение што ќе донесе иднина за сите.

Кој е набогат во владата на Заев - премиерот е само шести по богатство!

Најбогат член нa владата е вицепремиерот Кочо Анѓушев. Втор по богатството е министерот Крешник Бектеши, а меѓу шестемина најбогати членови на Владата се и премиерот Зоран Заев и министрите Хазби Лика, Никола Димитров и Асаф Адеми.

Вкупното богатство на овие шестмина богаташи во Владата вреди 35 милиони евра, изјави Жаклина Хаџи Зафировa од Центарот за истражувачко новинарство СКУП Македонија, презентирајќи ја новата веб платформа ПЕП (politically exposed person), која ќе содржи податоци за имотот на функционерите.

-Ние се потпираме на официјални документи и изјави од државните институции, иако во моментов Комисијата за антикорупција не може да ни обезбеди информации од јавен карактер, затоа што се избрани нови членови. Сите знаеме дека вицепремиерот Анѓушев е најбогат, додека на второто место е Крешник Бектеши – изјави Хаџи Зафирова за 1ТВ.

Овој проект финансиран од Американската амбасада на новинарите и на граѓаите треба да им обезбеди веродостојни информации за функционерите. Конкретно, веб платформата ќе биде база на податоци за тоа што поседуваат не само тие, туку и членовите на нивното поблиско семејство, потоа дали се инволвирани во некакви бизниси, дали имаат сопственички удели, дали се накаде акционери, односно ќе ги обезбедува сите податоци кои се пријавени во Државната комисија за спречување корупција.

Никола Груевски сигурно ќе се појави вечерва на протест пред Собрание?!

Денеска пред Собранието на Република Македонија ќе има протест, чиј организатор е „Бојкотирам“, кои обезбедија превоз од сите градови во државата.

Од подддржувачите на овој протест, уверуваат дека бројката на луѓе кои ќе излезат и ќе протестираат ќе биде голема, споредувајќи ја со онаа од 27. февруари, како и онаа од 2. јуни.

На социјалните мрежи може често да се прочита и дека доколку би бил во државата, сигурно на овој протест ќе се појави и Никола Груевски, поранешниот премиер кој моментално е во бегство и најверојатно се наоѓа во Будимпешта.

Од неговите поддржувачи, кои му честитаат на фактот што избега од државата, има повеќе коментари, во кои тврдат дека тие ќе земат со себе уште некој, поради оправданото отсуство на Груевски.

БОЈКОТИРАМ: Разбуди се Македонецу, ова е твојот дом!

Движењето “БОЈКОТИРАМ” под мотото “#Бојкотирам уставни промени со фингирано 2/3 мнозинство”, за утре организира голем народен протест пред Собранието на Република Македонија, со почеток од 18:00 часот.

Во прогласот на настанот се вели:

“Во согласност со ПРОГЛАСОТ на #Бојкотирам уставни промени се организира натпартиски и сенароден протест за да го спречиме генерацискиот грев и да ја зачуваме Република Македонија за идните поколенија.

#Бојкотирам уставни промени е народна побуна против легитимизација на историското предавство преку нелегално и фингирано 2/3 мнозинство за промена на уставот на Република Македонија, кое делува спротивно на вољата на народот изразена на референдумот на 30-ти Септември.

Бараме:

– Итно и безусловно запирање на процесот на Уставни промени.

– Еднострано правно поништување на октроираниот преспански договор кој беше јасно отфрлен од народот на референдум.

– Стриктно почитување на домашното и меѓународното јавно право.

– Трајна заштита на името на државата, Македонија.

– Распуштање на делегитимизираното собрание и распишување вонредни парламентарни избори”

Популарно