Два хороскопски знаци кои се совршен пар и уживаат во трошењето на парите

Бикот и Овенот се знаци кои можат одлично да функционираат во пар. Жената родена во знакот на Бик е водена од планетата Венера, а мажот роден во знакот на Овен е воден од Марс, и затоа кога тие ќе се поврзат постои можност совршено да функционираат.  Жената Бик ќе се прави недостижна, а мажот Овен ќе брза кон неа со неговото сексапилно и наметливо покажување храброст. Тој мора да внимава да не избрзува, затоа што жената Бик сака да го почувствува секој момент. Во обратен случај, жената Овен ужива во трошењето пари, а нејзиниот сопруг Бик секогаш ќе биде тука за да обезбеди  сѐ што таа сака.

Општи карактеристики за бик

Чувствителниот бик е управуван од Венера, планетата на љубовта и убавината. Ако сте родени во овој знак, тогаш вие ја обожавате добрата храна, романтиката и убавите работи. Венера ги изострува вашите пет сетила на повисоко ниво, па најсреќни сте кога сте опкружени со најдоброто – сатенски чаршафи, гурмански вечери, чаша црвено вино. Вие сте многу чувствителни и се насладувате на животот и на физичките задоволства кои излегуваат на вашиот пат.

Како бикот и вие работите многу напорно и сте најупорниот знак во хороскопот. Функционирате со две брзини – или целосно сте релаксирани или „со главата напред“ се стремите кон целта.

Бикот е знак спротивен на шкорпијата. Шкорпијата сака да ги наследува придобивките на другите, а бикот најмногу ги цени личните придобивки. Најнегативна ваша карактеристика е вашата склоност да ги поседувате најлуксузните предмети. Тоа може да ве доведе до крајности, особено кога ќе решите дека некој предмет треба да биде ваш, што ве прави материјалисти во очите на другите.

Како претставник на земните знаци ги обожавате дејностите на отворено. Силни и мускулести – вие сакате да си ја покажувате силата. Во љубовта сте многу романтични, верни, но и многу љубоморни. Секогаш знаете што сакате и ништо не може да ве спречи да ја остварите вашата цел. Се придржувате до вашите погледи и не ги менувате освен ако нема доволно добра причина за тоа.

Знаете да бидете тврдоглави, но позитивна страна е тоа што сте лојална личност на којa може секој да се потпре. Само внимавајте да не заглавите засекогаш во вашата сигурна зона и вашиот живот да започне да стагнира. Ризикувајте и пробајте нешто ново! Понекогаш промената и ризикот можат да го доведат прогресот и добивката кои ги посакувате.

Симбол: Бик

Симболизира: Силата на волјата, тврдост, стабилност, издржливост, чувствителност, конкретност, музика.

Елемент: Земја

Планета: Венера – планетата на убавината и љубовта.

Ден од седмицата: Петок

Боја: Зелена и сина.

Број: 2 и 6.

Скапоцени камења: Аквамарин, смарагд.

Најдобри професии: Пејачи, музичари, оратори, администратори, сметководители, градинари, еколози, ветеринари, економисти, банкари.

За да се спријателите со нив: Не се спротивставувајте на нивните идеи! Често канете ги на некое место да јадете заедно.

Дел од телото: Врат, грло, вилица.

Добри карактеристики: Трпеливи, практични, внимателни со парите, одговорни, организирани, романтични, внимателни, посветени, грижливи, секогаш подготвени да дадат морална поддршка, добри кулинари.

Лоши карактеристики: Премногу попустливи, инаетчии, бавни, мрзеливи, тврдоглави, суетни, премногу претпазливи, евтини, завидливи, љубоморни, материјалисти.

Карактеристики по кои ќе ги познаете: Длабоки и сентиментални очи; долг и елегантен врат; карактеристична вилица.

Омилени работи: Фотографирање, планини, добра музика, добра храна, сатенски чаршафи.

Работи кои ги мразат: Хотели, утра, валкани работи, да бидат избрзувани, бесцелно трошење пари.

Можете да ги најдете: Споредувајќи ги цените при купување на луксузни работи; пеејќи во бенд или хор; работејќи три работи едновремено; изложувајќи слики во уметничка галерија.

Скриена желба: Да го поседуваат најдоброто!

Општи карактеристики за овен

Овенот е управуван од Марс, црвената огнена планета, која е симбол на енергијата и виталноста. Во митологијата Марс е бог на војната и агресијата. Марс исто така го управува и знакот шкорпија, но овенот е војникот, а шкорпијата стратегот. Ако сте припадник на знакот овен, тогаш вие го поседувате натпреварувачкиот дух на митолошкиот владетел, кој ви помага по патот кон успехот. Секој проект под ваше раководство е успешен, но често знаете да бидете горделиви и нетолерантни. Сите тие ваши карактеристики ви помагаат да ги постигнете вашите цели.

Вие сте родени да бидете број еден. Сакате да демонстрирате сила, индивидуалност, сигурност и самоувереност. Вие сте пионерите на хороскопот и секогаш се насочувате кон освојување на нови хоризонти. Секогаш сте во центарот на вниманието и ги инспирирате луѓето со својата самодоверба.

Не сакате да бидете сами, многу често сте егоисти и барате големо внимание, а кога нема да го добиете веднаш надвладува лошото расположение. За среќа, ретко имате проблеми во привлекувањето на вниманието.

Во љубовните односи сте многу романтични. Умеете да уживате во секоја минута, страсни сте и никогаш не го разочарувате партнерот. Страв ви е од досадата и спремни сте да го оставите вашиот партнер, ако страста во вашата врска исчезне.

Како огнен знак вие сакате да одговарате на предизвиците со дела, а не емоционално или интелектуално. Најголемата ваша слабост е што многу често се откажувате пред самиот крај, особено кога сте избрзале и не сте размислиле пред да започнете.

Секогаш кога не можете да ги контролирате работите и вашиот живот станувате неподносливи. Понекогаш по малку се однесувате „шефовски“, особено кога работите не се одвиваат по ваша волја. Но, дозволете од време на време и некој друг да ја преземе водечката функција, во спротивно се оддалечувате од потенцијалните сојузници. Фокусирајте ја вашата натпреварувачка енергија кон цел достојна за еден лидер, делегирајте задачи на вашата војска и брзо ќе го достигнете врвот.

Симбол: Овен

Симболизира: Почеток, авторитет, насилство, амбиција, сексуална енергија, импулсивност, младост, мажественост.

Елемент: Оган

Планета: Марс – планетата на војната и енергијата.

Ден од седмицата: Вторник

Боја: Црвена

Број: 1, 7 и 9.

Скапоцени камења: Рубин, дијамант, гранат, аметист.

Најдобри професии: Војници, управници на фирми, лидери, спортисти, месари, инженери, производители на оружје, натпреварувачи со автомобили и сè што е поврзано со ризик и предизвици.

За да се спријателите со нив: Не им се спротивставувајте. Пробајте да го следите нивниот ритам!

Дел од телото: Глава, лице, горните заби.

Добри карактеристики: Енергични и динамични, борбени, страсни, ентузијасти, оригинални, охрабрувачки и херојски настроени, незапирливи, посветени, грижливи, реагираат брзо, веруваат во своите способности и не се плашат од бариерите, имаат голема самодоверба и самодисциплина.

Лоши карактеристики: Горди, егоцентрични, импулсивни, тврдоглави, невнимателни, љубоморни, непостојани, нетолерантни, агресивни, им недостигаат дипломатски способности.

Карактеристики по кои ќе ги познаете: Високо чело; агресивно поведение.

Омилени работи: Видео игри, нова облека, патувања во брзи коли, логички игри, да им се обрнува внимание, да разговараат.

Работи кои ги мразат: Зборот „не“, да делат работи со некој друг, да бидат игнорирани, тесни места, да губат.

Можете да ги најдете: Обидувајќи се да победат на „Music idol“; работејќи напорно за црн појас; пишувајќи и продуцирајќи соло албум.

Скриена желба: Да бидат број еден!

Викенд хороскоп

Овен 

Не реагирајте непромислено и не дозволувајте вашите соработници да ве вовлечат во трачеви. Засега, се наоѓате во улога на набљудувач. Можете да планирате нови проекти, а од ден на ден се повеќе се сложуваат коцките кои вам ви одговараат. Средете ги сите административни работи, а до крајот на викенот ве очекува непланирана финанска добивка.

Бик

Размислете на кој начин да ги искористите вашите контакти и способности. Извесни работи почнуваат да се менуваат и ве тераат да размислувате. Засега не правете некои драстични промени. Соработниците имаат некоји нови барања од вас и тоа вам многу ќе ви пречи. Финансиски полека почнувате да се стабилизирате.

Близнаци

Ги променивте ставовите кога е во прашање работата. Од ден на ден го менувате мислењето за многу работи. Вашиот критички дух ќе привлече внимание на вашите соработници и можни се расправии. Стрпете се и почекајте го крајот на викендот, бидејќи многу работи зависат од вас.

Рак

Вие не сте знак кој е наклонет на големи испади во последно време, па придражувајте се до тоа и во овој период. Можна е нова понуда за работа, но не брзајте најдобро е да почекате малку. Финансиската состојба се подобрува. Сега изгледате многу подобро од кога било.

Лав

Потрудете се овие два дена да ги искористите да прошетка и за максимална релаксација. Наполнете ги добро батериите и поразговарајте со некоја блиска личност во врска со проблемите со кои се соочувате. Во недела поминете го денот со вашиот партнер и целосно посветете му се.

Девица

Викендов е дефинитивно полн погодок за вас. Ви претстојат неколку промени, кои ќе направат да се чувствувате возбудено. Искористете го паметно викендот и отпатувајте до некоја блиска дестинација со пријателите, каде ве очекуваат многу авантури.

Вага

Гледајте се почесто со пријателите и забавувајте се повеќе. Што се однесува на љубовно поле, почнете да преземате иницијатива. Работите нема да ви да паднат од небо ако само чекате. А оние кои се во врска, крајно време е да почнат да размислуваат како повторно да внесат живот во врската.

Скорпија

Викендов ќе бидете амбициозни како и секогаш. Но малку повеќе ќе се фокусирате на семејството и на вашиот привате живот. Престанете толку да се грижите во врска со работата и наместо тоа, отидете една вечер некаде со пријателите и забавувајте се.

Стрелец

Крајно време е да престанете да се грижите да обврските и да почнете да размислувате малку позитивно. Не е крај на светот ако неколку недели по ред не ви се случува нешто за пофалба. Земете ги работите во свои раце. Поканете ја на состанок личноста која ви се допаѓа.

Јарец

Најважните случувања за неделава, ќе ви се токму викендов. Затоа, не чудете се многу на приливот на приход кој ќе го добиете. Наместо тоа, отидете некаде на патување со партнерот. Во последно време премногу се фокусиравте на вашата кариера и затоа немавте време за него. Крајно време е да го ставите партнерот на прво место.

Водолија

Искористете ги овие два дена кога имате повеќе слободно време и погрижете се за работите во вашиот дом. Искористете ја имагинацијата и почнете со освежување со посветли бои кои би му дошле добро и на домот и на вас, секако.

Риби

Подгответе се за  неочекувана луда забава! Викендов ќе имате толку убави моменти, што ниедна секунда нема да ви биде досадно. Но, исто така, посвете повеќе време на семејството и одвојте еден ден за пријатен ручек со нив.

Дневен хороскоп

Овен 

Не треба лесно да се откажете од своите планови ниту да се откажете од нешто за што сте размислувале веќе подолго време само затоа што се плашите од неизвесност. Прашањето е дали сето тоа што го работите ќе ви се исплати, но сигурно е дека сте на прав пат себеси да си обезбедите дополнителен хонорар.

Бик

Денес расположението и емоциите на луѓето околу вас ќе имаат огромно влијание на тоа како се чувствувате и како се однесувате. Лесно ќе ве расплаче нечија тажна приказна или пак ќе ве „зарази“ нечија позитивна еуфорија. Па, внимателно избирајте со кого ќе го поминете денот.

Близнаци

Не се чудете ако денеска чувствувате потреба за свој простор. Колку и да уживате во друштво на други луѓе, потребно ви е време само за вас. Обидете се денеска да работите сами, а ако не сте во можност, тогаш секако после работа, тргнете се од сите и одете сами на прошетка

Рак

Наметнете се со своите идеи, но немојте да бидете нападни, само така ќе успеете. Ослободете се од напнатоста и нервозата, тоа може сериозно да влијае на вашето зравје. Вложете во образованието. Среќни сте и задоволни, полни со позитивна енергија.

Лав

Голема моќ се крие зад вашата самодоверба. Затоа искористете ги околностите и блеснете со вашиот ентузијазам. Можно е да реагирате премногу бурно на некој коментар од близок пријател, што не е вообичаена реакција од ваша страна. Обидете се да се контролирате и да не кревате голема врева за ништо.

Девица

Останете на својот став и не дозволувајте никој да ве оптеретува, особено кога станува збор за вашата кариера, а знаете и зошто. Имате јасна цел и нема да се откажете од своите планови дури и ако една Скорпија која за вас е авторитет, се обиде да ве наговори на нешто што таа го смета за правилно.

Вага

Денес ќе бидете максимално ефективни, па ова е совршен ден за средување на оние задачи и обврски кои бараат од вас целосна посветеност. Бидете строги ако некој се обидува да ви го одвлече вниманието.Одредена личност ќе се обиде да ви подметне повеќе обврски или да извлече корист од вас

Скорпија

Денес нема да бидете задоволни од ништо. Што и да правите, ќе сметате дека не е доволно добро или пак ќе ви доаѓаат мисли дека вие никогаш не го добивате она што го заслужувате. Не бидете незадоволни перфекционисти. Најголем дел од луѓето никогаш нема да го имаат она што го имате вие и никогаш нема да ги поседуваат вашите способности. Научете се да бидете задоволни од животот.

Стрелец

Ќе чувствувате страв од она што ве очекува. Во вашиот живот настапуваат промени и вас ве плаши крајниот резултат. Да чувствувате страв е сосема нормално, па не си дозволувајте тоа да ви создава негативни мисли. Барем денес оставете ги сериозните теми настрана и опуштете се. Штедете ги вашите пари, ќе дојде период кога ќе ви бидат повеќе од потребни.

Јарец

Ќе гледате оптимистички на иднината, дури и ако не можете да се справите со сегашните проблеми. Вашата зголемена самодоверба ќе биде поддржана од соработниците и пријателите. При крајот на денот очекувајте забавен разговор кој ќе го подобри вашето расположение.

Водолија

Повеќето припадници на овој знак ги придвижува желбата за докажување и успех. И самите чувствувате дека се менуваат односите во деловното опкружување, а вие сте тука некаде дали со знаење, или со издржливост.

Риби

Во вас ќе се разбуди натпреварувачкиот дух. Немојте да ги туркате другите за да излезете први. Бидете фер. Но, немојте ни да се прикривате, па некој друг да блесне пред вас. Ќе зрачите со смиреност и ќе ширите спокојство меѓу околните.

Дневен хороскоп

Овен 

Вие имате многу вештини и различни способности. Во текот на денешниот ден би можело да се потсетите на некои креативни способности што не сте ги користеле одамна. Пуштете ја вашата фантазија и дозволете си креативноста да излезе од вас. Истиот потенцијал би можел да делува стимулативно и на интимно и сексуално поле.

Бик

Чувствувате наплив на емоции и имате внатрешни немири и не сте способни за правилна проценка на ситуацијата, па затоа е зголемена можноста за лоши одлуки и избори. Олабавете се и потсетете се на вашите целни категории.

Близнаци

Во текот на овој ден ќе имате тенденција да анализирате некои постапки од минатото или ќе ги барате мотивите на некои луѓе за нивните однесувања и акции. Можеби ќе дојдете до заклучок дека треба да го промените ставот кон некои работи или личности?

Рак

Честите промени во расположението ќе ве натераат позадлабочено да анализирате некои ситуации и моменти, кои ги сметате одговорни за тоа. Втората половина од денот ќе биде подинамична од првата. Прифатете ги поканите за излегување и уживајте со вашите пријатели.

Лав

Денес би можело да се појават неочекувани можности за кратки патувања. Ќе имате жив дух и ќе имате потреба за многу движење. Некои од вас ќе сретнат одредени личности кои немале можност да ги видат подолго време. Денот ќе изобилува со социјални контакти и размени.

Девица

Денес вашата креативна и романтична црта е експандирана. Вашите емоции се разбудени и имате зголемени потреби за нежност и романтика. Оние што се во врска или брак ќе можат да уживаат во взаемните односи со партнерите. Оние кои се сингл ќе имаат подобрен социјален живот и имаат можност за нови познанства.

Вага

Идеализираните романтични впечатоци ќе се искомбинираат со интензивната страствена енергија, па денес ќе имате многу импрегниран емоционален и еротичен ден. Ако можете да закажете средба со саканата личност, немојте да ја пропуштите приликата. Ќе ви биде многу убаво.

Скорпија

Окружени сте со позитивна енергија и чувствувате силен стимул. Употребете ја оваа енергија за промовирање на вашите напори. Кратките патувања ќе ве задоволат и ќе внесат свежина во секојдневието. Потребни ви се убави моменти со вашите сакани.

Стрелец

Можеби чувствувате некаков внатрешен притисок и не знаете во која насока се движат партнерските односи. Немојте да го притискате партнерот и почекајте спонтан развој на настаните. Не дозволувајте партнерот да добие впечаток дека не почитувате никакви граници.

Јарец

Денот е одличен за различни интеракции со другите луѓе. Немојте да трошите премногу енергија и нерви за прашањата и проблемите во кои немате многу удел. Денот ќе го поминете во друштвото на вашите пријатели.

Водолија

Денес ќе бидете лесно раздразливи и ќе ве иритираат секакви ситници во околината. Некои од вас, едвај ќе дочекаат партнерот да направи некоја мала грешка, за да можат да реагирааат. Веројатно не можете да го контролирате тоа што го чувствувате, па затоа имате потреба да содадете драматична ситуација?

Риби

Партнерот или некој пријател, денес ќе направи нешто невообичаено. Ќе ве изненадат со убави вести или некои убави гестови кои го надминуваат врвот. Но, во никој случај не е исклучена можноста, некој сосема неочекувано да ве запознае подобро.

Популарно