Стриите се проблем со којшто се соочуваат речиси 90% од жените по бременоста, а можат да се појават и кај мажите и тинејџерите. Многумина ги гледаат како проблем и сакаат да се ослободат од нив. Ако и вие спаѓате во оваа група, следниве совети ќе ви помогнат во тоа.
Што се стрии и кај кого се појавуваат?
Стриите настануваат кога кожата е развлечена од брзо растење или растегнување. Поради ова можат да се формираат и лузни. Покрај бремените жени, стриите се појавуваат и кај други луѓе:
Тинејџери кои нагло пораснале во текот на летото
Атлети кои се многу физички активни
Бодибилдери кои често ја менуваат телесната тежина
Луѓе кои користат стероиди
Луѓе кои нагло ослабеле
Луѓе кои нагло се здебелиле
Луѓе кои направиле операција за зголемување на градите
Луѓе со тенка кожа
Луѓе со генетска предиспозиција
Луѓе со проблеми со хормоните
Продукти кои ги спречуваат, но не ги лекуваат веќе настанатите стрии
Најпопуларните продукти кои тврдат дека ќе ви помогнат да се ослободите од стриите најчесто се маркетиншки трик. Ако сакате да ја спречите појавата, овие продукти ќе ви помогнат, но ако мислите дека ќе се ослободите од лузните кои сте ги имале претходно, се лажете.
Специјалните креми и лосиони се само обични креми за навлажнување и не можат да ги отстранат стриите од кожата.
Козметичките продукти што содржат третиноин, колаген и хиалуронска киселина нема да ви помогнат да се ослободите од стриите и покрај активните супстанци.
Маслата (кокосово, бадемово, маслиново, со витамин Е и други) нема да ги отстранат стриите дури и ако редовно се масирате со нив.
Медицинските тревки како алое вера не можат да ги отстранат стриите.
Ефективен метод
За жал, не е возможно да се ослободите од стриите. Но ова не е лошо бидејќи тие немаат никакво влијание на вашето здравје. Сепак, ако не ви се допаѓа нивниот изглед можете да ја намалите нивната видливост и тоа со триење и пилинг. Пилингот со кафе, мед и шеќер може да помогне. На овој начин ќе го отстраните горниот слој од лузните, па стриите сè повеќе ќе наликуваат на здрава кожа и ќе бидат речиси невидливи.
Сигурни професионални методи
Се разбира, можете да добиете одлични резултати со помош на козметичар или хирург. Има многу методи кои ја користат модерната технологија за ослободување од стриите.
Пилинг: За разлика од пилинзите направени од природни компоненти, во овој случај се употребуваат агресивни хемиски супстанци. Во повеќето случаи се користи и локална анестезија.
Микродермоабразија: Ова е болна процедура бидејќи се отстрануваат неколку слоеви од епидермисот со помош на кристали на алуминиум оксид. Методот ја присилува новата помлада кожа да расте побрзо.
Ласер: Ласерската терапија е еден од најновите и најефикасните методи. Ласерот ја отстранува кожата и има влијание на подлабоките слоеви. Понекогаш процедурата се изведува со локална анестезија. Добро е што овој метод не е многу скап и речиси и да нема несакани ефекти.
Пластична операција: Понекогаш луѓето го одбираат овој метод за отстранување на оштетената кожа и заменување со поздрава. Овие операции се навистина скапи и периодот на заздравување може да трае и до 8 месеци. Покрај тоа може да ви останат лузни од операцијата.
Мезотерапија: Во инјекциите за мезотерапија има многу корисни супстанци како хиалуронска киселина и витамини. Ова е одличен метод за спречување на појавата на стрии и е многу поефективен од кремите и лосионите со исти супстанци.
Креативно решение
Денес можете да ги покриете стриите и со тетоважи. Сепак, во некои случаи не треба да го правите тоа.
Ако стриите се нови и виолетови, најдобро е да почекате. Во спротивно тетоважата може да се оштети. Имајте на ум дека добриот тату артист нема да се согласи да тетовира врз нови стрии.
Немојте да се тетовирате додека доите. Се препорачува да чекате барем 1 година.
Немојте да се тетовирате ако планирате да имате дете во иднина. Во текот на бременоста може да настанат нови стрии кои ќе ја оштетат тетоважата.
Можете да се тетовирате ако:
Лузните се стари и имаат бела боја.
Сте биле бремени, но веќе сте ослабеле и сте се вратиле во форма.
Не планирате да имате повеќе деца.
Магичен начин
Бразилскиот тату артист Родолфо Торес смислил уникатен начин за прикривање на стриите. Тој користи боја што е најслична до онаа на кожата на клиентот и со неа ги покрива стриите. Со овој трик тој покрива и темни кругови под очите и слични проблеми.
Како да ја спречите појавата на стрии?
Ако веќе имате стрии, важно е да знаете како да го ја спречите појавата на нови.
Во вашата исхрана треба да се вклучени сите неопходни витамини и елементи. Повеќето од нив влијаат на еластичноста на кожата.
Пијте многу вода. Еластичноста на кожата зависи од нејзината влажност.
Внимавајте на вашата тежина. Немојте да се дебелеете или слабеете нагло.
Ако спортувате, не обидувајте се да постигнете брзи резултати.
Навлажнувајте ја и грижете се за вашата кожа. Ако немате лузни, лосионите, маслата и кремите се одлични. Ако ги нанесувате со масажа, вашата кожа ќе биде поздрава и поеластична.
Прифаќање
За разлика од повеќето луѓе кои мислат дека стриите се ужасни, многу луѓе сакаат да нè убедат дека стриите всушност се убави. Шпанската артистка Синта Торт Картро решила да ја нагласи оваа убавина со боја и четка. Нејзиниот Инстаграм профил е полн со жени кои биле доволно храбри да го покажат овој недостаток, а артистката им помага да се сакаат уште повеќе.
Артистката Сара Шакил од Пакистан се прослави со нејзината идеја да ги претвори стриите во светкави линии.
Некои модерни брендови за облека исто така имаат свој придонес во ова движење и најмуваат модели кои не ги исполнуваат популарните стандарди за убавина. Нивните рекламни кампањи кажуваат дека стриите се убави и нема потреба да ги криете.
