Македонија му се одмазди на Косово!

Македонската кошаркарска репрезентација ја отвори втората претквалификациска фаза за ЕП 2021 со победа и на гостински терен во Приштина со 73-76 (29-34) славеше над домаќинот Косово.

Најдобрите на Давитков се одмаздија за ланскиот пораз во претквалификациите за СП 2019 и направија голем исчекор кон враќање во квалификациската фаза и најдобрите 32 селекции во Европа. Кога беше најпотребно одбраната играше на ниво, а во нападот функционираше и шутот за три, за прва победа во втората фаза. Одлични беа Трајковски и Хендрикс со „дабл-дабл“, а разлика направи и Дамјан Стојановски и неговите пет тројки.

makedonija-kosovo-13.09-4.jpg

Натпреварот во Приштина почна одлично за Македонија. Избраниците на Давитков влегоа во шутерски ритам уште на стартот и со 70% ефикасен шут за три изградија солидна разлика (6-19). Исто така добра беше и одбраната, но потоа следеа брзоплети грешки, кои Косово ги казни со серија од 10-1, по кој се врати неизвесноста по првиот квартал.

На стартот на вториот дел и двете селекции грешеа. За четири минути се постигнаа само шест поени, а и покрај лошиот шутерски ден на Војдан Стојановски, кој имаше реализација 1/9 од поле како и 0/2 од линијата за слободни, разликата се задржа до полувремето (29-34).

По паузата Косово се врати во мечот и се играше неизвесно до самиот финиш. По 34-34, домаќините дојдоа до првото водство од два поена (41-39), но Македонија се врати, дојде до 46-48, а потоа резултатот беше вистинска „клацкалица“ и и двете екипи константно го менуваа водството.

Повеќе од два поени разлика Македонија се одлепи на седум минути пред крајот, кога резултатот гласеше 54-57, благодарение на Соколов, а потоа во одбраната почнаа да царуваат Хендрикс и Трајковски, за Дамјан Стојановски да постигне две тројки во нападот и да донесе 57-64 за нашиот национален тим. Во последните три и пол минути, Македонија влезе со предност од шест поени (63-69), но Косово не се предаде, па на 24 секунди пред крајот се врати во мечот преку најдобриот кошаркар Дардан Бериша и имаше 71-73, а во инфаркт-завршницата поуспешна беше Македонија, со 73-76.

Најдобар поентер кај Македонија беше Бојан Трајковски со 17 поени и 11 скока, додека втор стрелец беше Дамјан Стојановски со пет тројки и вкупно 15 поени. Како трето име заврши Стојан Ѓуроски со 14 поени, а Ричард Хендрикс запиша 10 поени и 12 скока. Кај Косово, најмногу се истакна Дардан Бериша со 32 постигнати поени.

Наредниот меч од втората фаза на претквалификации, Македонија го игра в недела, кога во Скопје гостува вториот ривал Романија.

ВИДЕО:Партизан и Црвена Звезда играа нерешено

Во интересен натпревар вчера екипите на Црвена Зведзда и Партизан го одиграа 158 дерби нерешено 1:1.

Многу полемики предизвика голот за изедначување на Црвена Звезда, после центрашутот на El Fardu Bena  од корнер со глава шутираше Ričmond Boaći   голманот Стојовиќ се обиде да одбрани ама сепак,судијата досуди гол, дали беше во право погледајте го видеото.

Врвот на табелата за Академија Пандев

Фудбалскиот клуб  Академија Пандев се врати на првото место на табелата во Првата македонска фудбалска лига, откако попладнево во Битола ја совлада Победа од Прилеп со 4:2 и со тоа го запишаа петтиот триумф во лигата. „Пандевци“ поведоа со двата гола на Миловановиќ и Шиков, а прилепчани изедначија преку Ефремов и Мустафов. Сепак гостите повторно со два гола обезбедија победа, а стрелци беа Миловановиќ и Дориев од пенал.

Значаен триумф (2:1) со гол постигнат во последните секунди на мечот во Кратово против домаќинот Силекс забележа и бранителот на трофејот Шкендија.

Гостински бодови освои и Беласица против Ренова со победата од 2:0.

Честа на домашните екипи во 6.прволигашка рунда ја спаси Шкупи кој ја совлада Македонија ЃП со 2:1.

Вчера Работнички – Вардар 0:2.

Води Академија Пандев со 15 бода, пред Шкендија и Вардар кои собраа по 14. По нив следуваат: Работнички 9, Победа 8, Шкупи 5, Силекс 5, Беласица 5, Ренова 4 и Македонија ЃП 3.

Матиќ анонимно платил 70.000 евра за операција на дете

Српската ѕвезда на Манчестер јунајтед, Немања Матиќ е познат како човек со големо срце, кој никогаш не штеди на добротворните цели, и ова го покажа уште еднаш откако плати 70.000 евра за малиот Дуѓан Тодоровиќ за операција и лекување во Барселона.

Семејството Тодоровиќ од Свилајнац, открива дека Матиќ бил човекот кој помогнал на нивното дете.

„Знам дека сите сакаа да дознаат кој е анонимниот донатор. Се работи за господинот Матиќ, кому му се заблагодаруваме со цело срце“, се вели во писмото на семејството Тодоровиќ.

Матиќ, кој доаѓа од малото градче Уб, во својот роден крај е главен спонзор на фудбалскиот клуб Единство, и српските медиуми неколку пати објавуваа дека кога се враќа дома тој во локалните продавници ги подмирува долговите на тие кои се „запишуваат“. Тој исто така помогна во реконструкцијата на локалната црква и на старата кула, а тие му вратија со именување на една улица по него.

Популарно