Зошто не треба да го пиете утринското кафе на празен стомак?

Изминатите години живеевме во заблуда мислејќи дека доволна физичка активност во текот на денот може да ја оправда дуплата порција сладолед со која на крај ќе се почестиме.

Нo, мислењата се поделени и дел од научниците велат дека всушност исхраната е клучниот фактор за слабеењето.

Што и колку внесуваме во нашиот организам е показател не само за нашата тежина туку и за целокупната здравствена состојба.

И доколку сакате да симнете неколку несакани килограми, најбрзиот и најефикасниот начин е да се фокусирате токму на исхраната.

Покрај промената на исхраната ви нудиме уште 10 корисни совети кои ќе ви се најдат во вашата борба со вишокот килограми.

Доколку сте трпеливи и упорни, за кратко време ќе бидете сведок на трајни резултати.

Спијте од 7-8 часа дневно

Квалитетниот сон е уште еден важен аспект кој ќе ви помогне во борбата со вишокот килограми. Можеби звучи навистина досадно, но доколку му дозволувате на вашето тело одмор од минимум 6 часа дневно, тогаш ќе го забрзате процесот и за кратко време ќе ја постигнете вашата цел.

Не пијте го утринското кафе на празен стомак

Кафето е корисно за забрзување на метаболизмот и ни помага да се разбудиме наутро. Но, пиењето на утринското кафе на празен желудник може да има контра ефект.

Па, наместо прво да посегнете по кафето секое утро, обидете се да каснете барем една мала ужинка.

Не гледајте телевизија додека јадете

Научниците докажуваат дека гледањето телевизија додека јадеме може значително да ја зголеми количината на храна која ја внесуваме во организмот. Затоа направете си услуга и уживајте во храната и во тишината за време на секој оброк.

Не купувајте додека сте гладни

Ова е нешто што сите сме го направиле повеќе пати. Кога одиме во продавница гладни, најчесто завршуваме со милион непотребни и нездрави состојки кои воопшто не се наоѓаат на нашиот список. Да не ја спомнуваме и огромната сметка.

Не посегнувајте по десерт после вечерата

За сите ние кои не можеме да си го замислиме животот без десерт ова може да изгледа како најтешкиот чекор. Но доколку го замените ноќниот десерт со нешто здраво како на пример шолја чај, вашето тело ќе ви биде особено благодарно и се разбира чајот ќе ви помогне побрзо да заспиете.

Пијте вода од чешма

Водата од пластични шишиња може да биде особено штетна за вашето здравје и да резултира во контра ефект. Опасната состојка Бисфенол А која се наоѓа во пластиката е докажано штетна и придонесува за хормонален дисбаласнс.

Факт е дека денес не можеме да си го замислиме животот без пластика, но исто така можеме да одбереме здрава алтернатива и да купиме стаклено шише кое ќе го носиме со себе.

На тој начин не си помагаме само себеси туку и придонесуваме за здрава околина.

Започнете го оброкот со салата

Доколку стекнете навика да го започнувате вашиот оброк со салата, тогаш може да ја намалите количината на храна која ќе ја изедете и со тоа да придонесете за намалувањето на килограмите.

Јадете исти порции без разлика каде сте

Количината на храна е важна кога станува збор за намалувањето на килограмите. Контролата на порциите може најпрво да ви делува како многу досадна работа, но откако ќе се навикнете и вашиот желудник ќе ви биде благодарен.

Пред да ја наполните чинијата разлислете реално колку ви е доволно за да останете сити до следниот оброк.

Ова се симптомите на рак на белите дробови

Најголем број од луѓето се свесни дека пушењето може да предизвика рак на белите дробови. Сепак најновите истражувања веќе покажуваат дека 90% од ризикот кај мажите и 70-80% од ризикот кај жените е поради пушењето. За среќа, луѓето стануваат поодговорни за нивното здравје. Иако и денес постојат пушачи, нивниот број се намалува. Истовремено, многу луѓе се свесни и за пасивното пушење, па секој се обидува да го намали што е можно повеќе.

[Експертите предупредуваат: Загадувањето поврзано со илјадници случаи на рак на белите дробови]

Но дали и покрај мерките, луѓето се безбедни?

Едно ново истражување покажало дека во Велика Британија имало 6.000 смртни случаи поради рак на белите дробови, а овие жртви никогаш не пушеле, односно имале испушено помалку од 100 цигари во текот на целиот нивен живот. Се покажало дека и кај непушачите, ракот на белите дробови е осмата најчеста причина за смрт. Ракот на белите дробови станува вистинска закана.

Пушењето навистина предизвикува рак, но со текот на времето фокусот останал само на оваа навика, па се занемариле другите ризични фактори. Според професорот Пол Косфорд, ракот на белите дробови речиси секогаш се смета за проблем поврзан со пушењето. Сега, со ова истражување, може да се направи и друга поврзаност – загадувањето на воздухот.

Доколку се преземат мерки, скриениот проблем е касната дијагноза на болеста.

Дури и сега кога ракот ќе се открие кај пациент, прво се разгледува неговата историја на пушење. Лекарите не обрнуваат многу внимание на другите фактори, како околината. Проблемот не е само кај лекарите. Многу непушачи живеат со верување дека доколку не пушат, нема да добијат рак на белите дробови. Ова води до доцна дијагноза, бидејќи пациентот нема сериозно да ги сфати симптомите на рак.

Непушачите имаат два проблеми – прво, направено е многу малку истражување за овој феномен и стереотипот повеќе им штети наместо што им прави добро. Најдобриот начин да се справите е да ги идентификувате раните симптоми и веднаш да отидете на лекар.

Ова се симптомите на рак на белите дробови на кои треба да внимавате.

1. Кашлица која не престанува после 2-3 недели

2. Кашлица којашто се влошува

3. Воспалителни инфекции на градите

4. Искашлување крв

5. Болка за време на дишење и кашлање

6. Често задишување, дури и кога нема некој поголем напор

7. Постојан замор и недостаток од енергија

8. Губење на апетитот и необјасниво слабеење

Ова е најотровната намирница на светот

Храната е причинител за голем број на болести на денешницата. Една од тие намирници е чипсот кој предивика вистинска сензација во прехрамбениот свет, а голем број на американски медиуми го прогласија за најотровна намирница во светот на храната.

Тоа можеби и не би било толку сериозно доколку истиот не го консумираат милијарди луѓе и тоа во абнормална количина.

Сите знаеме дека чипсот не е здрав, но дека е толку многу токсичен што треба да се исклучи од секојдневната исхрана на никој не му е во целост јасно. Експертите објаснуваат дека човештвото треба да престане да ја консумира оваа канцерогена намирница.

Многумина се уверени дека чипсот се подготвува од компир, но според наводите на американските медиуми, ова е далеку од вистината. Според пишувањата на Natural news, Living traditionally, Healthy food house, во првата фаза на производство состојките како оризот, пченицата, пченката и снегулки од компир се мешаат за да се добие тесто кое подоцна се обликува во калапи, се пржи во масло и се суши.

Во последната фаза на чипсот му се додаваат засилувачи на вкусот кои сами по себе се токсични. Иако сите состојки за смесата од која се прави чипсот се генетски модифицирани, бидејќи се евтини и достапни, една од најопасните состојки не е додадена во процесот на производство, туку е нус-производ од преработката. Станува збор за акриламид.

Ова е опасна канцерогена супстанца за која одамна е познато дека предизвикува рак кај животните, а во чипсот го има во ненормални количини многу повеќе од дозволената мерка, пишуваат гореспоменатите американски медиуми.

До создавање на акрималид доаѓа кај храна која била изложена на термичка обработка (печење или пржење) поради што кај чипсот е особено присутна затоа што чипсот по печењето на висока температура се суши исто така на висока температура.

Прогласена епидемија на мали сипаници на територијата на цела држава

Комисијата за заразни болести донесе заклучок да биде прогласена епидемија на мали сипаници на територија на целата држава, изјави денеска доктор Владимир Микиќ од Институтот за јавно здравје.

Посочи дека прогласувањето на епидемијата е со цел да се спроведат дополнителни мерки за да се спречи натамошното ширење, да се намали бројот на нови инфекции и да се спречат тешките форми на ова заболување.

– Една од мерките е забраната за посета на градинките, втората мерка која е предложена е да се намали возраста за вакцинирање од 12 месеци на шест месеци, бидејќи голем дел речиси 100 деца се на возраст под една година и тие се највулнерабилна група за тешки форми на заболувањето. Дополнително бидејќи имаме заболени меѓу повозрасните лица кои по редовниот календар не подлежат на вакцинација, Комисијата донесе одлука да се зголеми возраста за вакцинација, така што секое лице постаро од 14 години ќе може слободно да се вакцинира во центрите за јавно здравје односно на возраст од 14 до 60 години, рече доктор Микиќ.

Тој рече дека другиот сет мерки, што е предложен, е сите здравствени работници на територија на цела држава да мора да се вакцинирани со две дози на МРП вакцина.

Нагласи дека се забрануваат посетите на болниците и таа мерка мора да се почитува со цел да се намали можноста за внес на нова инфекција во болнички услови, анегувателкитево градинките ќе бидат задолжително проверени за нивниот вакцинален статус и ќе треба да бидат уредно вакцинирани.

-Повеќе од 70 деца со мали сипаници се хоспитализирани, од кои 55 се на Клиниката за инфективни болести, а 15 на Клиниката за детски болести. Од нив повеќе од седум се во потешка состојба, но сите се хоспитализирани бидејќи имале компликации од мали сипаници, додаде доктор Микиќ.

Ваквиот заклучок бил донесен бидејќи веќе се пријавени 961 случај со морбили. Во последната недела повеќе од 60 отсто од пријавените случаи кои се највисоки на неделно ниво биле надвор од Скопје, веќе шест центри за јавно здравје имаат прогласено епидемија на мали сипаници со вкупно население кое е повеќе од половина односно 55 отсто од територијата на државата. Вкупно 20 градови имаат регистрирано случаи на мали сипаници.

Популарно