„Министерот за одбрана“ вети дека ќе ја израдува Македонија

За жал тој  не беше дел од СП 2017 во Франција, но Борко Ристовски сега „емоционално освежен“ се враќа на мундијалската сцена како чувар на мрежата на македонскиот национален тим на шампионатот што денеска официјално стартува во Германија и во Данска. Од него како и секогаш ќе зависат многу работи за конечниот успех на репрезентацијата, но Ристовски е подготвен и за овој предизвик, оптимистички расположен порачувајќи дека Македонија е поседува квалитет и искуство за и со подмладен состав да ја мине првата фаза од овој Мундијал.

„Ова е поразлична репрезентација во однос на претходните бидејќи има млади играчи за кои ова ќе биде прв настап на големите натпреварувања. Никој не знае како тие ќе се снајдат и ќе реагираат, ниту ние ниту пак тие самите, така што од тој аспект можеби ќе биде и најнеизвесно бидејќи нивната помош на овој шампионат ќе биде неопходна. Меѓутоа, сите веруваме во нив, дека ќе бидат на едно задоволително ниво и ќе си ги градат своите кариери на едно големо натпреварување, откако нашата генерација се намачи да дојде до ова ниво – десетина години да сме редовни учесници на светските и европските шампионати. Со тоа им се дава шанса да блеснат на големата сцена, но сепак дали ќе ја искористат или не ќе зависи само од нив самите“.

Новиот систем на натпреварување ја прави уште потешка задачата да се стигне до втората фаза.

„Промената на системот на натпреварување не ни одговара како репрезентација бидејќи неопходна ќе биде и трета победа, што ќе се брка против една од „големите“ селекции. Нема да биде лесно, ривалите се незгодни, но јас верувам во нашата селекција, дека ќе најдеме сили за да стигнеме до тој толку посакуван триумф и да стигнеме до втората рунда“.

Голманот на македонскиот национален тим потенцира дека дуелот со Исланд ќе биде многу потежок отколку што очекува јавноста во нашата држава.

„Гледам дека јавноста некако фокусот го става врз тој дуел со Исланд како решавачки, како наша шанса за трета победа, но според мене тоа ќе биде исклучително тешко бидејќи станува збор за врвна селекција преводена од Палмарсон, кој игра во топ-форма во дресот на Барселона. Ако ги гледаме нашите дуели од последните години пореално е да се надеваме на успех против Исланд отколку против Хрватска, но ќе повторам дека тоа нема да биде нималку лесно. Хрватска е постабилна репрезентација, логистички е посилна и поорганизирана од Исланд. Севкупно гледано нема преголема разлика меѓу овие две селекции, според мене Исланд е можеби играчки поквалитетен, но Хрватите го поседуваат оној балкански инает што го става пред Исланд во тие математики што се прават пред почетокот на Мундијалот“.

Отсуствата на Јоноски и на Миркуловски ќе значат и сериозни промени во одбранбената зона пред Ристовски.

„Одбраната како одбранбена зона поставена пред голман можеби на прв поглед на изгледа грандиозно, но јас верувам дека ќе биде на посакуваното ниво. Со голема желба за игра и борбеност ќе ги надополниме оние работи кои недостигаат, се со цел да се стигне до резултатот што го посакуваме. Сигурно ќе недостигаат некои играчи од минатото, но тоа е спортот, треба да се привикнуваме на таквите ситуации на подмладување. Сигурно дека за сите нас ќе беше подобро ако овие млади играчи имаа зад себе барем едно учество на ЕП или на СП, тогаш сигурно ќе знаевме како да се наместиме, да си помогнеме. Вака ќе биде баш „климаво“, но што е тука е, со борбеност, со желба и со спортска дрскост ќе го надополниме сето она што недостига од аспект на искуство“.

Тој посочува дека лекцијата од поразот со Грција е научена и дека навивачите на ова СП ќе видат далеку подобри игри од македонските ракометари.

„Зад нас беа два натпревари на кои не бевме на посакуваното ниво како репрезентација, но верувам дека сето тоа е надминато. Јас лично не гледам така на работите, секој натпревар е приказна за себе, никогаш не ги славам еуфорично победите, ниту пак премногу тагувам по поразите, мора да се има една релативна стабилност и мирност.  Го загубивме натпреварот од Грција што не требаше да се загуби, поради имиџот што го градевме во овие десетина години, но пак ќе повторам, им се случувало и на поголеми репрезентации во минатото да губат по еден натпревар што никако не смеат да го загубат. Ете ни се случи и на нас, но тоа е спортот, најважно е секогаш да се гледа напред, да се научи лекцијата и тоа да ве направи подобри како екипа, како репрезентација. Се сеќавам дека пред да стигнеме до ова ниво Македонија губеше некои 5-6 баражи во низа за да дојде до големите натпреварувања. Од сето тоа ние извлековме поуки, па сега баражите ги минуваме со леснотија, сега и тој пораз од Грција треба да ни послужи да ја научиме лекцијата, верувам дека ќе го сториме тоа“.

За крај, тој со оптимизам гледа на претстојниот Мундијал, на кој „црвено-жолтите“ имаат капацитет да се најдат меѓу 12-те најдобри селекции во светот, а потоа и да им ги замрсат сметките на фаворитите во вториот круг.

„Успех на оваа репрезентација реално ќе биде да се помине во вториот круг, ако го сториме тоа и со пренесување на бодови, тоа би било исклучително остварување. Верувам дека имаме квалитет за такво нешто, а доколку се случи да патуваме во вториот круг во Келн, со сигурност можам да кажам дека ќе бидеме незгоден ривал за сите. Македонија е незгодна репрезентација што не преценува никого, секогаш играме добро против големите репрезентации. Колку ќе имаме сила за тоа, знаење, колку ќе бидеме тактички подготвени, сето тоа ќе зависи од самите нас. Треба да се гледа позитивно, одиме на едно Светско првенство, треба да уживаме на првите две средби, да уживаме во секој момент минат на паркетот, да знаеме дека сепак играме за нашата држава, за нашиот народ, и сите заедно да дадеме се од себе за да ги израдуваме“ – порачува ракометниот „Министер за Одбрана“, Борко Ристовски.

Дејан Недев со златен медал и европски шампион по 7-ми пат

Каратистот Дејан Недев освои златен медал во кати на Европскиот шампионат во Питешти, Романија. Ова е седма европска титула во неговата долга и богата кариера.

Јадранка Недева, исто така, освои златен медал во кати кај сениорките, а Матеј Ангеловски се закити со сребрен медал во фукуго и бронзен во кого-кумите. Во јуниорска конкуренција со злато во кого-кумите се закити Мила Саздова, а во фукуго го освои сребрениот медал.

Антонија Белазелкоска во кадетска конкуренција во кати и фукуго освои бронзени медаљи.

Натпреварите се уште се во тек. На нив треба да настапи Матеј Ангеловски во дисциплината кумите за сениори.

На Европскиот шампионат во Питешти учествуваат 387 каратисти од 24 земји.

ВИДЕО: Eчеше “Никогаш Северна само Македонија” во Цирих

Трета светска титула за Даниел Стфеновски (7к кг) во К-1, овој пат во ВКУ по минатогодишната во Суперкомбат и годинава во ИСКА.

Стефановски го совлада Јану да Круз на настанот Гладијаторс најтс во Цирих, Швајцарија.

И, како што вети Даниел, борбата ја заврши со нокаут во првата рунда,откако добро го поткачи со коленото и го заврши со два-три удари.

ВИДЕО: Инцидент со обезбедувањето во Струмица на мечот Македонија - Грција

Македонската ракометна репрезентација со струмичката сала „Парк“ го игра последниот квалификациски меч против Грција за заверка на првото место, а еден навивач со знаме со сонцето на Кутлеш веднаш наиде на проблем со обебедувањето, која се обиде да му тргне знамето.

Грците во „Парк“ ги дочекаа свирежи при интонирањето на химната, а и неколку знамиња покрај државните со сонцето на Кутлеш, за кои најмногу со години реагираат јужните соседи. И после интонирањето на македонската химна, обезбедувањето се обиде да му го тргне „спорното знаме“ на навивачот, па веднаш влегоа во расправија, откако гордо го вееше по завршувањето на химната на Македонија.

„Не си одам поради знамето со Кутлеш, ќе мора сосила да ме изнесете“ им порача навивачот на луѓето од обезбедувањето.

Навивачот гордо го вееше знамето при интонирањето на химните, а се гледа кон крајот на видеото, после шестата минута од истото.

Спорт1.мк

Популарно