Заев вети предвремени избори, но само ако...

Одговарајќи на прашање во врска со претстојните претседателски избори, Зоран Заев најави дека е можно да бидат распишани и предвремени парламентарни избори, но дури по завршувањето на претседателските

Ако кандидатот на СДСМ Стево Пендаровски, загуби на претстојните претседателски избори од кандидатот на ВМРО-ДПМНЕ Гордана Силјановска, Зоран Заев најави дека ќе распише предвремени парламентарни избори.

Според Заев, СДСМ се уште водела пред ВМРО-ДПМНЕ но со мала разлика.

Лидер: По братучедот и адвокатот на премиерот влегува во бизнисот

Личниот адвокат на премиерот Зоран Заев, Ване Андреев, е еден од сопствениците на  „Канабис ОНЕ Доо Струмица“, нова компанија за производство на канабис за медицински цели, објави Економски лидер.

Покрај Андреев, во сопствеништвото на компанијата се јавуваат и компанијата „Летерс ДОО – Ресен“, Зоран Јанев, Крис Алман од САД, Славчо Васков – Пинда, како и Сара Еленова од Кавадарци.

Економски лидер тврди дека Заеви се сопственици на една од осумте лиценци за одгледување на канабис, преку компанијата „МАМ“, која е во сопственост на братучедот на премиерот Трајче Заев, а дел од управните структури е и неговиот брат Вице Заев.

СДСМ бара како досега, ВМРО бара ново СЈО и отчет за парите

Претставници на власта и опозиција  имаа уште една средба за Законот за јавно обвинителство, со кој треба да се реши статусот на Специјалното јавно обвинителство и еден од реформските закони кои се услов од ЕУ за добивање датум за почеток на преговорите.

„Кога ВМРО-ДПМНЕ ќе достави конкретни амандмани, ќе има нова средба да се разгледаат. Апстрактни дебати за толкување на принципи во овој момент значат губење време, а во овој момент временските рокови нè газат. Закон за Јавно обвинителство со одредба согласно нивното барање сите постапки кои не се отворени до 30 јуни 2017 да престанат и сите докази да паднат во вода би значело амнестија. За тоа, простор во законот нема“, изјави Дескоска по денешната средба во Министерството за правда.

Антонијо Милошоски од ВМРО-ДПМНЕ по средбата рече дека ако кај власта има расположение, нивните забелешки можат да бидат инкорпорирани во новиот закон, додавајќи дека сега топката е кај СДСМ.

„Минатиот пат доставивме 123 страни забелешки кои министерството ако е расположено може да ги инкорпорира во законскиот текст. Не можеме да дадеме поддршка на закон во кој не сме биле вклучени да учествувавме во квалитетот на текстот. Топката сега е кај Социјалдемократскиот сојуз како партија. Ние цениме дека секој обвинител кој сега работи во СЈО треба да има еднакво право како секој обвинител кој сега работи во основно или републичко обвинителство да конкурира и според мерит систем на вредности да биде избран или да не биде избран како дел од тоа специјално одделение во државното обвинителство“, изјави Милошоски.

Денешната средба траеше еден час, за разлика од петчасовната средба во понеделникот.

(ВИДЕО) Андов: Сопругата на Фрчкоски ја читала книгата и таа тужела

Адвокатката на Фрчкоски, која е негова сопруга ја читала книгата и таа цени работи кои не ги преживела. Ако Фрчкоски ја прочитал книгата, ќе се уверел дека нема основа за тужба, изјави Стојан Андов.

- Човекот не успеа да го спречи атентатот, а потоа го снема, јас пишувам како беше, а не како гледам, изјави во „Само вистина“ на Канал 5, поранешниот претседател на Собранието, Стојан Андов, за екс министерот за внатрешни работи, Љубомир Фрчкоски кој го тужи, и поради што е забранета книгата на Андов.  

Андов вели дека бил сведок на сите тие настани, и е должен на овој народ тоа да му го пренесе. 

- Фрчкоски 4 години беше министер за внатрешни работи и покажа дека не е дораснат за таа работа. Правеше скандали, коњи купуваше, реј-бан очила а полицијата немаше никаква опрема, униформа, а тој се изживуваше со пури, изјави Андов.

Тој објасни дека чекал период со слободно време, без ангажман за да ја напише книгата. 

- Што се однесува до атентатот - сред бел ден ...колата таму (Ами 8) со денови стоела и никој не проверил зошто стои и што има во неа, а експлозивот бил внатре. Таму беше трасата на Претседателот, таа траса не беше обезбедена од полицијата. Министерот е најодговорен за тоа што не открил дека тука се прави подготовка за атентат врз претседателот на државата. Нападот врз претседателот е тешко повредување на уставниот поредок на земјата и затоа се одговара. Но, по атентатот на Фрчкоски му се гоби трагат и го снема. Јас бев претседател на Собранието и по должност морав да ја преземам функцијата на Глигоров. Се обидов по надлежност на тогашниот јавен обвинител на негово барање, да разговараме на седница на Советот за безбедност за отстранување на доказите и трагите на местото на нападот. Дојде Црвенковски, Владо Поповски, јавниот обвинител...Сите збореа за состојбата, но Фрчкоски не. На втората седница на Советот не дојде и 20-тина дена го снема, никој не го виде, изјави Андов.

Тврди дека имало сили кои сакале да го тргнат поранешниот претседател, Киро Глигоров во тоа време. 

„Во таа концепција на Милошевиќ, немаше место за Глигоров“, вели Андов. 

Раскажува дека 150 години имало соработка меѓу српската и грчката држава, и никој не размислувал дека ќе има македонска држава меѓу нив. 

Популарно