Зошто Интерпол уште не ја објави потерницата за Груевски?

МВР неколкупати контактира и поднесува документи и преку своите кадри и преку Министерството за правда за распишување меѓународна потерница по поранешниот премиер Никола Груевски. Документите за распишување на потерницата по Груевски за терористичко загрозување на уставниот поредок за настаните од 27 април се доставени до Интерпол и очекуваме потерницата да биде објавена, изјави денеска министерот за внатрешни работи Оливер Спасовски одговарајќи на новинарско прашање по официјалното почнување на Твининг проект за усогласувањње на националните системи со ЕУ и шенгенските барања за гранично управување.

Интерпол, вели Спасовски, се уште врши некакви испитувања. Тој смета дека потерницата што е испратена ги исполнува критериумите за да биде објавена.

Нагласи дека потерницата со сите потребни документации и без никаков недостаток е доставена до Интерпол.

Спасовски е уверен дека нема никаква правна пречка потерницата за Груевски да биде објавена во Интерпол, особено за вакви кривични дела и очекува дека врвот на Интерпол ќе донесе таква одлука.

Во врска со тоа дека партијата ВМРО-ДПМНЕ вршела влијанија врз судии и дали тоа е пријавено во обвинителството, Спасовски одговори оти тоа е факт.

-Вие сите како новинари разговарате за „сваровски судство“ и за вршење притисок врз судството. Јас на моето интервју укажав и сега укажувам дека за подобрувањето на правниот амбиент во државата, на можноста да имаме навистина правда за сите во државата, треба навистина да се поведат одредени истраги и против судии, и против обвинители, и против припадници на МВР ако сакаме беспрекорно да имаме подобрување во оваа сфера. Затоа што не е прифатливо МВР да отвора случаи, да ги води, да дојдеме до ситуација на покренување истрага, апсења и по неколку часови тие исти луѓе да бидат пуштени од страна на судот, рече Спасовски.

Пронајдено е момчето кое се изгубило кај кејот

Дванаесетгодишниот Мартин за кој преку Фејсбук беше кажано дека е исчезнат попладнево бил пронајден, објави 24инфо. Мартин претходно последен пат бил виден на кејот на Вардар во Аеродром, но бил пронајден кај Авиончето во Ново Лисиче.

Мицкоски: Не е постигната просечната плата од 30.000 денари која се ветуваше

Лидерот на ВМРО-ДПМНЕ, Христијан Мицкоски вели дека наместо најавените 5 проценти раст, БДП не е ни на половина. 

Според него, падот во преработувачката индустрија е алармантен, а не е постигната ниту просечната плата од 30.000 денари која се ветуваше во предизборие. Мицкоски додава дека не се релизираше ниту ветувањето за намалување на данокот за 5 отсто во ИТ инустријата, а расте и разликата помеѓу увозот и извозот. 

„Ако се спореди првиот квартал во 2018 година, кога разликата во трговската размена извоз-увоз е нешто над 350 милиони евра, со првиот квартал од 2019 година ќе забележите дека отприлика таа е истата, но показателот дека економијата оди во погрешна насока се гледа во вториот квартал. Споредбено 2018, во 2019 година има разлика во извоз со увоз за цели 12.4 отсто, во корист на увозот“ -  вели Мицкоски. 

Мицкоски тврди дека со СДСМ се договориле веднаш по завршувањето на овие избори да седнат и да преговараат за измена на Изборниот модел. Според неговите тврдења, имало два заклучоци. Опозицијата барала власта да избере еден, но СДСМ се премислиле. 

ПИСМО ДО ЧЛЕНОВИТЕ: Заев порачува дека нема скршнување од патот на победата

Премиерот Зоран Заев во писмо упатено до членовите на Социјалдемократскиот сојуз, им порачува дека на следните избори неговата партија има обврска да „обезбеди да победи напредокот“.

Се наведува дека само тој избор е победнички. 

„Секој друг избор е пораз. Многу направивме, сите заедно, а имаме уште многу што да направиме. Затоа нема скршнување од патот на победата. Ако некогаш напредокот ви се чини бавен, тоа е затоа што е реален. Градиме на здрави темели, за да трае“, се вели во писмото на премиерот до членовите на партијата.

Победата, како што пишува Заев, бара посветеност, усогласеност и дисциплина.

Популарно