Од кои сметки Камчев ги повлекол парите за Боки 13-ка?

Обвинителството за гонење организиран криминал и корупција испитува од кои сметки бизнисменот Орце Камчев, кој наводно го пријави сопственикот на 1ТВ, Бојан Јовановски, дека му зел рекет, повлекол 1,5 милион евра, дознава „Независен весник“ од извори во Обвинителството. Обвинителството нема да го испитува потеклото на парите бидејќи тие не биле стекнати сега, а нема ни да го гони Камчев бидејќи дал мито за Јовановски да влијае врз специјалната јавна обвинителка Катица Јанева да ја запре истражната постапка против него.

Парите, како што изјави обвинителката Вилма Русковска, не биле обележани, но Обвинителството обезбедило снимки и од разговори и видеоснимки. Обвинителката вели дека сведокот нема да го гонат бидејќи не се гони некој што пријавил кривично дело.

Обвинителството води и финансиска истрага за цел имот што го поседува Јовановски и другиот осомничен, бизнисменот Зоран Милески-Кичеец. За имотот за кој нема да можат да го докажат од каде им е, ако обвинителството подигне обвинение против него, ќе бара одземање на тој имот.

Сопственикот на 1ТВ Бојан Јовановски познат како Боки 13  беше уапсен на Граничниот премин по налог на Јавното обвинителство за организиран криминал и корупција.

 Освен Боки 13 во акцијата беше уапсен и Зоки Кичеец.

Обезбедените видеа и аудио-атеријали се само за овој случај, за овие двајца осомничени, кажа обжвинителката Вилма Рускоска во интервју за телевизија 24. Понатаму во истрагата дали ќе се појават докази за обвинители, за политичари, за луѓе од јавниот живот ќе видиме, кажа јавната обвинителка Вилма Русковска. Таа додава и дека инволвираноста на јавен обвинител во овој случај, сега засега не може да се докаже.

– Доколку се појават цврсти докази сигурно дека истрагата ќе биде проширена, но сега навистина неможам да шпекулирам и било несериозно од мене како обвинител да кажам во која наоска може да не одведе истрагата, вели Рускоска.

На прашање дали не е исклучена можноста истрагата да се прошири не само на политичари, туку и на обвинители зависно од тоа што ќе се открие, Русковска одговори потврдно додавајќи дека „апсолутно не е исклучена можноста, но тоа е само можност“.

ФОТО: Врие полицајци со оружје и фантомки

Врие полиција пред новата Градска болница во Скопје каде на итен лекарски преглед е однесен затвореник кој е поранешен припадник на терористичката организација ИСИС, дознава „Слободен печат“.

Болниот затвореник низ ходниците на низа прегледи денеска го носеле низ болницата полицајци со автоматско оружје во рака, а дел од нив и со црни маскирни „фантомки“.

Голем број од граѓаните за „Слободен печат“ велат дека се вознемирени од вооружените полицајци.

Јанева: Не дадов наредба за претрес на обвинителите

Не сум издала наредба за претрес на Фатиме Фетаи и обвинителите, се работи за недоразбирање. Ова денеска го коментира специјалната обвинителка Катица Јанева за А1.он, по хаосот вчера.

- Не е точно дека сум издала таква наредба, се работи за недоразбирање. Не сум расположена за повеќе разговор, вели Јанева за А1.он.

Фетаи од друга страна вчера за порталот изјави дека при влез во СЈО и било побарано да биде претресена, одбила и ја опцула Катица јанева бидејќи не е таа обвинет, туку обвинител.

Мицкоски: Ако сум зел пари од Кичеец самиот ќе одам во притвор

Осомничениот Зоран Кичеец добивал инструкции да дава изјава против мене, кажа на денешната прес конференција лидерот на ВМРО-ДПМНЕ, Христијан Мицкоски.

Лидерот на најголемата опозициска партија рече дека власта се обидува да го вовлече во случајот „Рекет“ обвинувајќи дека зел на рака пари од обвинетиот Кичеец…

–Со понуда за милост да даде ваков исказ. Дајте доказ дека тоа се случило и јас доброволно во затвор ќе се пријавам. Не треба ни Русковска ни Реџепагиќ. Сам ќе отидам во притвор, рече Мицкоски.

Зоран Заев е на колена, октоподот е во слободен пад, доаѓа обнова на Македонија, порача лидерот на ВМРО-ДПМНЕ Христијан Мицкоски денеска на прес-конференција во партиското седиште.

Според него криминалот од вакви размери не е можен без поддршка од Зоран Заев.

-Катица Јанева не е во притвор а може да избега, може да влијае на сведоците и како прв човек на СЈО да го повтори делото. Катица Јанева е само продолжена рака на главниот во овој октопод. Зоран Заев е свесен дека Меѓународниот сојуз на еден од обвинетите важи на извесен начин на чедо на СДСМ. Сомневањата се дека тоа е параванот и за многу други случаи на изнуда и рекет. Заев е во состојба да се откаже од сите само за да се спаси себе. Некои велат Катица е следната, но тоа за граѓаните во Македонија значи само уште еден криминалец помалку на слобода. Некои велат дека нема тука застане. Никако да дојдеме до главниот а тоа е оној што го осмилил и аминувал тој криминал – рече Мицкоски.

Тој запраша какви докази крие семејството на еден од осомничените, кој е вклучен во таа белградска врска на мешетари платени со македонски пари, кои се луѓето кои се офајдиле од куфер политиката, како и на што се должи заострувањето на политиката кон Катица Јанева.

– Немаме правна држава затоа што ја убија и ја погребаа. Падот на оваа власт не е прашање дали ќе се случи, туку кога. Народот ќе каже доста е на следните предвремени парламентарни избори. ВМРО ќе ја сруши оваа власт и ќе донесе правда – рече Мицкоски и најави масовни протести на ВМРО-ДПМНЕ.

Популарно