Рускоска: Имаше интерес кај некои за спогодба

Вечерва во својата изјава за медиумите од страна на обвинителката Вилма Рускоска од обвинителството за организиран криминал и корупција беше откриено дека еден од осомничените од првиот дел од истрагата за „Рекет" се понудил да се спогоди и да сведочи, меѓутоа тоа не се случило, пренесува Фокус.

-Вештачењата кои беа направени последни донесоа важни докази. Имаше интерес кај некои од осмничените за спогодба, не се поднесе званично барање, но побараа спогодба. Ќе видиме што ќе биде. Еден осомничен побара спогодба за обвинението кое ќе биде поднесено утре, рече Русковска.

За пратеничката Фросина Ременски, како и за другите осомничени во проширената истрага од предметот Рекет, рекла дека се барани само мерки за претпазливост: одземање на пасош, забрана за напуштање на престојувалиште, и еднаш неделно да се јавуваат во судот. Најави дека другите осомничени утре ќе дојдат да дадат исказ во судот.

Таа кажа дека документите од истрагата за „Рекет“ кои протекоа во јавноста, не се излезени од Обвинителството.

-Одговорно тврдам дека документите објавени од истрагата за Рекет не се излезени од Обвинителството. Може да се види дека оние документи кои протекоа се копии, а во Обвинителството ги има само оргиналите. Обвинителството доставува копии до Судот, рече Русковска.

Јасна Мандиќ, која е потпретседател на хуманитарната организација „Меѓународен сојуз“ и една од новоосомничените во проширената истрага за Рекет денеска беше донесена во Кривичниот суд да даде исказ за предметот Рекет. За неа обвинителството бара мерка притвор.

Сопругата на Камчев платила 350 илјади евра за подобра положба на нејзиниот сопруг

Во  дешното рочиште на судењето за случајот „Рекет“, сведочеше сопругата на Орце Камчев, Ана Камчева, таа рече дека 350 илјади евра за рекет за подобра положба на нејзиниот сопруг, ги извадиле од фирмите што ги имаат, а ги донела лично во несесер нејзината свекрва, Ратка Камчева.„Потоа ме зема со кола Зоран Милевски и се упативме во станот на Бојан Јовановски во населбата Орман. Катица седеше во дневната соба. Се поздравивме со госпоѓата Катица Јанева и разговаравме за децата. Јас и реков како ми е мене со децата и како поминувам, а таа ми рече: Да не беше Бојан Јовановски, син ми ќе работеше на брод. Ние ги дадовме 500 илјади евра“, рече Камчева во сведочењето

Таа кажа дека Јанева и ; спомнала дека за гаранцијата од 14 милиони евра може кривично да ги гони неа и проценителот, зашто дел од имотот бил под кирија. „Катица Јанева ми напомна дека ако овој разговор излезе од домот на Бојан Јовановски, ќе знае дека е од мене, бидејќи имаше доверба во нив. Рече дека може не само еден, туку многу предмети да му отвори на Камчев. Се закануваше со нејзината моќ. Се плашев од моќта на Јанева. Но, не е таа што ја има моќта;, сведочеше Камчева. Сепак, вели таа, конците в рака ги држел Бојан Јовановски.„Тој беше специјален јавен обвинител. Тој знаеше се. Кој ќе биде притворен следен, и се што кажуваше, така се случуваше“, додаде таа

Почина пејачката на поп групата Роксет

 После долго боледување на 61 годишна возраст почина пејачката на поп групата  Роксет Мари Фредриксон.

  

Шведското дуо постигна глобален успех со низа хитови од крајот на 1980-ите и од почетокот на 1990-ите.

– Мари почина денеска по 17-годишна борба со ракот. Ти беше најпрекрасен пријател повеќе од 40 години. Ништо веќе нема да биде исто, изјави Пер Гесле, кој ја основа групата со Фредриксон во 1986 година.

Тие го издадоа првиот албум истата година, но светска слава им донесе албумот „Look Sharp“ од 1988 година.

Здравствените проблеми за Фредриксон почнаа во 2002 година кога ѝ беше дијагностициран тумор на мозокот. И покрај тоа, групата продолжи со работа и последниот албум го издаде во 2016 година.

Осомничен 27-годишен скопјанец за неовластено производство и пуштање во промет наркотични дроги

Почнува истражна постапка против лице поврзано со дрога во Скопје, која е пронајдена во дворот на неговата сосетка. Имено, Јавен обвинител од Основното јавно обвинителство Скопје донесе наредба за спроведување истражна постапка против 27-годишен скопјанец, поради основано сомнение дека сторил кривично дело – Неовластено производство и пуштање во промет наркотични дроги.

Осомничениот неовластено заради продажба држел марихуана, со вкупна нето маса од 1.512,2 грама. Дрогата била спакувана во три полиетиленски пакувања, а осомничениот ги чувал скриени во дворот на негова сосетка во Ѓорче Петров.

Но, сосетката извршувајќи работи во дворот, ја пронашла дрогата и една дигитална вага со остатоци од марихуана.

Надлежниот јавен обвинител до судијата на претходна постапка од Основниот кривичен суд Скопје достави и предлог за определување мерка притвор за осомничениот.

Популарно