Вработените во СЈО најавуваат тужба против државата

Стотината вработени од Специјалното јавно обвинителство ќе поднесат колективна тужба против Република Македонија и без мака ќе ја добијат тужбата откако, поради пратеничките каприци и политичките кавги поради што во Парламентот е заглавен Законот за јавно обвинителство кој беше спас за нив, остаанаа без потписник на сметката и без шеф, објави „Слободен печат“.

Никој не знае кога тој закон ќе добие собраниски амин, па ќе има плата и здравствено осигурување за вработените во СЈО или тие уште долго ќе чекаат некој да се смилува за нивната судбина. Вработените, како што дознава Слободен печат, веќе се организираат за да поднесат тужба. Дали и кога таа ќе биде поднесена зависи само од нив.

За можната тужба и нејзиниот позитивен исход пред две недели лично и премиерот Зоран Заев ги алармираше пратениците побрзо да најдат решение оти ако е тужена државата, тоа нема да биде само финансиски терет за Буџетот, туку и голем домашен и меѓународен срам.

Позитивниот исход за вработените во СЈО е во новиот предлог закон за јавнообвинителска служба кој го изготви Министерството за правда. Во него, со дополнување на законот се наведува дека тие ќе бидат преземени под надлежност на Јавното обвинителство, а нивен иден шеф ќе биде републичкиот Јавен обвинител, па така со еден закон се решаваат сите досегашни маки на персоналот на СЈО.

Голготата на вработените во СЈО започна со притворањето на нивната доскорешна шефица Катица Јанева која беше единствен потписник на сите документи. Само во нејзино отуство, за одредени работи, како банкарските налози за исплата на плати, можеа да ги потпишат нејзините заменички, обвинителките Ленче Ристовска и Бети Јосифовска.

Но, откако обвинителите од СЈО беа преземени од ОЈО, стотината вработени во Специјалното обвинителство останаа без потписник на сметката. Веќе втор месец СЈО должи пари, не само на име плати и придонеси, туку и за услуги и комуналии. За сите долгови има доволно пари на нивната сметка, но нема кој да потпише.

Утре ќе се разговара за отворањето на границите

Утре на Комисијата за заразни болести една од главните теми ќе биде и отворањето на границите. Ова за ТВ21 го потврди министерот за здравство Венко Филипче.

Засега не се споменуваат датуми, а минатата недела Филипче неколку пати истакна дека е рано за отворање на границите.

Од соседните земји, Албанија од 1. јуни ги отвора границите за Македонија, додека Србија веќе ги отвори.

Покрај тоа, утре на Комисијата може да стане збор и за отворањето на угостителските објекти кое беше најавено за оваа недела.

Ќе следи етапна исплата на пензиите и ќе започне од среда, 27 мај

Исплатата на мајските пензии почнува од среда, 27 мај. Со предвремена и етапна исплата на пензиите, што ја реализираме втор месец, овозможуваме поголема заштита на пензионерите во услови на опасност од коронавирусот КОВИД-19, информираат преку соопштение од МТСП.

Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата:

– Во среда, на 27.05.2020 година исплата на пензии со висина до 11.000 денари;

– Во четврток, на 28.05.2020 година исплата на пензии во висина од 11.001 денари до 14.000 денари;

– Во петок, на 29.05.2020 година исплата на пензии во висина од 14.001 денари до 18.000 денари;

– Во понеделник, на 01.06.2020 година исплата на пензии во висина над 18.000 денари.

Пензионерите кои користат платежна картичка поврзана со сметката на која се префрлува пензијата, со парите можат да располагаат од среда 27 мај. Тие можат да ја подигнат мајската пензијата на банкомат или да ги користат средствата за плаќање во трговската мрежа.

Етапното процесирање на пензиите ќе овозможи спроведување на препораките и мерките за спречување и ширење на вирусот, со оглед на тоа што пензионерите како возрасна група се најранливи.

Министерството за труд и социјална политика укажува дека пензиите се сигурни на сметките на корисниците, пензискиот систем е стабилен и функционира без проблеми. Апелираме до пензионерите да се придржуваат до распоредот за исплати, затоа што етапната исплата е направена со цел да се намали метежот пред банките и можностите за загрозување на личното и јавното здравје.

Потсетуваме на обврската за носење лична заштитна опрема којашто ги покрива пределот на носот и устата и држење растојание од најмалку два метра при чекање ред пред и внатре во банките.

Од утре се менува цената на горивата во земјава

Регулаторна комисија утре треба да ги утврди новите цени на горивата во Македонија.

Нафтата на светските берзи во поглед на минатата недела беше речиси стабилна со мали флукатиции и не треба да се очекува некоја поголема промена на цените.

Цената на горивата минатата недела се зголеми за половина до 1,5 денари по литар.

Малопродажната цена на бензинот ЕУРОСУПЕР БС-95 се зголеми за половина денар по литар и изнесува 54,5 денари. Бензинот ЕУРОСУПЕР БС-98 поскапи за еден денар по литар и чини 57 денари. Малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1), се зголемија за 1,50 денари за литар се продаваат за 47, односно за 35 денари.

Популарно