Хороскоп за 12.01 - четврток

Овен

Денес ќе се чувствувате растргнати помеѓу работата, врската, семејството и личните потреби – рецепт за нервоза. Полната месечина која ќе настапи во вашиот сектор на домот ќе формира Голем крст со Јупитер, Уран и Сонцето, туркајќи ве во четири насоки истовремено.

Не се правете суперхерој, бидејќи не можете да бидете насекаде и со секого. Признајте си дека сте само човек и ќе имате полесен ден.

Бик

Искреноста не е секогаш пожелна, на пример денес, па научете како да ја заобиколувате вистината. Полната месечина која ќе настапи во вашиот сектор на комуникацијата ќе биде дел од Голем крст заедно со Сонцето, Јупитер и Уран, правејќи ве збунети и расеани. Можно е туѓите зборови да ви делуваат неразбирливо и нејасно.

Доколку од почетокот на годината чекавте зелено светло за да започнете со реализација на ваша идеја, сега е одлично време за тоа.

Близнаци

Денес ќе ги трошите парите со истата брзина со која ќе ги заработувате. Полната месечина која ќе настапи во вашиот сектор на финансиите ќе ви донесе голема сума, најверојатно поради успешно завршен проект. Но, Месечината ќе формира Голем крст со Сонцето, Јупитер и Уран, правејќи склони кој коцкање и ризикување.

Мислете двапати пред да правите какви било инвестиции, влогови или заеми. Не носете импулсивни одлуки.

Рак

Наздравете! Денес настапува полна месечина во вашиот знак, назначувајќи ве за најсреќна личност. Можно е токму денес да се исполни вашата роденденска желба или пак успешно да завршите проект кој сте го започнале пред шест месеци.

Но, нема да биде сè толку розово. Полната месечина е дел од Голем крст заедно со Сонцето, Уран и Јупитер, влечејќи ве во четири насоки истовремено. Најголемиот притисок ќе доаѓа од вашата потреба да балансирате меѓу личниот, семејниот, професионалниот и љубовниот живот.

Лав

Со месеци се обидувате да спасите врска која пропаѓа? Не повеќе! Првата полна месечина за 2017 година ќе настапи во вашата 12-та куќа на завршетоците и одморот, поттикнувајќи ве да се откажете од нештата кои ве мачат. Не бидете жртвата, туку победникот.

Можно е да реагирате избрзано и импулсивно поради тоа што Месечината ќе формира Голем крст со Сонцето, Јупитер и Уран. Двапати мерете, еднаш сечете.

Девица

Дали знаете да работите во тим? Денешната полна месечина ќе биде дел од Голем крст заедно со Сонцето, Уран и Јупитер, предизвикувајќи ви проблеми во групната работа. Секој, вклучително и вие, ќе сака да биде по негово и тешко ќе наидувате на компромис.

Многу е важно да внимавате што споделувате на социјалните мрежи или во електронската комуникација со клиенти. Можно е да навредите некого ненамерно.

Вага

Патот до успехот нема да биде лесен за вас денес, но со упорност ќе успеете да го стигнете до целта. Полната месечина во вашата куќа на кариерата ќе ви помага да реализирате голем проект започнат во годината која измина.

Но, оваа полна месечина ќе формира Голем крст заедно со Сонцето, Уран и Јупитер, разделувајќи го вашето внимание на четири фронта – работа, дом, семејство, личен живот.

Скорпија

Раширете го вашиот поглед и ќе бидете непобедливи. Денес настапува полна месечина во вашата 9-та куќа на експанзијата и ослободувањето, правејќи ве склони кон ризици. Некои шкорпии ќе го прошират својот бизнис, а други ќе започнат нов.

Денешната полна месечина ќе оформува Голем крст со Сонцето, Уран и Јупитер, поставувајќи ви пречки на професионалниот пат. Можно е да се соочите со тврдоглав клиент, лош соработник и сл.

Стрелец

Денес настапува полна месечина во вашата 8-ма куќа на интимноста и интензивните емоции, фрлајќи ги далеку од вас сите ваши комплекси и несигурности. Ова е ден во кој ќе се чувствувате привлечно, но тоа ќе има своја цена.

Завидливите погледи ќе бидат насекаде поради вовлеченоста на Месечината во Голем крст со Сонцето, Уран и Јупитер. Добро размислувајте пред да влезете во врска.

Јарец

Подготвени сте да ја однесете врската на следното ниво? Денес настапува полна месечина во вашата 7-ма куќа на сериозните партнерства и обврзувањето. Некои јарци ќе ја официјализираат својата врска, а други ќе влезат во врска.

Сепак, љубовта нема да биде лесна тема за вас, бидејќи ќе се чувствувате растргнати на многу страни. Причина за тоа ќе биде вовлеченоста на Месечината во Голем крст заедно до Сонцето, Уран и Јупитер.

Водолија

Нов ден, нова можност за подобар начин на живот. Денес настапува полна месечина во вашата 6-та куќа на здравјето и фитнесот, помагајќи ви да ги реализирате вашите фитнес и нутриционистички планови. Стрелајте високо.

Но, внимавајте. Месечината ќе биде дел од Голем крст со Сонцето, Уран и Јупитер, „фрлајќи“ проблеми на вашиот пат. Ќе се чувствувате растргнати и ќе се форсирате себеси да правите сè истовремено.

Риби

Денес ќе се чувствувате екстра привлечно и сексапилно, благодарение на полната месечина во вашата 5-та куќа на страста и романсата. Ќе умеете да ги свртите сите погледи кон себе и ќе бидете мета на многу понуди за љубовни состаноци.

Но, вашата убавина може да ве направи екстремно горделиви, па дури и да ве поттикне да глумите недостижност. Причина за тоа ќе биде вовлеченоста на Месечината во Голем крст во Сонцето, Уран и Јупитер.

Која е вашата идеална боја според хороскопот?

Повеќето од нас си имаат своја омилена боја. Без разлика дали причината е заради начинот на кој сината ви ги истакнува очите или како зелената ви влијае смирувачки, бојата што ја преферирате зборува за вашата личност. Секој хороскопски знак си има своја омилена боја – проверете си!

ОВЕН –  Црвена

Зошто: Затоа што рефлектира чиста, сирова енергија, страст, што секако е карактеристика на претставниците на овој астролошки знак. Во моментите кога им треба малку охрабрување, црвената боја може да го даде саканиот ефект. Колку и да звучи банално, астролозите велат дека црвената ја обновува нивната духовна енергија на вистински начин. Истото ќе важи и доколку не сте Овен во хороскоп, но имате подзнак, Месечина или Венера во овој знак. Освен црвената, среќни бои за Овнот се и белата и црната.

Мода: Но, црвената не е едноставна за носење, затоа многумина најчесто ја имплементираат преку модните додатоци – чевли, чанта или пак секси црвен кармин.

Значење: Црвената е боја на лутина, храброст, опасност, жештина, страст, сексуалност и сила. Ако се земе предвид дека црна и белата не се вистински бои, црвената е првата што добила име. Како боја на крвта и огнот се поврзува со љубовта и револуцијата. Тоа е најзастапената боја на знамињата. Кога се во прашање негативните асоцијации на бојата, црвената е многу агресивна, се поврзува со насилство и војна. Спортските тимови ја сакаат, а една студија за Олимписките Игри во 2004 година покажува дека во спортовите каде што има двајца натпреварувачи и резултатот е изедначен и резултатот зависи од бодувањето на судиите, тие го преферираат натпреварувачот во црвен дрес. Мажите ги сметаат жените во црвен фустан поастрактивни, а црвенокосите мажи и жени имаат поактивен сексуален живот. Црвената го поттикнува срцебиењето и стимулира глад, односно апетит. Затоа црвената е популарна боја и во растораните. Со оглед на тоа дека е тесно поврзана со природната кафена, дизајнерите ја сакаат и во дизајнирањето на мебел.

БИК – Зелена

 Зошто: За Бикот ќе најдете повеќе информации. Некаде пишува дека неговата боја е розовата, некаде зелена, а некаде пак и сината, но оние модрите нијанси, или кралевски. И сите се точни. Розовата поради нежноста и влијанието на нивната планета Венера, а другите две поради земјениот аспект. Ние ја одбравме зелената, бидејќи таа е идеален избор за сите априлски и уште повеќе мајски Бикови, бидејќи асоцира на природа и повторно раѓање.

Мода: Општо познато е дека Биковите уживаат во удобноста и елеганцијата. Од минимализам, до бохо ноти, нивниот стил е многу често комбинација од неколку, затоа што собираат сè што им се допаѓа и го комбинираат. Можеби Бикот не би купил зелени чевли (освен ако нема подзнак во некој од уметничките знаци како Водолија или Риби), но фустани во зелена боја, марами, кошули, смарагден накит, сè тоа можете да го видите на еден Бик.

Значење: Зелената е боја на свежина, здравје, надеж, обнова, сигурност, младост. Во германските јазици, овој збор има ист корен со растење или треба, што алудира поврзаноста со природата. Невестите во Средниот век, многу често носеле зелени венчаници, како симбол на плодноста. Зелената е најсмирувачката боја во спектарот на видливи бои и има излекувачки моќи, затоа не изненадува фактот што често се користи во ентериерите на болниците. Кога мостот Blackfriar Bridge во Лондон бил обоен во зелено, бројот на самоубисва опаднал за 30 проценти. Зелената е боја на знамето на Мухамед и е знак на почит. Тоа е една од најважните бои во Исламот и секоја исламска држава има зелена во знамето. Ако ги разгледуваме негативните конотации на зелената, таа претставува и материјализам и посесивност, што исто така се врзува за Биковите. Зелената е и боја на љубомора и завист, себичност, алчност. Исто така, се поврзува и со неискуството. Секундарна боја е и е микс на топла жолта и студена сина. Зелената се наоѓа во центарот на спектарот и тоа не случајно, бидејќи претставува баланс.

БЛИЗНАЦИ – Жолта

Зошто: За најкомуникативните претставници на Зодијакот, жолтата како боја токму на комуникацијата и интелектот е совршена за Близнаците. Исто така, ја поттикнува креативноста, а претставниците на овој знак секогаш имаат потреба од таков тип на изразување.

Мода: Ова е една од најтрендовските бои сезонава, но не секогаш лесна за комбинирање, или барем не за сите. Жотата секогаш треба да ја усогласите со тенот на кожата.  Постои опасност да изгледате како канаринец, но ако се има предвид дека Близнаците ја сакаат откаченоста во модата, ова за нив нема да претставува никаков проблем.

Значење: Жолтата се поврзува со креативноста, ентузијазмот, среќата, радоста, славењето, оптимизмот и задоволството. Тоа е бојата на вниманието и брзо може да стане иритантна, особено ако е користена во многу и често. Покрај црната и белата, жолтата одлично оди во комбинација со сината и зелената, но комбинацијата со жолта не секогаш е добра идеја, бидејќи може да биде премногу нападна. Од друга страна, жолтата е и бојата на зависта, болеста, предавството. Се поврзува и со анксиозноста и ирационалноста. Во маркетингот, жолтата се перцепира како младешка, светла и по малку детинеста боја, што може да се поврзе со неодговорноста.

РАК – Бела

Зошто: Ако белата ја поврземе со перфекција, основа и чистота, тогаш веднаш ќе ви стане јасно и зошто е среќна боја токму на Раковите.

Мода: Приказната за ова ја започнавме и минатиот месец кога говоревме за дизајнерите Ракови и како повеќето од нив дизајнираат венчаници. И тогаш нагласивме, дека белата е основата на која потоа се гради сè. Во нивниот стил, основата ја има минимализмот, на кој потоа додаваат други елементи и го оформуваат својот естетки израз.

Значење: Белата се поврзува со искреност, невиност, светлина, мир, чистота, вистина. Тоа е бојата на новите почетоци, раѓање, венчавки, медицина, наука. Неутрална е и може да се комбинира со речиси сите труди бои. Се смета за летна боја, но во исто време, тоа е бојата на снегот. Тоа е бојата на која го градите својот карактер. И бебињата се облекуваат првин во бело, спремни потоа да ги примат сите други бои од спектарот. Белата значи и независност. Листата на позитивни асоцијации е долга. Но, има и неколку негативни конотации. Особено во западните култури, белата се смета за студена боја, што означува празнина, стерилност. Во Индија, бојата на тагата е токму белата. Можеби несвесно, вие Раковите облекувате бела кога се движите кон некој нов правец во вашиот живот или кога ве очекува некое ново искуство.

ЛАВ – Златна

Зошто: Сјај, впечатливост, празничност, сето тоа го сакаат Лавовите, а го означува златната. Таа е се смета за нијанса на жолта, но жолтата би била премногу едноставна за Лавот. Тие мора да бидат во центарот на вниманието.

Мода: Златната е сепак топла боја, која истовремено укажува на забава и возбуда, а токму тоа ги одликува и претставниците на овој знак. И додека други би одбрале златна само за вечерни пригоди, Лавовите можат да ја носат и во дневни варијанти и тоа совршено им прилега. Од бледи нијанси, па преку бронезени и сè до нијанси на старо злато, Лавовите знаат како да ги носат. И кога е шминката во прашање, тие совршено знаат како да ги вклопат во изгледот. Бронзер, или пак, златен сјај за усни е гламур-ефектот што овие дами го посакуваат. Тие се од малкуте претставници на Зодијакот каде повеќе е повеќе!

Значење: Златната е боја на успехот, достигнувањата, триумфот, статусот. Се поврзува со просперитет, луксуз, квантитет, престиж, вредности, елеганција. Лавовите сакаат материјални добра и сигурноста, екстраваганција, статус во општеството, а во психологијата на боите, златната имплицира токму на овие нешта. Но, без разлика на сè, Лавот е поврзан и со природата (влијание од жолтата), но оваа повозбудливата, потемепераментна страна. Златната се поврзува со машката енергија и моќта на сонцето, споредбено со сребрената што се поврзува со женската енергија и чувствителноста на месечината. Ова е бојата и на победниците – а за нив се резервирани златни медали. Во однос на негативните конотации, колку што значи успех, златната е и страв од успех, егоцентричност, недоверба, злоба, разгаленост… Па ако ви е ова омилената боја, тогаш и вашиот може да е микс од овие карактеристики.

ДЕВИЦА – Сина

Зошто: Комуникација, авторитет, мудрост – одликите на Девиците, поради кои и сината е токму нивната најсреќна боја.

Мода: Како претставници што не трпат туѓ авторитет, туку сакаат да наметнат свој, како некои што се сметаат за личности што во претходниот живот имале некакво кралско потекло, често изборот на Девицата е токму сината. Ако забележите девојка што носи сина сенка за очи и тоа изгледа супер, голема е веројатноста да се работи за некој што со знак, Сонце или Месечина во Девица. Сини чевли се задолжително парче кај овие претставници, како и сите типови на модни додатоци.

Значење: Сината е боја на довербата, одговорноста, чесноста и лојалноста (= Девица). Тие се резервирани и тивки, но не секогаш. Не сакаат конфротација, но доколку не е како тие што сакаат, тогаш ако треба и ќе се конфротираат и не се пријатни. Во психологијата на бои, сината е боја на перспектива, самодоверба и внатрешна сигурност. Сината означува и ред, а една од најизразените карактеристики на Девиците се токму редот и јасноста на животниот и работниот простор. Сината го редуцира стресот, и создва чувство на смиреност и релаксираност. Бојата на небото. За Девиците, само небото е граница. Исто така, научниците велат дека сината го забавува метаболизмот. Како боја што се поврзува со комуникацијата, честопати, јавните говорници, професорите или било кој што треба да зборува пред поголема толпа луѓе одбира да биде облечен токму во сина. Означува и високи идеали, што ги имаат и Девиците, па не секогаш се излегува лесно на крај со нив. Сината е спасувач, пријател кога ви е најпотребно. Сите со знак и уште повеќе подзнак Девица, сакаат да градат цврсти врски на доверба, а кога тоа ќе се сруши тогаш се чувствуваат предадено. И се како водата. Мирни, па бурни. Сината означува и депресија, тага, пасивност, конзервативност, слабост, фригидност, неповерливост. Сите вие што сината ви е омилена боја, се пронаоѓате ли?

ВАГА – Индиго сина

Зошто: Најголемите шармери во Зодијакот, Вагите, се знак со кој владее Венерата. Затоа може да прочитате дека освен сината, и розовата е нивна среќна боја, што нема да е грешка. Но, темносините нијанси посебно ги истакнуваат, бидејќи Вагите сакаат и впечатливост и интелигентноста, а на сето тоа се и мошне интуитивни, сè што влегува и во описот на оваа боја.

Мода: Така и во модата. Вагите се познати по тоа што ја сакаат естетиката и убавото и тоа под влијание на Венера. Женствени се, и ги сакаат моделите што ги истакнуваат облините. Не се плашат од својата женственост, напротив. Прилично се самоуверени и свесни за себе. Затоа и вака темни нијанси, што не секој би можел да ги носи одлично им прилегаат.

Значење: Вистината, трпение, хармонија, се дел од работите што ја карактеризираат темносината боја или индиго. А Вагите се познати како фамилијарни типови, па хармонијата во домот и вистината во односот со партнерот задолжителни. Постојат податоци дека сината влијае врз редуцирањето на криминалот (полициска униформа), но за тоа нема официјална потврда. Она што има е дека сината е омилена боја на најголем број луѓе во светот. Често се појавува во логоата на компанијата, бидејќи ја поврзуваат со доверба. Индиго е бојата на концентрацијата во медитацијата. Исто така, означува и моќ на перцепција, па често Вагите се детективи. Индиго значи и искреност, правда, борење за човекови права, емпатија. Значи и традиција, но и креативност и спиритуалност. Исто како и вагата. Негативните конотации на бојата се – фанатизам и зависништво.

ШКОРПИЈА – Виолетова

Зошто: Затоа што Шкорпиите се мистериозни, а меѓу боите виолетовата е мистериозната дама.

Мода: Нијанси на црвена, сина и црна се наоѓаат во виолетовата, со што нејзиното одгатнување е уште потешко, како и на претставниците на овој знак. Ако познавате Шкорпија, прашајте ја која боја ѝ е омилена, веројатно ќе биде црвена, црна или виолетова. Ја имплементираат и кога е бојата на косата во прашање, како и во шминката. Можеби нема да купат виолетови чевли, но стилот на Шкорпиите сепак ќе биде и провокативен и мистериозен.

Значење: Покрај тоа што е боја на мистичното, па често се поврзува со црна магија, тарот и слично, виолетовата е и боја на религиозноста. Свештените лица порано имале виолетови наметки, кои потоа во некои култури се замениле со црни, односно бели. Виолетовата означува и амбиција, екстраваганција, луксуз, престиж. Познато е дека тоа е и бојата на кралевите. Во неа се содржи силата од црвената и сината, па интересен е и резултатот од едно истражување дека таа е една од најпопуларните бои меѓу пубертетот и периодот непосредно пред тоа. Бојата на бунтовниците, но и на менлахолијата и инфериорноста. Многу ретко се сретнува во природата.

СТРЕЛЕЦ – Портокалова

Зошто: Затоа што Стрелците го сакаат животот, а портокаловата го означува токму тоа – енергија, живост, желба за живот.

Мода: Стрелците сакаат патувања, па ако сте Стрелец и се подготвувате за некое патување, спакувајте си парчиња во овие бои. Тие ја изразуваат состојбата на нивниот дух – ведар, немирен. Маици во оваа боја во комбинција со џинс, или пак некое пролетно фустанче, чанта со чевли, ќе биде одличен избор за вас. Да не заборавиме – очила за сонце и кармин. Вие сте по природа малку „откачени“, зошто тоа да не го изразите и преку модните комбинации.

Значење: Ова е боја на активноста, енергијата, возбудата, успехот и младоста. Именувана е по добропознатото дрво, односно овошје. Ги покрива сите нијанси од жота до црвен и има слични карактеристики како и тие бои. Не е толку светла како жолтата, ниту пак нападна како црвената. И покрај убавите аспекти, може да означува и незрелост и кич. Прилично е впечатлива, па се користи за предупредување од опасни ситуации, или кога сакаме да привлечеме внимание. Особено е популарна во прехранбената индустрија. Многу ретко ќе забележите автомобили во портокалова боја, а интересна студија покажува дека абтомобилите во оваа боја генерално, поретко губат вредност, отколку другите. Но, веројатно постои причина зошто ваквите автомобили се поретки, која секако нема врска со самата боја.

ЈАРЕЦ – Црна

Зошто: Јарецот е земјен знак, па и не е некое изненадување што црната, како и темните нијанси на кафената се идеалните, среќни бои за овие претставници на Зодијакот.

Мода: Како љубител на класиката, црната одлично се вклопува во стилот на овој, знак кој го почитува минимализмот, но и романтиката. Црната е одлична за комбинација со сите останати бои, па Јарците тоа го прават во согласност со своето расположение. Тврдоглави се, па тешко се одлучуваат на промени, што некогаш може да се толкува и како модна несигурност.

Значење: Црната е боја на авторитет, впечатливост, контрола, елеганција, дисциплина, заштита и сила (сè што и Јарецот е). Но, истовремено се толкува и како боја на злото, тежината, ноќта…Црната не е боја, таа всушност е микс од сите бои, што значи дека ги апсорбира сите бранови должини. Интересно е што луѓето носат црно за да изгледаат потенки, но црните предмети пак, изгледаат потешко, погломазно. Црната симболизира крај, но секој крај е поврзан со нов почеток, па и тука може да се види зошто црната и белата се совршен пар. Од сите бои, црната има најмногу негативни конотации. Ја сметаат за несоцијална боја, која создава страв. Се вели дека продавачот облечен во црно може да има многу продажба, но не и пријатели. Се смета дека луѓето на кои оваа боја им е омилена се конзервативни и сериозни. Одлична е за судиите и адвокатите, бидејќи црната означува и контрола и моќ. Но, тоа е бојата и на модата. Малиот црн фустан е задолжитело парче. Секси долната облека најчесто е црна и обоена со заводливост и мистерија.

ВОДОЛИЈА – Тиркизна

Зошто: Затоа што ги обединува отворената комуникација и емоциите, што е сосема соодветно за водолиите.

Мода:Одлично е да ја имате оваа боја околу себе, особено ако работите креативна работа или пак треба да носите одлуки. Тие што ја носат оваа боја, порачуваат дека се забавни, креативни, фантазери, сè само не здодевни. Во летниот период ја преферираат сите, но на Водолиите посебно добро им прилега. Нив нема да ги видите од глава до петици во оваа боја, или многу ретко, но ќе видите интересни додатоци, принтови токму со имплементација на тиркизната. Водолиите имаат одлична моќ на перцепција, па затоа секогаш внимаваат како ги комбинираат работите. Понекогаш, тоа што вие не би го облекле или комбинирале, Водолиите токму тоа ќе го направат и ќе изгледаат прекрасно во тоа.

Значење: Тиркизната е среќна боја, боја која порачува:„Животот е убав“. Во психологијата на боите, тиркизната ги контролира и лечи емоциите, создавајќи емоционална рамнотежа и стабилност. Тоа понекогаш може да биде лудо возење надолу-нагоре, но на крај сепак се наоѓа стабилност. Комбинација е на сината и малку жолта, па во себе ги содржи и нивните карактеристики. Исто така, на скалата на бои е помеѓу зелената и сината. Тиркизната означува мир, смиреност (од сината) и балансот и растењето (влијание од зелената), како и енергичност (влијание од жолтата). Ако познавате некоја водолија, тогаш сè ви е јасно. Одлично влијае на концентрацијата, па доколку треба да одржите некој говор, нека ви биде напишан или подвлечен токму со оваа боја. Но, од друга страна, таа означува и егоизам – ставање на своите потреби над сè. Ни помага да се сакаме себеси, што потоа ја поттикнува и способноста да ги сакаме и другите и тоа безусловно. Сепак, не претерувајте со тиркизната, затоа што наместо баланс можете да го постигнете токму спротивното.

РИБИ – Сребрена

Зошто: Сребрената е тесно поврзана со месечината, што значи интуицијата и женската енергија, нешто што сосема ги осликува Рибите. Многумина би помислиле дека сината е нивната боја, бидејќи рибите се врзани со водата, но во комбинација со мистериозноста и потрагата по смиреноста, сребрената е нивната боја.

Мода: Минатиот месец читавте за тоа со кои дизајнери го делите хороскопскиот знак. И покрај тоа што сите имиња што ги прочитавте се успешни, некако „најоткачените“ дизајнери се токму Риби. И тоа не е случајно. Уметноста е идеална професија за претставниците на овој знак, независно за која се работи. Тие немаат толку откачен стил, колку што имаат откачени идеи. Ќе ги видите во нешто помеѓу елеганција и удобност, но секогаш ќе има некој детаљ што кај другите го нема.

Значење: Во психологијата на боите, пишува дека сребрената означува рефлексија, промена на правец, просветлување. Помага во чистењето и ослободувањето на психата и емоционалните блокади и проблеми. Сребрената е еднаква на отворање нови порти. А Рибите секогаш трагаат по нешто ново, подобро, поинакво. Интуицијата е нивното второ име. Сребрената значи рефлектирање на енергија назад, без разлика дали е позитивна или негативна. Не чудете се зошто Рибите земаат толку многу енергија… Исто така, сребрената се поврзува и со престиж и богатство, гламур, софистицираност, модерност… Таа ги поврзува женственоста и спиритуалната енергија. Личностите од овој зодијачки знак, како и оние на кои сребрената им е омилена, се сметаат за мудри и со чувство за правда. Но, ако зборуваме за негативните аспекти, тоа е боја на дволичноста, егото, студеноста. Како и црната, така и сребрената може да оди со сите други бои и ја рефлектира нивната енергија.

Дневен хороскоп

Овен (21.03 – 20.04)

Доколку денес очекувате важна информација, не правете нервоза околу вас. Тоа што ви е ветено ќе го добиете и нема потреба од правење тензија. Чувствувате дека сте на крај на силите и не можете да се опуштите. Партнерските односи ви се под знак прашалник. Постојано го анализирате партнерот и барате грешки кои ги нема. Само е прашање на време кога тој ќе реагира на сите ваши провокации. Ако сте слободни, денес ќе уживате во комуникацијата со една личност која ја познавате преку социјалните мрежи.

Бик (21.04 – 21.05)

Не ви недостига прилика за забава, а позитивните настани на емотивен план ќе ве поттикнат да се соочите со внатрешните стравови. Денот е одличен за започнување на нешто ново. Верувајте во вашата среќа и искористете ја секоја прилика за истакнување и развој на вашата креативност

Близнаци (22.05 – 22.06)

Имате премногу обврски кои задолжително мора да ги завршите, но ви недостасува време. Побарајте помош од пријателите и завршете ги задачите. Некој пријател од детството ќе ве повика на заедничко патување. Не се двоумете, заминете и поминете си убаво.

Рак (22.06 – 22.07)

Завршете ги важните работи, разговори и состаноци. Ќе бидете многу уверливи и успешно ќе се залагате за сопствените идеи. Храбро ќе влегувате во полемики, дури и кавги од кои ќе излегувате како победник. Ситуацијата во љубовта е нестабилна.

Лав (23.07 – 22.08)

Емотивната состојба е нестабилна и ве принудува на непромислени потези. Нека не ве заплашуваат сегашните проблеми бидејќи во иднина доаѓаат уште посериозни. Ќе пронајдете разумно решение кога ќе се смирите и убаво ќе размислите. Некоја Вага очекува финансиска помош од вас.

Девица (23.08 – 22.09)

Премногу сте занесени со своите работни визии, поради тоа прифатете добар совет кој го добивате од блиски соработници. Нема потреба да се експонирате во непознато друштво, избегнувајте предизвици кои можат да ве оштетат. Ви недостасува промисленост и трпение на средбата со саканиот(ата). Понекогаш постапувате со премногу барања и неумоливо. Со претерување непотребно го иритирате нечие разбирање

Вага (23.09 – 22.10)

Размислувате за зголемување на вашата материјална ситуација. Во текот на денот ќе ви се укаже прилика за наоѓање на нов извор на финасии, но вам нема да ви бидат потполно јасни условите кои ви се нудат. Побарајте совет од вашиот партнер.

Шкорпија (23.10 – 21.11)

Ќе пронајдете одлично решение за проблемите во семејството, ќе ги решите недоразбирањата и во вашата околина ќе завладее мир. Несвесно ќе ги одложите бизнис обврските, а тоа може да ви направи материјална штета. Посвете им се сериозно на обврските.

Стрелец (22.11 – 21.12)

Ве измачува тежината на работата која ја работите, но подобрувањето на финансиската ситуацја ќе ве смири комплетно. Размислете малку околу инвстициите и враќањето на долговите. Ова е среќен ден за вас, поминете го во друштво на вашиот партнер и уживајте.

Јарец (22.12 – 20.01)

Навистина среќен ден за претставниците родени во втората декада, бидејќи ќе сретнат сродна душа со која што ќе споделат незаборавни моменти, а оние Јарци кои се во брак ќе воспостават хармонија со семејството. Нека не ве загрижува досегашната неповолна финансиска состојба затоа што таа почнува да се подобрува. Вашето здравје е повеќе од добро.

Водолија (21.01 – 19.02)

Проблемите во љубовта ќе ви го одвлечат вниманието и ќе ви го одземат времето за извршување на бизнис обврските. Не се расправајте со партнерот за неважни нешта кои само ве одалечуваат. Обидете се да размислите и постапете совесно. Некои финансиски средства кои ги очекувате малку ќе доцнат

Риби (20.02 – 20.03)

Ќе морате да бидете внимателни во новите љубовни обиди. Другата страна би можела да се постави поагресивно нудејќи ви авантура, а вас ви е подобро да не превземате ништо и добро да размислите. Ако сте во сериозна врска можеби ќе влезете во расправии со партнерот и ќе бидете нервозни и чувствителни. Во деловниот живот ќе решавате за некои важни прашања кои се однесуваат за вашиот напредок во кариерата.

Дневен хороскоп

Овен (21.03 – 20.04)

Единствената опасност која ви се заканува за овој ден е брзоплетост и површност. Никаде не ве фаќа место. Токму сега ќе се двоумите дали да прифатите некоја друга работа или да одбиете. Најважно од сѐ е да се обидете да ги разберете и другите, нивните постапки и желби. Токму за ова ќе ви помогне еден искрен разговор на пошироки теми во друштво на искрена личност.

Бик (21.04 – 21.05)

Сега е момент нешто да научите но истото и да го практикувате. Доколку наидете на проблеми немојте да ја комплицирате ситуацијата. Бидете конкретни и кратки. Некоја личност постојано ќе се обидува да ја уништи вашата врска. Здравјето е добро.

Близнаци (22.05 – 22.06)

Во постапките на работа немојте да се трудите да ги наметнувате вашите идеи и онака ќе најдат примена. Доколку одите тврдоглаво нема да поминете само со пристојни предупредувања. За слободните Близнаци постои голема шанса да ја најдат личноста од соништата. Бидете средени, шармантни и привлечни.

Рак (22.06 – 22.07)

Сега ќе бидете во фаза на работни успеси, па така оние помалите проблеми и промашувања едноставно ќе бидат веќе зад вас како ваше минато на кое се разбира воопшто нема ни да помислувате. Колку и да ви е напорно, подобро ќе биде да прошетате во природа отколку да ја стимулирате енергијата со храна.

Лав (23.07 – 22.08)

На љубовен план ве очекува позитивен развој на настаните. По природа сте ненаметливи но кога љубовта е во прашање тогаш сте вистински Казанова.  Ве очекуваат многу страсти со нова личност во знакот на овен, лав или стрелец. Изборот е ваш

Девица (23.08 – 22.09)

Бидејќи во вас ќе има поголема напнатост и недоразбирање со работната околина, препорачливо би било да ги избегнувате сите неопходни контакти со истата. Конечно имате разбирања со партнерот. Сега е потребно само помалку да зборувате повеќе да работите на полето љубов и секс па се ќе биде како од бајките.

Вага (23.09 – 22.10)

Малку сте разочарани  од новото работно место но не избрзувајте ,се уште е рано. Почнувате да се интересирате за странски јазици па постои можност да се запишете и на некој курс. Финансиската ситуација во моментот е добра.

Шкорпија (23.10 – 21.11)

Некој колега во знакот на Овен од вашата работна околина ќе се обиде да ви наметне темпо кое нема да го интересира дали можете да го постигнете или не. Како и да е, обидете се да најдете заеднички јазик по цена и да треба да попуштите, па впрочем некој мора и тоа  да го стори.

 Стрелец (22.11 – 21.12)

Најверојатно заради намалениот број на соработници, за што се виновни вашите претпоставени, ќе имате малку повеќе работа , но сепак ќе бидете задоволно изморени. Искористете ги овие можности и направете ја својата позиција постабилна, но при тоа немојте да си замислите дека вие сте најспособни.

Јарец (22.12 – 20.01)

Пред вас се значајни финансиски трансакции кои сигурно ќе ја подобрат ситуацијата. Емоционално ќе бидете задоволни. Нема да можете да ги контролирате своите, во моментов надојдени страсти. Ваквата ситуација ќе ве зачудува вас, но и околината.

Водолија (21.01 – 19.02)

Онаа празнина во љубовта која ја чувствувате до скоро сега веќе нема да ја има. Оние со постојан партнер во пријатна атмосфера ќе го дефинираат годишниот одмор. Слободните припадници ќе заминат на одмор со својата симпатија каде ќе се случат многу нешта.

Риби (20.02 – 20.03)

Денес дозволете си да се разгалите. Дозволете си масажа или пак сауна, тоа одлично ќе ви ја надополни енергијата и ќе ја направи вашата кожа блескава и здрава. Во вечерните часови препуштете се на магијата на читањето книга.

Популарно