Популарната пејачка Аделина Тахири ги налути преставниците на медиумите откако денска доцнеше на промоцијата на својот нов албум. Промоцијата беше закажана во 11 часот требаше, па новинарите во конференциската сала пристигнале точно на време, но набрзо биле известени дека дека промоцијата е презакажана за 11.30.
Петнаесет минути потоа Тахири се уште не се појавила на настанот.
Во моментот кога македонските новинари заминувале од хотелот, дел од новинарите од албанските редакции допрва пристигнувале, па изгледа дека тие биле известени за точното време за почеток на промоцијата, наведуваат од „Вест“.
Новинарите од македонските редакции се договорија промоцијата на пејачката да се бојкотира поради нејзиниот неодговорен и несериозен однос.
По скандалот со промоцијата се огласи и менаџерот на Аделина
Ви го пренесуваме во целост соопштението на тимот на пејачката, по повод скандалот околу промоцијата на нејзиниот нов албум.
Почитувани пријатели, колеги и медиуми,
имаме потреба да изразиме големо жалење поради недоразбирањата кои денеска се случија на промоцијата на новиот албум на Аделина Тахири.
Уште пред еден месец, Аделина заедно со менаџментот на елитниот хотел „Bushi Resort & Spa“ ја закажа промоцијата за 28.01.2015 со почеток во 11:30 часот, но пред да ги пуштиме поканите до медиуми, донесовме одлука да направиме приемен дел од 30 минути со цел да се соберат сите медиуми.
Истата покана, на македонски и албански јазик беше испратена до сите медиуми, а Аделина Тахири задоцни само 15-тина минути поради гужва во сообраќајот.
Изразуваме благодарност за разбирањето, особено до екипата на популарниот дневен весник „Вест“, естрадниот магазин „Бекстејџ“ и многу други ценети македонски медиуми кои останаа да ја проследат до крај промоцијата.
Достојно за реномето на хотелот, но и стилот на Аделина, промоцијата заврши со коктел на кој присутните гости можеа да и поставуваат прашања и да се дружат со популарната пејачка.