МНР потврди: 36- годишна велешанка пронајдена мртва во Лондон

Резултатите од обдукцијата треба да кажат од што настапила смртта.

london-740x416

Се подготвуваат документите за транспорт на посмртните останки на Билјана З. од Лондон во Македонија, јавува Дума. Триесет и шест годишната девојка била пронајдена мртва во станот во кој живеела. Амбасадата на Македонија во Велика Британија посредува во постапката и му помага на овластеното лице од семејството на починатата. Штом се заврши со прибирањето на сите потребни документи и се обезбедат сите протоколи, посмртните останки ќе бидат пренесени во државава, рекоа од Министерството за надворешни работи.

Засега не се знае од што настапила смртта кај девојката. Тоа ќе треба да го покажат резултатите од обдукцијата.

- Ова е трагедија како за семејството така и за починатата девојка - велат неколкумина велешани кои го познаваат семејство и Билјана.

Девојката петнаесет години живеела во Лондон и работела како медицинска сестра. Таа често доаѓала дома, во Велес. Пред еден месец нејзиниот татко бил во Лондон кај неа. Семејството секојдневно контактирало со Билјана на телефон или интернет. Родителите откако не успеале во понеделникот да се слушнат со неа побарале помош од нејзини пријатели во Лондон кои потоа им ја соопштиле трагичната вест.

МВР КОНЕЧНО распиша потерница по убиецот на Мартин Јанушев

Имаме несоборливи докази дека лицето Ф.С. е сторител на убиството на Мартин Јанушев, информираше денеска министерот за внатрешни работи Оливер Спасовски при посетата на СВР Скопје.

– Поднесена е кривична пријава, а стапуваат и другите мерки кои треба да бидат преземени во смисла на меѓународна потерница итн. за обезбедување на лицето и целосно расчистување на случајот, рече Спасовски.

Додаде дека имаат индиции за местото каде што се наоѓа сторителот и во моментот МВР е насочено на неговото откривање.

28-годишниот Мартин бил син на полициски службеник и брат на вработен во единицата Алфи.

Тој беше застрелан на 3-ти ноември, околу 18 часот пред влезот на зградата во која живеел, во населбата Аеродром.

Дел од очевидците раскажаа дека врз него било стрелано 4-5 пати во пределот на главата и вратот.

Јанушев играше за клубот „Локомотива“, а претходно кариерата ја градеше во клубовите „Маџари Солидарност“ и „11 Октомври“.

ВИДЕО: Страшна сообраќајка во Скопје!

Синоќа на скопскиот булевар „Партизански одреди“ се случи тешка сообраќајна несреќа во која што за среќа, после судирот на две возила, нема загинати.

Автомобилите наводно возеле со голема брзина и се судриле на булеварот спроти пекарата „Силбо“, при што е причинета голема материјална штета. Едно од возилата удрило во билборд кој што е срушен и за малку ќе влетало во експозитурата на НЛБ Банка. Екипите на итна помош реагирале веднаш, а полицијата изврши увид на местото на сообраќајната несреќа.

Како што пренесува 24vesti.com.mk, едно лице кое што управувало со еден од автомобилите било повредено и префрлено во болница, а за среќа нема жртви.

Македонија: Наставник извадил пиштол и му се заканувал на директорот дека ќе го убие

Надворешната канцеларија за криминалистички работи Кичево поднесе кривична пријава против Ш.Ј. (56) од с. Зајас поради постоење основи на сомнение за сторено кривично дело „загрозување на сигурноста“.

„Ш.Ј., наставник во општинско средно училиште „Дрита“ во Кичево, на 31.10.2017 година во 10.00 часот, во канцеларијата на директорот, после вербална расправија, му се заканил дека ќе го убие со пиштол, доколку не го реши неговиот проблем“, наведуваат од МВР.  

Популарно