МНР потврди: 36- годишна велешанка пронајдена мртва во Лондон

Резултатите од обдукцијата треба да кажат од што настапила смртта.

london-740x416

Се подготвуваат документите за транспорт на посмртните останки на Билјана З. од Лондон во Македонија, јавува Дума. Триесет и шест годишната девојка била пронајдена мртва во станот во кој живеела. Амбасадата на Македонија во Велика Британија посредува во постапката и му помага на овластеното лице од семејството на починатата. Штом се заврши со прибирањето на сите потребни документи и се обезбедат сите протоколи, посмртните останки ќе бидат пренесени во државава, рекоа од Министерството за надворешни работи.

Засега не се знае од што настапила смртта кај девојката. Тоа ќе треба да го покажат резултатите од обдукцијата.

- Ова е трагедија како за семејството така и за починатата девојка - велат неколкумина велешани кои го познаваат семејство и Билјана.

Девојката петнаесет години живеела во Лондон и работела како медицинска сестра. Таа често доаѓала дома, во Велес. Пред еден месец нејзиниот татко бил во Лондон кај неа. Семејството секојдневно контактирало со Билјана на телефон или интернет. Родителите откако не успеале во понеделникот да се слушнат со неа побарале помош од нејзини пријатели во Лондон кои потоа им ја соопштиле трагичната вест.

Сашо Тасевски во полициска станица!

В.д. директорот на Драмски театар-Скопје Сашо Тасевски вчера пријавил во полиција дека истиот ден во 10,30 часот, во службената канцеларија на Драмски театар-Скопје, пристигнало писмо адресирано лично до него.

Откако го отворил писмото забележал дека во истото има напишана порака со заканувачка содржина за него и други лица. Пријавителот појаснил дека вакви пораки со заканувачка содржина добивал и порано од лице на Фејбук.

Полицијата презема мерки за целосно расчистување на настанот.

Охрид: Ја уценувал со објавување на експлицитни фотографии ако не му биде девојка

Охридската полиција поднесе кривична пријава 43-годишниот Н.И. од струшкото село Велешта поради постоење основи на сомнение за сторено кривично дело „уцена".

Според полицијата, пријавениот, во неколку наврати на М.М (24) од Охрид и се заканувал дека ќе објави непристојни и фотографии и видео материјал доколу не прифати љубовна врска.

Тројца прилепчани уапсени пред трговскиот центар Сите Мол во Скопје

На 10.01.2018 година околу 21,50 часот полициски службеници од ПС Карпош во содејство со припадници на единицата “Алфа“ при контрола на патничко возило “Форд фокус“ со прилепски регистарски таблички паркирано во близина на ТЦ “Сити Мол“ откриле и заплениле одредено количество оружје и муниција. Имено при прегледот на возилото, пронајдени се: еден пиштол марка “Умарех“ 4.5мм 177; еден пиштол марка “Берета“ 4.5мм, еден пиштол марка “Екол Алп“ кал.9.мм , една фантомка црна боја; четири ножеви на расклопување; три помали ножеви скриени во футрола; еден куршум 9мм за огнено оружје-пиштол; еден куршум непознат калибар; седум куршуми за пиштол за светлосна звучна сигнализација, како и еден магацин од пиштол со 10 куршуми за светлосно звучна сигнализација и друго, стои во соопштението на МВР

Истовремено во ПС Карпош се приведени лицата А.К. (42), М.М. (31) и Ј.С. (32) сите од Прилеп, кои што биле во возилото и против нив по целосно документирање на случајот ќе бидат поднесени соодветни поднесоци.

Популарно