Што всушност значи нормална сексуална желба?

Љубов и секс

на 2.2017

Преголема или премала желба, таа е токму каква што вие ја сакате во моментот. Сексуалната желба, односно либидо варира од личност до личност. Но, како да знаеме дали сè е во ред со нашето либидо кога ќе се соочиме со некои осцилации во својот сексуален живот?

Сексуалните терапевти секако се согласуваат дека зборот „нормално“ е прилично еластичен збор кога се работи на оваа тема. Нешто што и е нормално на една личност, за друга нема да биде, па затоа на оваа тема мора да пристапите индивидуално. Всушност, промената на либидото станува проблем само ако ви пречи вас или на вашиот партнер.

Ниско либидо

Ако намалената сексуална желба ви создава проблеми и грижи, постојат причини за тоа. На пример, различните хронични болести може да ја намалат желбата за секс, но и болестите од психолошки карактер како што е депресијата или анксиозноста. Она што има големо влијание се лековите кои се користат за лекување на одредени болести. Уште еден битен факт е и самиот однос во врската. Ако имате проблеми со партнерот, голема е веројатноста дека ќе дојде до намалување на сексуалната желба.

Голема улога играат и хормоните. Кај жената малото количество на андрогени хормони значи намалена сексуална желба. Количината на тестостероните кај нив не игра значајна улога, додека пак кај мажите таа врска е многу јасна – помалку тестостерон послабо либидо.

Високо либидо

Сосема е во ред кога чувствувате невообичаено голема желба за секс, бидејќи високото либидо не претставува лоша работа. Како што е погрешно мислењето за ниско либидо поврзано со асексуалноста, така е погрешно и мислењето дека високото либидо е поврзано со хиперсексуалноста.

Најчести причини за високо либидо може да биде стресот и фрустрациите, но и некои психоактивни работи. Проблемите може да се појават кога единствен начин за опуштање и редуцирање на стресот станува сексот. Стручњаците советуваат дека тоа всушност е првиот чекор кон хиперсексуалноста.

Како да го избалансирате своето либидо?

Првиот совет кој сексуалните терапевти ви го предлагаат е мастурбацијата. Треба самите да го истражувате вашето тело, да видите што ви одговара, па на тој начин ќе бидете посамоуверени пред себе, но и пред партнерот. Ако чувствувате дека промените во сексуалните желби ви ги нарушуваат мирот во врската, учествувајте во некоја спонтана активност со партнерот која можеби ќе ви помогне најпрво да се поврзете на емоционално ниво, бидејќи емоционалната и психичката состојба влијаат на онаа физичката, па така и на интензитетот на либидото.

Закрепнувањето по „скршено срце“ трае три месеци

Љубов и секс

пред еден месец

Раскинувањата oбично завршуваат со подолготрајна тага.

Научен труд објавен во британскиот „Журнал“ за позитивна психологија открива колку време во просек им треба на луѓето да закрепнат по болен прекин на љубовна врска.

Кога „срцето е скршено“, преовладува чувството на безвредност, што поттикнува повредената или повредениот „да се држи“ дури и поцврсто за она што веќе не е достапно. Во такви случаи се јавуваат збунетост, лутина, тага, фрустрација. Уште повеќе, ако е присутна ниска самодоверба којашто нѐ тера постојано да се обвинуваме и омаловажуваме себеси, преболувањето на раскинувањето тогаш е потешко, па тоа „заздравување“ оди побавно.

Тоа ќе рече – проценувањето колку долго ќе трае таа лоша состојба по раскинувањето зависи, до одреден степен, од самодовербата.

Според наводите, на 71 отсто од 155 млади возрасни лица им биле потребни околу 11 седмици за промена кон подобро. До крајот на тие три месеци, испитаниците можеле да ги видат добрите страни на нивното раскинување. Тие, имено, почувствувале „созреаност“ и подготвеност да се насочат кон целта – позитивни промени по раскинувањето.

Разумно е да се очекува дека зацврстувањето на ниската самоувереност по раскинувањето може да трае барем неколку недели. А пак, факторите коишто влијаат на таа временска рамка зависат од самиот човек и од врската која штотуку завршила.

Три реченици кои звучат како љубов, а всушност зад нив се крие манипулација

Љубов и секс

пред еден месец

Понекогаш е тешко да се разликува грижата и љубовта од манипулацијата. Ова се фрази кои се користат за да се залажат партнерите.

Има луѓе кои имаат потреба да манипулираат со луѓето со кои се во врска или брак, поради некои психолошки проблеми што ги имаат.

Овие три реченици манипулаторите често ги користат како параван, бидејќи наликуваат на љубов.

„Ова го правам за твое добро“

Манипулаторот сака да изгледа како да се грижи за вас, а всушност сака да ве контролира за да ја постигне својата цел. Реченицата „Го правам ова за твое добро“ звучи како израз на грижа и љубов, но тоа е начин манипулаторот да ве принуди да го прифатите она што го прави велејќи дека е за ваша корист.

„Дали вака ми враќаш?

Кога манипулаторот ќе ви каже: „После се што направив за тебе, ти ми враќаш вака?“, тоа покажува дека сака да се чувствувате виновни. Не се залажувајте да мислите дека тој се грижи за вас. Тој само сака да ве натера да се согласите со она што тој го сака.

„Очекував повеќе од тебе“

Оваа реченица прави личноста кон која е насочена да се чувствува помалку вредна од манипулаторот. Тие се потпираат на моќта за да ги постигнат своите цели. И повторно сака да се чувствувате виновни што не го постигнавте она што требаше, според мислењето на манипулаторот.

Што се случува во телото на мажот кој подолго време нема секс?

Љубов и секс

пред еден месец

Има многу причини зошто треба редовно да имаме секс, но покрај задоволството, важни се и причините поврзани со здравјето.

Мажите кои редовно имаат секс се позадоволни од животот и посреќни, тоа го имаат потврдено повеќе истражувања, но дали некогаш сте се прашале што се случува со вашето тело кога ќе престанете да имате секс редовно?

Ова се најчестите последици:

Еректилна дисфункција

Мажите кои подолго време немале секс, а имаат над 50 години, најверојатно ќе се соочат со проблемот еректилна дисфункција. За да останете во сексуална форма, мора да ја одржувате.

Зголемен ризик од рак на простата

Ако не мастурбирате редовно и исто така немате секс, ги зголемувате шансите за заболување од рак на простата. Истражувањата покажале дека честото ејакулирање (4 до 7 пати неделно) го намалува ризикот од рак на простата.

Висок крвен притисок

Истражувањата покажале дека луѓето кои имаат редовен секс имаат понизок крвен притисок од оние кои имаат долги паузи меѓу сексуалните активности.

Стрес

Една жешка ноќ во кревет може да ви го подобри расположението и барем на кратко да ве ослободи од грижите и стресот. Ендорфинот што се ослободува за време на сексот го подобрува расположението, а и бројни науни истражувања покажале дека сексот има поволно дејство врз луѓето кои се под стрес.

Слаб имунитет

Доживувањето оргазми е од голема корист за вашиот имунолошки систем. Медицински истражувања покажале дека мажите кои немаат секс редовно имаат послаб имунитет и се поподложни на болести.