Осумгодишниот Мартин Ричардс го чекал својот татко на целта на Бостонскиот маратон, но загина пред да го прегрне татка си
Мартин Ричардс, осумгодишно момче е една од трите жртви на маратонот во Бостон кој беше прекинат со експлозии на две бомби. Во нападот беа повредени 144 лица, од кои 17 се во критична состојба.
Момчето го чекало својот татко пред целта на бостонскикот маратон, кога бомбите, скриени во џбуновите, експлодирале. Момчето било со семејството и чекало да го прегрне својот татко по завршувањето на трката. Но загина во експлозијата, додека неговата мајка е на операција. Сестрата на Мартин остана без нога, а состојбата на таткото за сега е непозната.
Во најголемиот терористички акт извршен по нападот на Светксиот трговски центар, се повредени 144 лица, додека 17 од нив се борат за живот. Фокс њуз објави дека има најмалку 30 повредени на кои ќе им биде извршена ампутација на некој од екстремитетите.
Меѓу повредените има и најмалку осум деца, вклучувајќи го и двегодишното момче кое има повреди на главата. 11-годишно момче е погодено од шрапнел во ногата, додека ја чекал мајка си на целта.
Очевидците опшуваат дека двете бомби го претвориле 26-от бостонски маратон во воена зона, со ужасни описи на патики кои во себе имале делови од нозе.
Лекарите од влиската болница која ги згрижувала жртвите изјавија дека се наликувало на повредени во војна. Некои од спортистите останале без нозе, иако трчањето им било нешто на што го посветиле сиот свој живот.
Атлетичарите продолжиле да трчаат кон целта каде што експлодирала бомба.
„Некои атлетичари останаа без нозе. Имаше крв насекаде. Можеа да се видат коски и делови од тела кои летаа околу нас. Беше страотно“, вели еден од сведоците кој трчал на маратонот.
Полицијата за сега нема каква било информација за тоа кој стои зад нападот, ниту дали напаѓачите се домашни или странски државјани. ФБИ го окарактеризира нападот како терористички, а специјалистите за бомби го претражувале станот што се наоѓал во непосредна близина на линијата на финишот на трката.
Испитувањата покажале дека бомбите биле мали, правени рачно, додека тестовите откриле оти не содржеле Ц4, ниту некој сличен експлозив со голема разорна сила.
Последната информација што ја објавија американските телевизии беше дека една од бомбите била ставена во експрес-лонец, кој пак бил ставен во ранец кога експлодирала.
