Тинејџер од Хрватска си ги убил родителите бидејќи не му давале пари за дрога!

Мама седна позади воланот, а јас зад неа. Пиштолот, кој го украдов од татко ми, го ставив меѓу нозе. Другар ми Иван беше на совозачкото место. Мајка ми го запали „цитроенот“ и тргнавме да си одиме од полето. Го подигнав пиштолот, ѝ го ставив на тилот и испукав. Крвта беше насекаде. Иван целиот испрскан, одма побегна, а јас останав уште малку, па со пиштолот заминав дома.

Без ронка емоција или пелтечење, Тим Шунјерг (19) од Чиста Велика, Хрватска, го даде својот исказ пред полициските инспектори, дознава хрватскиот весник „24 сата“.

Разгалениот син единец во саботата попладне во класична и целосно испланирана егзекуција ги погуби своите родители, таткото Марин (45) и мајката Силвана (45). И на двајцата им пукаше во тилот, додека не го гледаа во очи.

Злосторството, како што дознава весникот, деветнаесетгодишникот го планиал со денови. Мотивот и оправдувањето за убиствата ги пронашол во тоа што родителите во последните месеци му забранувале да се дружи со неговите пријатели бандити, длабоко навлезени во наркоманското подземје, на кое и самиот припаѓал.

Сакајќи да го спасат од канџите на лошото друштво и на дрогата, родителите му го скратиле и џепарлакот, кој го трошел неконтролирано, некогаш и по илјада куни (повеќе од 8.000 денари) дневно.

Нинвата родителска грижа не ја сфатил, ни прифатил. Се решил за ликвидација.

Откако го убил и неговиот татко во семејсниот дом, седнал во неговиот „мерцедес“ и заминал во Водице.

– Низ градот го бараше неговиот вујко Ренато Сториќ, сакаше и него да го убие. Сметаше дека тој е виновен што неговите родители дознаа дека се дрогира и го притиснаа. Ренато е полицаец и знаеше што прави Тим и со какво друштво се дружи. Нормално дека ја предупреди сестра си, која, исто како и Марин, веќе знаеше што се случува со Тин, само не беа свесни до која мера. За среќа, не го пронајде, па замина на роденден кај пријател и славеше до два наутро – велат извори за „Вчерашни лист“.

Дека Тин беше темпирана бомба, станува јасно со само еден поглед на неговиот профил на „Фејсбук“, пишува хрватскиот весник. На повеќето фотографии тој е во црно, на или покрај „мерцедесот“, со кренат среден прст, на некои и со палка за бејзбол. Тој радо позирал и со неговиот ротвајлер Зеус, единствениот „член“ на семејството кој го преживеал нападот.

Истрагата ќе покаже дали и под дејство на какви дроги бил Тин. Неговите пријатели, едниот кој бил присутен за време на убиството, и вториот, роденденецот, се исто така приведени во хрватската полиција.

Хрватската јавност со денови е вознемирена од убиството на Шунјергови. Хрватските експерти велат дека ваквиот профил на луѓе едноставно се раѓа таков, а влијанието на околината врз формирањето на карактерот не е голема, ни пресудна.

Нов земјотрес ја стресе Црна Гора

Земјотрес со јачина од 3,6 степени според Рихтеровата скала утрово ја погоди Црна Гора, соопштија од Одделението за сеизмологија на Институтот за хидрометеорологија и сеизмологија.

Според информациите, во 6 часот и 11 минути е регистриран земјотрес со епицентар на 4 километри југозападно од градот Чараѓе во општина Никшиќ, на длабочина од 14 километри.

Во четвртокот наутро овој регион во Црна Гора беше погоден од земјотрес со јачина од 5,4 степени според Рихтеровата скала, по што следеа серија помали земјотреси.

Владата на Србија ги покани набљудувачите на ОДИХР да ги следат новите избори во Белград

Владата на Србија веќе испратила писмо со покана до набљудувачката мисија која би ги следела локалните избори во Белград, а вчера е испратено барање до Канцеларијата за демократски институции и човекови права на ОБСЕ (ОДИХР) да испрати технички експерт и стручно лице кое ќе помогне во натамошното унапредување на единствениот изборен список, јави дописникот на МИА од Белград.

- Премиерката на Република Србија, Ана Брнабиќ иницираше средба со Мисијата на Организацијата за безбедност и соработка во Европа (ОБСЕ), претставници на Канцеларијата на ОБСЕ за демократски институции и човекови права и делегацијата на Европската Унија во Србија, на која презентираше што е направено од 2012 година до денес за ажурирање на избирачкиот список во Република Србија и креирање на максимално транспарентен избирачки список, соопштија од владата.

Брнабиќ ги информирала соговорниците дека Министерството за државна управа и локална самоуправа презело мерки за спроведување на препораката 13, која се однесува на целосно обезбедување на правото на сите изборни чинители на пристап и користење на јавните простории за кампања под еднакви услови.

Исто така, како што додадоа од Владата, имплементирана е препораката 23 која се однесува на обезбедување соодветен простор за избирачките места со цел да се спречи пренатрупаност, да се обезбеди тајност на гласањето и да се овозможи лесен независен пристап на гласачите со телесен инвалидитет.

Брнабиќ им се заблагодари на претставниците на ОБСЕ и на ЕУ за нивната институционална соработка, поддршка и отвореност за слушање, но и за „предлагање на некои дополнителни активности за кои сметаат дека ќе помогнат во изборниот процес во Србија и ќе придонесат за поголемо подобрување и контрола на избирачкиот список, со цел поуспешни изборни процеси во иднина, се наведува во соопштението на Владата на Србија. 

Турција тврди дека ја открила шпионската мрежа на Мосад, приведени седум лица

Во заедничка операција на турската национална разузнавачка служба (МИТ) и Одделот за антитероризам на полицијата во Истанбул, приведени се седум лица осомничени дека и дале информации на израелската разузнавачка служба Мосад, јавуваат турските медиуми.

Според извори од турските безбедносни сили, меѓу приведените е и приватниот истражител и поранешен државен службеник Хамза Турхан Ајберк, кој учествувал во утринските емисии на локалната телевизија.

Мосад воспостави контакт со Ајберк преку агент со кодно име „Викторија“.

Според турските разузнавачки служби, Ајберк давал информации на Мосад во замена за награда од криптовалути.

За да собере информации, вклучително и за активностите на поединци и компании од Блискиот Исток во Турција, тој формирал група во која имало владини претставници.

Хамза Турхан Ајберк бил обучен во Белград во 2019 година и најпрвин израелските разузнавачи му довериле едноставни задачи, велат изворите.

Во координација со Мосад, Ајберк користел шифрирани апликации за комуникација.

Освен со пренесување информации, Ајберк се занимавал и со закани и надзор.

Ајберк му ја дал на Мосад локацијата на целите со уред за следење што го ставал на нивните возила, ги малтретирал и понекогаш ги заплашувал, велат изворите.

Популарно