Тезите дека на луѓето непосредно пред смртта пред очи им поминува целиот живот доби научна поддршка. Истражувачите од Универзитетот „Хадаш“ во Ерусалим велат дека тој феномен, или барем нешто многу слично, е исклучително честа појава.

Феноменот кој се нарекува LRE (life review experience, т.е. искуство од прегледаниот живот) сепак не изгледа како во холивудските филмови и сликите што ги гледаат луѓето на смртна постела не се наредени хронолошки.

- Се работи за „бомбардирање“ на мозокот со низа искривени сеќавања, набиени емоции. Во прашање е суперконцентрат на менталните процеси што се одвиваат секој ден – наведено е во истражувањето, а пренесе Newser.

Научниците анализирале седум случаи на LRE и добиле различни сведоштва, но сите имале заедничка карактеристика – чувство на емоции од туѓа перспектива.

- Сум видел такви работи што се однесуваат на мојот татко, а тој мене ми зборуваше за своето детство и колку му било тешко – се наведува во едно сведоштво.

Научниците велат дека ќе продолжат да го истражуваат овој феномен, а сега веруваат дека се во прашање „кратки споеви” во мозокот предизвикани од сè помал довод на кислород.