Студент на возраст од 22 години во саботата се запали во Лион, поради финансиски проблеми. 

Надлежните лица од болницата велат дека се наоѓа „меѓу живот и смрт“ и дека има 90 отсто изгореници на телото. 

Пред да се запали, на Фејсбук напишал дека не може да живее со 450 евра, и дека го „убил“ францускиот претседател, Емануел Макрон, и десничарката Марин Ле Пен и Европската Унија. 

Тој ги обвини дека создале несигурност, и дека со 450 евра не може да се изнајми ниту соба во предградие на Лион. Момчето се запалило пред студентски ресторан, за да прати политичка порака.