Нашиот годинашен евровизиски претставник, Васил Гарванлиев, со песната „Ѓердан“ победи во една од категориите на интернационалниот фестивал „Ворлд фолк вижн 2020“, а тоа беше објавено на асоцијацијата „Global Culture Initiative“. Но, потоа и самиот пејач оваа убава вест ја сподели на неговите социјални мрежи.
На овој глобален фестивал учествуваа над 4.000 реномирани уметници од пет континенти, а гласањето траеше еден месец. Во одлуката за најдобрите беше вклучено 44-члено професионално жири од повеќе земји од светот. Организаторите известија дека над 26 милиони гласачи од 150 земји одлучиле за победниците во три категории: инструменти, глас и танц кои оваа година поради новонастанатата ситуација со ковид-19 се одвиваше онлајн на нивната онлајн платформа.
– Сè уште не ми верно, чест ми е што ја претставувам Македонија на ваков светски реномиран фестивал, и особено сум среќен што одлучивме токму со Ѓердан да учествувам – песната која ја посветив на нашата татковина и која ме врати назад во моето родно место. Оваа награда ја посветувам на сите тие што веруваа во мене, на мојата земја и на сите уметници кои творат и не се откажуваат од својот сон дури и во вакво време“ – изјави Гарванлиев по соопштувањето на резултатите и веста за победата.