КОНЕЧНО: Лино Червар е новиот селектор на Македоснскта репрезентација!

Спорт

на 5.2016

По два неуспешни обиди, конешно во третиотРФМ успеа да се договори со хрватскиот стратег Лино Червар за столчето на ракометниот национален тим.

Тоа што подолг период се претпоставуваше, тоа и се оствари. Червар уште од самиот старт на конкурсот беше фаворит за селекторското место на Македонија, а челните лица на федерацијата го избраа тренерот на Металург пред Швеѓанецот Роберт Хедин, Србинот Александар Брковиќ и поранешниот селектор на женската репрезентација на Македонија, Владимир Глигоров. Моментално Червар е во родната Хрватска, но се очекува во текот на оваа недела да се врати во Скопје и со прес-конференција да се официјализира неговата промоција.

Претходно, тренерот на Металург имаше два неуспешни обиди со ракометната федерација за негово промовирање на селекторското столче, па наместо него најпрво беше избран Звонко Шундовски, а потоа и Ивица Обрван.

Митревски блескаше на голот во португалското дерби

Спорт

пред 3 дена

Македонскиот голман повторно блескаше во дресот на Порто кој триумфираше на гостински терен во дербито на португалското ракометно првенство против Спортинг со 37:35.

Нашиот чувар на мрежата придонесе во победата со девет одбрани.

На табелата Спортинг има 40 бодови, пред Порто со 38, следуваат Бенфика (34) и Брага (28).

Македонија има нов светски шампион

Спорт

пред 5 дена

Македонија има нов светски шампион! Бобан Илиоски го победи Берк Дузенли во првата професионална битка за појас во „ВАКО Про АФН 9“ и по аматерските трофеи, се закити со признание и во професионалните води. Илиоски во борбата во дисциплината К1 успеа да ја исполни зацртаната цел и стана професионален кик-бокс шампион.

Илиоски во пет рунди беше подобар од турскиот ривал на големиот светски настап кој се одржа во СЦ „Јане Сандански“. Македонецот имаше проблеми против Дузенли кој беше расположен во првите неколку рунди, меѓутоа потоа успеа да воспостави контрола. Илиоски добро се бранеше, го одби противничкиот налет и со удари од дистанца собра доволно бодови.

Откако немаше нокаут во петте рунди, одлуката остана на судиите, а спикерот го прогласи Илиоски за победник на одушевување на присутните во салата. За македонскиот кик-боксер ова е најголем успех во досегашната кариера, откако претходно стана светски и европски првак во ВАКО аматерските натпреварувања.

Пред одлично пополнети трибини во скопската сала Македонија доби нов првак на професионално ниво. Во поддршка на својот другар Бобан Илиоски дојдоа и навивачите на Вардар, верните „Комити“ во солидна бројка.

Лазаров доби нов помошник во репрезентацијата

Спорт

пред 6 дена

Поранешниот репрезентативец Стојанче Стоилов ќе биде дел од стручниот штаб на машката репрезентација на Македонија.

Тој и претходно беше дел во неколку наврати од подготовките на националниот тим откако ја заврши репрезентативната кариера, но сега ќе биде во улога на асистент.

Ова е четврти екс репрезентативец кој влегува во стручниот штаб на селекторот Кире Лазаров по Бранко Ангеловски, Ацо Јоновски и Филип Миркуловски.

Машката репрезентација ја очекува двомеч со Фарски Острови за пласман на СП 2025 година во Хрватска, Данска и Норвешка.

Првиот натпревар се игра во Торшавн на 8 мај од 20:00 часот, додека реваншот е во Скопје на 12 мај од 19:00 часот