ОФИЦИЈАЛНО: Ван Гал доби отказ од Манчестер Јунајтед

Спорт

на 5.2016

Заврши сагата на играчите и навивачите на Манчестер Јуанјтед. Холанѓанецот кој уништи повеќе отколку што создаде на Олд Трафорд оди во пензија.

olanda-lui-van-gaal-nu-se-da-la-o-parte-batavii-au-ca-obiectiv-clar-sa-bata-ungaria-si

Луј ван Гал повеќе не е менаџер на Манчестер јунајтед откако раководството на клубот и официјално му врачи отказ на холандскиот стратег помалку од 48 часа по освојувањето на трофејот во ФА Купот на Англија. Најавите дека одлуката за смена на Ван Гал е веќе донесена се реализираа утрово, откако искусниот стручњак со својот адвокат пристигна во тренинг-комплексот Карингтон.

На средбата со извршниот директор Ед Вудворд присуствувал речиси целокупниот стручен штаб на Ван Гал, па заедно со екс-селекторот на Холандија од „Олд трафорд“ си заминуваат и Алберт Стуивенберг и Франс Хоек, кои исто така добија отказ од функциите. Останува да се разреши единствено уште иднината на Рајан Гигс, кој ќе има директна средба со Жозе Мурињо пред да донесе одлука дали да му стане асистент на Португалецот или среќата да си ја побара нов клуб.

Весникот „Дејли мејл“ најавува дека Жозе Мурињо утре ќе ги финализира деталите и ќе го потпише договорот со Манчестер јунајтед, носејќи ги со себе на „Олд трафорд“ својот долгогодишен соработник Руи Фарија и тренерот на голмани, Силвино Лоуро.

Митревски блескаше на голот во португалското дерби

Спорт

пред 3 дена

Македонскиот голман повторно блескаше во дресот на Порто кој триумфираше на гостински терен во дербито на португалското ракометно првенство против Спортинг со 37:35.

Нашиот чувар на мрежата придонесе во победата со девет одбрани.

На табелата Спортинг има 40 бодови, пред Порто со 38, следуваат Бенфика (34) и Брага (28).

Македонија има нов светски шампион

Спорт

пред 5 дена

Македонија има нов светски шампион! Бобан Илиоски го победи Берк Дузенли во првата професионална битка за појас во „ВАКО Про АФН 9“ и по аматерските трофеи, се закити со признание и во професионалните води. Илиоски во борбата во дисциплината К1 успеа да ја исполни зацртаната цел и стана професионален кик-бокс шампион. 

Илиоски во пет рунди беше подобар од турскиот ривал на големиот светски настап кој се одржа во СЦ „Јане Сандански“. Македонецот имаше проблеми против Дузенли кој беше расположен во првите неколку рунди, меѓутоа потоа успеа да воспостави контрола. Илиоски добро се бранеше, го одби противничкиот налет и со удари од дистанца собра доволно бодови. 

Откако немаше нокаут во петте рунди, одлуката остана на судиите, а спикерот го прогласи Илиоски за победник на одушевување на присутните во салата. За македонскиот кик-боксер ова е најголем успех во досегашната кариера, откако претходно стана светски и европски првак во ВАКО аматерските натпреварувања. 

Пред одлично пополнети трибини во скопската сала Македонија доби нов првак на професионално ниво. Во поддршка на својот другар Бобан Илиоски дојдоа и навивачите на Вардар, верните „Комити“ во солидна бројка. 

Лазаров доби нов помошник во репрезентацијата

Спорт

пред 6 дена

Поранешниот репрезентативец Стојанче Стоилов ќе биде дел од стручниот штаб на машката репрезентација на Македонија.

Тој и претходно беше дел во неколку наврати од подготовките на националниот тим откако ја заврши репрезентативната кариера, но сега ќе биде во улога на асистент.

Ова е четврти екс репрезентативец кој влегува во стручниот штаб на селекторот Кире Лазаров по Бранко Ангеловски, Ацо Јоновски и Филип Миркуловски.

Машката репрезентација ја очекува двомеч со Фарски Острови за пласман на СП 2025 година во Хрватска, Данска и Норвешка.

Првиот натпревар се игра во Торшавн на 8 мај од 20:00 часот, додека реваншот е во Скопје на 12 мај од 19:00 часот

Популарно