Едвај изговори „тато“ и почна да се задушува. Се тетеравеше и ја држеше раката на врат, а меѓу прстите му прскаше крв. Стигна до мене и падна. Се наведнав над него и се обидов да го запрам крварењето. Го повикував, но тој само длабоко издиша, а главата му падна. Залелекав од болка и се обидував да го гушнам, но некои луѓе ме кренаа од земја, раскажува низ солзи Бора Усеиновиќ, татко на убиениот Сејдин (50), се уште шокиран од убиството на синот.
Него завчера околу 2.30 часот во борската коцкарница „Колосеум“ со кујнски нож го закла Игор Алексиќ (35) од Бор, викан Гига. Покрај Сејдин, Игор тешко го рани и братот на Сејдин Шемсо Јовановиќ (43) и неговиот пријател Насер Шаќировиќ (33).
Убиениот Сејдин
Ги навредувал гостите
Главниот актер на крвавата драма Игор Алексиќ дошол во кладилницата околу 2.30 часот утрото. Бил видно пијан и од вратата почнал да ги предизвикува присутните гости.
-Кој ќе ми застане на црта? Кој ќе се пресмета со мене? Ајде да видам кој смее, извикувал пијаниот Алексиќ, навредувајќи ги гостите.
-Не е убаво така да се однесуваш и да навредуваш луѓе без причина. Смири се и убаво седни или, те молам излези надвор, рекол Сејдин, според очевидците.
Но Алексиќ, опомената на Усеиновиќ ја сфатил како навреда, па почнал пожестоко да го навредува него и останатите со пцовки. На тоа гостите од локалот станале и го исфрлиле надвор.
Како што подоцна се дознало, Алексиќ отрчал до својата куќа, зел кујнски нож па се вратил во кладилницата. Кога повторно влегол се однесувал како Рамбо, вртејќи го големиот нож.
Сејдин повторно се обидел да го смири, обидувајќи се да го изнесе од кладилницата, но Алексиќ го оттурнал така што паднал преку покер-апаратите. Тој момент настанал хаос.
Лелекање
Според кажувањата на присутните, Алексиќ со нож го исекол струјниот кабел и предизвикал краток спој, па снемало струја во целиот локал, а тој го започнал крвавиот пир. При ака најблиску му бил Усеиновиќ, паднат преку апаратите. Алексиќ му го забил ножот под грло и го повлекол кон вратот. Буквално го заклал. Крв почнала да блика кон присутните. Шемсо и Насер се обиделе да го оттурнат Алексиќ и да го спасат Сејдин, но убиецот ги избодел и нив двајцата. Во мракот се слушале врисоци, лелеци и пцовки. Луѓето во стампедо бегале еден преку друг кон вратата осветлена од улицата.
Користејќи ја општата паника, Алексиќ побегнал од кладилницата дома. На местото на инцидентот стигнала Брзата помош. Се обиделе да го реанимираат закланиот Сејдин, а Шемсо и Насер ги довезле во борската болница.
Убиецот мирно се предал
Полициската патрола го пронајде Алексиќ во неговата куќа.
-Го затекнавме во соба со крвавиот нож во раце. Се посомневавме дека ќе не нападне и нас. Се чинеше дека се двоуми. Се тресеше и нешто мрмореше. Потоа го фрли ножот и ги крена рацете, вели соговорник од истрагата.
Шемсо Јовановиќ лелекал за братот
По Сејдин, од коцкарницата држејќи се со крвавите раце за грбот излегол неговиот помлад брат Шемсо. Од раната под пазувите му течело крв, но кога го видел постариот брат во локва крв, притрчал да му помогне. Го подигнал од земја, го гушкал и го довикувал, но залудно. Сејдин не давал знаци на живот. Слушнал од лекарите дека му нема помош, исечена му била каротидата.
-Сејдин е донесен мртов во болница. Неговиот брат Шемсо е избоден неколку пати од левата страна на градите, а Насер Шаќировиќ е избоден во грбот. Моментално се надвор од животна опасност, но се под лекарска грижа во борската болница.
