Најмалку десет луѓе загинаа, а 21 се ранети во вооружениот напад извршен вчера доцна попладне во трговскиот центар „Олимпија“ во Минхен, јави ДПА.

Портпаролот на полицијата во Минхен, Петер Бек соопшти дека најмалку 10 луѓе биле хоспитализирани по нападот.

Но, како што јави дописникот на МИА од Берлин, наспроти тврдењето на полицијата, баварскиот јавен радиотелевизиски сервис „Бајерише Рундфунк“ објави дека во нападот се повредени 20 луѓе. Засега нема потврда за оваа бројка од страна на полицијата,

Претставник на полицијата претходно соопшти дека во нападот биле убиени осум лица, по што припадници на безбедносните сили доцна синоќа во трговскиот центар пронашле уште едно тело, кои има прострелни рани што упатуваат на самоубиство.

Според истиот извор, во тек е проверка со цел да се утврди дали можеби телото му припаѓа на учесник во нападот. Германскиот весник „Билд“ претходно објави дека еден напаѓач се самоубил пукајќи си во главата, но полицијата не ја потвди ваквата информација.

Во близина на телото полицијата нашла црвен ранец, кој наликува на оној што, според очевидци, го носел напаѓачот кој почнал да пука пред ресторанот „Мекдоналдс“.

Како што јави германското радио „Бајерише Рундфук“, портапролот на минхенската полиција Маркус да Глорија Мартинс соопшти дека припадници на специјалните полициски единици со помош на робот ја проверува содржината на ранецот.

Мартинс соопшти и дека полицијата пронашла уште едно тело крај река Изар и проверува дали тоа има врска со нападот во бликсиот трговски центар.

Очевидецот Луан Зекири за телевизијата Н-ТВ изјави дека додека бил во близина на ресторанот „Мекдоналдс“, каде што започна нападот во Минхен, слушнал како напаѓачот извикува навредливи зборови за странците во земјата и дека „врескал на цел глас“.

Зекири видел само еден напаѓач, кој што чизми и ранец. - Погледнав во неговиот правец и тој пукаше во скалите зад кој се криев, изјави Зекири, кој се скрил во една блиска продавница, а потоа избегал кога напаѓачот се тргнал од местото на нападот. При напуштање на локацијата Зекири видел мртви тела и ранети граѓани како лежат на земјата во близина на инцидентот.

Германските медиуми пренесуваат и изјави на друг очевидец, кој за телевизијата Си-Ен-Ен тврди дека еден напаѓач извикал „Алах е голем“, по што почнал да пука во група деца. Очевидецот тврди дека тој јасно ги слушал извиците на напаѓачот, затоа што и самиот е муслиман.

Полицијата првично соопшти дека трага по тројца вооружени лица за кои се претпоставува дека го извршиле нападот во трговскиот центар „Олимпија“, меѓутоа Дојче веле, повикувајќи се на полициски извори јави дека се претпоставува оти во нападот учествувале „најмногу три лица“, но дека не е исклучено да станува збор само за еден напаѓач.

Шефот на кабинетот на германската канцеларка Ангела Меркел, Петер Алтмајер вечерва нагалси дека засега не може да потврди дека нападот во Минхен е „акт на тероризам“. - Се што во моментов може да се каже пред јавноста е дека се работи за суров и нечовечки напад, изјави Алтмаjер.

Претходно и полицијата соопшти да не може да го оквалификува нападот како „дело на исламски терористи“, а некои германски медиуми јавија дека не е исклучено зад него да стојат домашни екстремни десничари.

Во Минхен е прогласена „специјална состојба“ заради нападот, а целата област околу трговскиот центар е блокирана. Сообраќајот во градот е целосно запрен - не сообраќаат метрото, трамваите, ниту автобусите, а евакуирана е и централната железничка станица во Минехен.

Телевизијата НТВ јави дека на барање на властите на Минхен во градот е активирана антитерористичката мрежа ГСГ 9, процедура која опфаќа активности за спречување на терористички акти и за изведување на антитерористички операции. Мрежата е воспоставена по нападот на палестински терористи врз израелските спротисти за време на Олимписките игри во Минхен во 1972 година.

Полицијата апелираше до граѓаните да останат во своите домови и ги избегнуваат јавните места.

Претставник на полицијата исто така ги повика граѓаните на социјалните мрежи да не објвуваат фотографии и видеа од полициската акција и движењето на полицајците, како ни шпекулации во врска со случувањата во Минхен. - Тоа ќе ни ја олесни работата, порача полицијата.

Минхенската полиција побара од граѓаните кои снимале видеа од нападот да ги достават до полицијата преку специјален линк на интернет https://medienupload-portal01.polizei.bayern.de.

Полицијата отвори и специјален број на кој граѓаните ќе можат да добијат информации за исчезнати лица, кои во време на нападот биле во реонот околу трговскиот центар.

Нападот почна во 17:52 минути во ресторан за брза храна во трговскиот центар „Олимпија“, кој се наоѓа во северниот дел на Минхен.

Како што јави Би-Би-Си, германскиот Федерален совет за безбедност за денеска закажа вонредна седница на која ќе се расправа за нападот во Минхен. На заседнието на Советот ќе присуствуваат германскиот канцелар Ангела Меркел, вице-канцеларот Зигмар Габриле и министрите за одбрана Урсула фон дер Лајен, за надворешни и внатрешни работи, Франк-Валтер Штајнмајер и Томас де Мезиер, за финансии Волфганг Шојбле, за правда Хајко Маас и за развој Герд Милер.

Штајнмајер во писмената изјава нагласи дека со ужас ги следи вестите што доаѓаат од Минхен. - Иако се уште ги немаме сите инфорамции за поздината на овој страшен акт, јасно е дека ќе тагуваме по загинатите и многуте повредени. Нашите мисли се со семејствата и блиските на жртвите, порача доцна синоќа германскиот шеф на дипломатијата Франк Валтер .

Според Штајнмајер, безбедносните сили во Минхен ноќва прават се што е во нивна моќ за да ги спасат животите на луѓето во опасност и да превенираат понатамошна опасност.

- Германија вечерва од целиот свет доби изрази на сочувство и поддршка, вели Штајнмаер, според кого, добро е во вакти тешки времиња да се знае дека европските и другите меѓународни пријатели на земјата се на иста страна.

Очевидецот Луан Зекири за телевизијата Н-ТВ изјави дека додека бил во близина на ресторанот „Мекдоналдс“, каде што започна нападот тгровскиот центра во Минхен, слушнал како напаѓачот извикува навредливи зборови за странците во земјата и дека „врескал на цел глас“.

Зекири видел само еден напаѓач, кој што чизми и ранец.

- Погледнав во неговиот правец и тој пукаше во скалите зад кој се криев, изјави Зекири, кој се скрил во една блиска продавница, а потоа избегал кога напаѓачот се тргнал од местото на нападот.

Како што јави дописникот на МИА од Берлин, при напуштање на локацијата Зекири видел мртви тела и ранети граѓани како лежат на земјата во близина на инцидентот.

Германските медиуми пренесуваат и изјави на друг очевидец кој за телевизијата Си-Ен- Ен тврди дека еден напаѓач извикал „Алах е голем“, по што почнал да пука во група деца.

Очевидецот тврди дека тој јасно ги слушал извиците на напаѓачот, затоа што и самиот е муслиман.