Семејството Видаковиќ во стравичната несреќа кај Вишеград изгубиле една ќерка, додека другата е тешко повредена. Семејството со автомобилот паднале во кањонот на реката Ржав во Добрун кај Вишеград, по што Стоја Видаковиќ (34) починала вчера во болница, додека нејзиниот татко Ѓорѓе, мајката Станица и сестрата Ивана (32) се повредeни.

Се уште не се разјаснети околностите под кои во саботата околу 21 часот автомобил форд фокус со кој управувал Ѓорѓе Видаковиќ паднал во река. Познато е дека семејството тргнало на пат на погреб на братот на Ѓорѓе Видаковиќ.

- Во саботата попладне им е јавено дека братот на Ѓорѓе починал. Се спремија набрзина и тргнаа кај фамилијата во Република Српска преку Добрун. Во шок сум, сознанијата за несреќата се многу мали. Единствено ми поминува низ глава дека на Ѓорѓе му се слошило зад воланот, после смртта на братот - раскажува пријател на Стоја.

Од полицијата потврдиле дека Стоја починала од повредите во сообраќајната несреќа.

- Девојката почина вчера околу 3.30 во Универзитетската болница, каде се наоѓа и нејзината мајка која е во стабилна сосојба - кажал портпаролот на полицијата.

Според нејзините зборови, ќерката Ивана поради тешките повреди на рбетот е пренесена од ужичката болница во Белград на лекување, додека Ѓорѓе е задржан во болница во Ужице и е во стабилна здравствена состојба.

Телото на Стоја како што тврдат пријатели на семејството Видаковиќ од Ужице е пренесено во Сараево на обдукција.

Инаку пријателите на ова семејство за него имаат само добри зборови. Стоја Видаковиќ завршила туризам во Нови Сад. Долго работела во хотел во Златибор, а минатата година се вработила во осигурителна компанија во Ужице.