Пресврт: Хирургот не пукал во актерката?

Црна хроника

на 9.2017

Трагите со барут ќе откријат што навистина се случилo помеѓу угледниот хирург од ВМА Срѓан Цветановиќ (59) и актерката Ивана Панзаловиќ (30) во станот на улицата Коста Рацин на Дедиње.

Утврдено е дека и двајцата во моментот на крвавата пресметка, 7. септември околу 4.30, имале алкохол во крвта.

Актерката е единствен жив сведок на оваа драма. Нејзиниот исказ е од големо значење за утврдување на вистината, но целата слика ќе биде потполно јасна кога ќе се заврши вештачењето. За расплет на драмата потребна е скица од лице место, полициски записник од увидот, фото-документација, обдукционен налог за повредите на покојниот доктор, извештај од лекар за ранетата актерка, балистички наод и изјава на актерката - наведува извор од истрагата.

Балистичкото вештачење треба да покаже кој пукал и од кое растојание.

Најважна е парафинската ракафица, бидејќи таа открива кој пукал. Ако хирургот пукал, на неговите раце морале да останат честички од барут. Се проверува дали актерката имала траги од барутни честички на рацете, без разлика на нејзиното тврдење дека лекарот у пукал во главата, а веднаш потоа извршил самоубиство.

Врската помеѓу актерката полна со емоции, трагично завршила во станот на Дедиње во кој заедно живееле околу шест месеци.

Според првите сознанија од истрагата, Ивана на полицијата кажала дека Срѓан пукал кон нејзе по расправија, а потоа извршил самоубиство.

Пред зградата во која се одиграла драмата можело да се забележат скршен вентилатор, лустер и чаши кои љубовниците ги фрлале низ прозор, додека крв имало насекаде.

Киднапиран, избоден и претепан скопјанец – Еден од напаѓачите негов колега

Црна хроника

пред 19 часа

Јавен обвинител од Основното јавно обвинителство Скопје донесе Наредба за спроведување истражна постапка против две лица кои како соизвршители се осомничени за кривични дела – Разбојништво од член 237 став 1 и Противправно лишување од слобода согласно член 140 став 5 од Кривичниот законик.

Двајцата се осомничени дека на 23 април противправно лишиле од слобода едно лице, така што го повикале да излезе со изговор дека им е потребна помош, а потоа присилно го внеле во автомобил и се упатиле кон мостот на улицата “Беласица”.

Со возилото управувало трето лице – полициски службеник против кого постапката е издвоена и ќе ја води Одделението за гонење кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција.

Додека полицискиот службеник возел, двајцата други осомничени му се заканувале на оштетениот и му нанеле убодни рани со нож во ногата и во рамото. Кога стигнале под мостот, насилно го извадиле од автомобилот и сите тројца физички го нападнале со удари со клоци и тупаници по целото тело, нанесувајќи му тешки повреди.

Му одзеле околу 8.000 денари колку што имал оштетениот со себе во моментот, а потоа го пуштиле да си оди со закана дека доколку до 1 мај не им исплати 10.000 евра ќе го убијат и него и неговиот татко.

Основното јавно обвинителство Скопје до Основниот кривичен суд Скопје достави предлог за определување мерка притвор за двајцата осомничени против кои постапува. Едниот од нив е во бегство и притворската мерка ќе започне да се применува од неговото пронаоѓање и лишување од слобода.

78-годишен тетовчанец тешко повреден во сообраќајка

Црна хроника

пред 3 дена

Вчера во 11.00 часот во СВР Тетово било пријавено дека на регионален пат Тетово - с.Јажинце, на влез за тетовско Теарце, се случила сообраќајна несреќа помеѓу патничко моторно возило „фолксваген голф“, управувано од Ш.Џ.(74) од тетовско Шемшово и патничко возило „фолксваген голф“, управувано од А.Р.(78) од тетовско Пршовце, двете со тетовски регистарски ознаки.