(ВИДЕО) ДЕТАЛИ ЗА ИСТРАГАТА: Убиството на Оливер Ивановиќ е снимено со камери

Балкан

на 1.2018

На седиштето на Граѓанска иницијатива „Србија, демократија, правда”, пред која вчера беше убиен Оливер Ивановиќ, имало поставено две камери за видео надзор, кои најверојатно го снимиле нападот. Косовската полиција ги превзела видеоснимки од безбедносните камери.

Недалеку местото на убиството, поточно нешто повеќе од еден километар одалеченост, полицијата пронајде запалено возило марка „Опел Астра”, со кое убиецот, најверојатно побегнал.

– Сите мерки се преземени, полицијата е на терен и го бара сторителот. Имаме одредени индиции да испратиме експертски извештај – рече регионалниот командант на косовската полиција, Жељко Бојиќ.

Полицијата сè уште ги определува мотивите за кои Ивановиќ беше ликвидиран. Она што е познато е дека кон него со огнено оружје е пукано пет пати.

– Имаше пет големи рани во градите, во горниот дел. Полицијата пронајде четири чаури, убиен е со „долга деветка“, вели извор од истрагата пишува српскиот весник „Правда“.

Главниот косовски обвинител, Шикри Сила, изјави дека двајца обвинители го испитувале убиството на Оливер Ивановиќ – Србин и Албанец, објави Танјуг.

– Убиството на Оливер Ивановиќ го испитува тим од двајца наши обвинители – Нијази Реџа и Јова Радовиќ, изјави Сила, додавајжи дека сè уште нема осомничени за убиството на Ивановиќ.

Српското обвинителство поднесе барање до Министерството за внатрешни работи на Република Србија и Агенцијата за безбедност и информации да ги соберат потребните докази за извршено кривично дело тероризам, се вели во соопштението.

Ивановиќ го пронашла жена и веднаш повикала брза помош, а и неговите колеги од партијата кои биле во просториите на седиштето дошле на помош. Ивановиќ за кратко време им подлегна на повредите.

Телото на Ивановиќ ќе биде пренесено во Србија, а ќе биде погребано утре на Новите гробишта во Белград.

По седницата на Советот за национална безбедност, претседателот на Србија Александар Вучиќ истакна дека е договорено да се испрати писмо до органите на Еулекс и Унмика со барање, државните органи на Србија да учествуваат во истрагата.

Лидерот на Граѓанска иницијатива „Србија, демократија, правда” Оливер Ивановиќ беше убиен во Косовска Митровица вчера околу 8.15 часот.

Во Ивановиќ најпрво е пукано од далечина, а потоа напаѓачот му пришол и испукал уште еден куршум од блиску.

Англичаните воодушевени од стадионот во Белград: „Ова ќе биде едно од најдобрите места за играње фудбал“

Балкан

пред еден ден

Србите пред неколку дена и официјално започнаа со изградбата на новиот фудбалски стадион кој се наоѓа во околината на Белград. Сите беа воодушевени од проектот и како ќе изгледа стадионот кога ќе биде готов, а воодушевени се и англичаните кои имаат само пофални зборови.

„Србија го претстави проектот за новиот стадион. Фасцинантно изгледа ова технолошко ремек дело кое ќе биде опкружено со дрвја и зеленило. Србија планира величествен стадион и се насочува кон еколошки пристап и дизајн. Претседателот Александар Вучиќ рече дека ова ќе биде едно од трите најубави места во светот на кои ќе се игра фудбал.“ – се вели во текстот на британскиот „Дејли мејл“.

Изградбата на стадионот ќе чини 257 милиони евра, а ќе има капацитет од 52.000 гледачи. Планирано е изградбата да заврши до крајот на 2026-тата година, а Белград и новиот стадион ќе бидат домаќини на финалето од Лигата на Европа во 2028-мата година.

(Видео) Белград: Годишнина од масовното убиство во „Рибникар“

Балкан

пред 3 дена

На денешен ден пред една година настана трагедијата во училиштето „Владислав Рибникар“ во Белград, кога Коста Кецмановиќ вооружен со пиштолот на татко му уби девет ученици и чуварот на училиштето, а рани уште неколку.

На местото на трагедијата пристигнуваат се повеќе луѓе за да им оддадат почит на жртвите. Први пристигнале членовите на семејствата на убиените деца, а глетката пред училишната зграда никого не остава рамнодушен, објавија српските медиуми.

На посебно плато пред училиштето, каде се поставени фотографиите и имињата на убиените деца и чуварот, се оставаат цвеќиња и се палат свеќи.

И претседателот на Србија, Александар Вучиќ, утрово положи цвеќе во ОУ „Владислав Рибникар“.

„Помина една година од невидената трагедија која остави неизбришлива лузна на душата на целата земја, но болката, неверувањето и неизмерната тага не поминаа“, рече Вучиќ.

На 3 мај минатата година Коста дошол вооружен во училиштето и од влезната врата го започнал својот крвав поход, во кој животот го загубија девет деца и чуварот.

Откако го извршил масакрот повикал полиција и пријавил што направил.

Веднаш по трагедијата се одржа вонредна конференција на српското Министерство за внатрешни работи, на која беа соопштени деталите за она што се случи во училиштето „Владислав Рибникар“.

„Повикот дојде во 8 часот и 42 минути наутро, две минути по пријавувањето на случајот во полиција од страна на заменик директорот на ова училиште“, изјави началникот на белградската полиција Веселин Милиќ.

На таа конференција Милиќ изјави и дека К.К. еден месец го планирал злосторството. Тој го покажа и списокот што полицијата го пронашла во станот на момчето убиец, на кој биле испишани имињата на учениците кои планирал да ги убие.

Дополнително, како што тогаш беше кажано од највисоките функционери на српската полиција, К.К. имал и прецизен план на училиштето, со означен влез и излез.

Поради делото, Коста е во болница, а против татко му и мајка му, Владимир и Миљана Кецмановиќ во меѓувреме е покренато обвинение, со оглед на тоа што момчето-убиец во моментот на делото имало 13 години и затоа не е кривично одговорен.

Вишото јавно обвинителство во Белград соопшти дека обвинетиот Владимир Кецмановиќ во периодот пред трагедијата го научил својот син да пука во цели во форма на концентрични кругови и силуети на луѓе, да стои и да дише кога користи огнено оружје.

Против семејството Кецмановиќ се водат три граѓански постапки, а поднесени се вкупно пет тужби, меѓу кои и една кривична.


Пожар на грчкиот остров Крит во близина на поморската база Суда, превентивно евакуирани населба, болница и училиште

Балкан

пред една недела

Населба, болница и училиште, рано утрово беа превентивно евакуирани поради шумскиот пожар што утрово избувна во близина на поморската база Суда на грчкиот остров Крит, јави дописничката на МИА од Атина.

Во пожарот интервенираат 79 пожарникари со пет пешадиски тима, 22 возила и еден хеликоптер, помагаат припадници на воената морнарица, волонтери и цистерни од општините, а ситуацијата е подобрена и според локалните медиуми не постои активно жариште.

Утрово, преку порака од европскиот број за итни случаи 112 до жителите на областа околу воената база беше побарано превентивно да се евакуираат.

Според локалните медиуми, пациентите од болницата што е во близина биле префрлени во болницата во Ханиа.

Популарно