Македонија -Чиле 32:30

Спорт

на 1.2019

Нашите ракометари денеска во Ланксес Арената во Келн со резултат 32:30 за 15. место успеаја да го совладаат Чиле.

На 15. позиција бевме и на претходниот Мундијал 2017 во Франција, ова е нашиот втор најслаб пласман на светските шампиони после оној во 1999 во Египет кога бевме на 18. место.

Репрезентативецот на Македонија, Кирил Лазаров:

„Ваквите мечеви се секогаш најтешки за нас поискусните, против една селекција како што е Чиле, без потценување. Добро е што завршивме победнички, без разлика што се случуваше во текот на Мундијалот. Еве добија шанса и помладите, да видат како е кога мора да се победи. Треба сега да се проанализира сето направено, да се донесе заклучок, грешките каде треба да се поправат".

Според нашиот капитен во групата против европските репрезентации во одреден дек бевме во егал со шанси за триумф.

„Не можам да кажам дека не сум разачаран, ако се фатиме сериозно за работа, ќе има резултат во иднина. Лежи голем потенцијал, вредно да работиме со цел рамо до рамо да бидеме и играме против најдобрите".

Митревски блескаше на голот во португалското дерби

Спорт

пред 6 дена

Македонскиот голман повторно блескаше во дресот на Порто кој триумфираше на гостински терен во дербито на португалското ракометно првенство против Спортинг со 37:35.

Нашиот чувар на мрежата придонесе во победата со девет одбрани.

На табелата Спортинг има 40 бодови, пред Порто со 38, следуваат Бенфика (34) и Брага (28).

Македонија има нов светски шампион

Спорт

пред една недела

Македонија има нов светски шампион! Бобан Илиоски го победи Берк Дузенли во првата професионална битка за појас во „ВАКО Про АФН 9“ и по аматерските трофеи, се закити со признание и во професионалните води. Илиоски во борбата во дисциплината К1 успеа да ја исполни зацртаната цел и стана професионален кик-бокс шампион.

Илиоски во пет рунди беше подобар од турскиот ривал на големиот светски настап кој се одржа во СЦ „Јане Сандански“. Македонецот имаше проблеми против Дузенли кој беше расположен во првите неколку рунди, меѓутоа потоа успеа да воспостави контрола. Илиоски добро се бранеше, го одби противничкиот налет и со удари од дистанца собра доволно бодови.

Откако немаше нокаут во петте рунди, одлуката остана на судиите, а спикерот го прогласи Илиоски за победник на одушевување на присутните во салата. За македонскиот кик-боксер ова е најголем успех во досегашната кариера, откако претходно стана светски и европски првак во ВАКО аматерските натпреварувања.

Пред одлично пополнети трибини во скопската сала Македонија доби нов првак на професионално ниво. Во поддршка на својот другар Бобан Илиоски дојдоа и навивачите на Вардар, верните „Комити“ во солидна бројка.

Лазаров доби нов помошник во репрезентацијата

Спорт

пред една недела

Поранешниот репрезентативец Стојанче Стоилов ќе биде дел од стручниот штаб на машката репрезентација на Македонија.

Тој и претходно беше дел во неколку наврати од подготовките на националниот тим откако ја заврши репрезентативната кариера, но сега ќе биде во улога на асистент.

Ова е четврти екс репрезентативец кој влегува во стручниот штаб на селекторот Кире Лазаров по Бранко Ангеловски, Ацо Јоновски и Филип Миркуловски.

Машката репрезентација ја очекува двомеч со Фарски Острови за пласман на СП 2025 година во Хрватска, Данска и Норвешка.

Првиот натпревар се игра во Торшавн на 8 мај од 20:00 часот, додека реваншот е во Скопје на 12 мај од 19:00 часот