ФОТО: Целиот град е сместен под земја

Во средината на Јужноавстралиската пустина, каде температурата достигнува и до 51 степени целзиусови, се наоѓа гратчето Кубер Педи, каде жителите за да ги избегнат неподносливите горештини, живеат подземја.

Гратчето е познато по најголемиот рудник за опал кој тука се ископувал. Кубер Педи е основан во раните години на 20 век и е познат како главен град на опалот во светот.

Oџаците на куќите излегуваат од песокот во пустината, а наоколу има знаци со предупредување дека постојат отворени дупки.

Според извештај од 2016 година, од ова австралиско гратче доаѓа дури 70% од светските резерви на опал.

Покрај екстремно високите температури во текот на денот, ноќите пак се екстремно ладни. Поради тоа живеењето под земја било единствен начин за да се опстане тука. Идејата за таков начин на живот дошла од австралиските војници кои се враќале од Западниот фронт после Првата светска војна.

Интересно е тоа што во ова гратче има изградено српска православна црква, која исто така се наоѓа под земја.

Во денешно време гратчето е топ туристичка дестинација, па луѓе од целиот свет доаѓаат да го посетат. Во Кубер Педи има подземни хотели и други сместувалишта.

Исто така, ова гратче е примамливо и за филмската индустрија, па така тука е сниман легендарниот дел на филмот “Лудиот Макс” каде главната улога ја толкува Мел Гибсон.

Погледнете колку пари чини одмор во Албанија

Убавите песочни плажи во Валона, Албанија кои се преполни со туристи од целиот Балкан, а особено од Македонија нудат одлични услови на море и цени какви што посакувате.

Во Валона има убаво уредени плажи, ресторани кои нудат вкусна и свежа морска храна, неверојатни специјалитети од италијанската кујна.

Плажите особено се препознатливи по чистотата на морето.

Инаку Валона е гратче со стотина илјади жители, а до неа може да се стигне за околу 180-тина километри од граничниот премин Ќафасан. Патиштата постојано се обновуваат, а добар дел од делниците се автопатски.

Покрај тоа што може да се релаксирате на убавите песочни плажи, цените во угостителските објекти се одлични. Едно кафе чини околу 60 леки, односно 30-ина денари, колку што чини и обична или минерална вода.

Тука е некаде цената на освежителните безалкохолни пијалаци, додека пак пивото изнесува 50-ина до 60 денари, пренесе Центар.мк.

Појадок во хотел може да ве чини до 200 денари.

Една голема пица чини околу 240 денари, што е и повеќе од доволна за еден возрасен човек, додека пак сместувањето чини 35 до 40 евра за пристоен апартман во зависност од погледот кон морето.

Во еден апартман може да се сместат и повеќе од 4 лица, бидејќи добар дел од апартманите се опремени со посебен толает, кујна и дневна, како и спална соба и тераса.

ФОТО: Вака се летува во Грција

На Фејсбук страницата „Грција-група за туристи“ се појавила фотографија со опис: „Во Грција вака се летува“.

На неа во средина гледаме група луѓе како спијат на тераса, па токму затоа започнала расправа што всушност се случило во тој апартман. 

„Какви комарци, ништо не им пречи, само да спијат“, „Ма, жешко е внатре“, „Којзнае каква забава имало претходната ноќ“, се некои од коментарите под фотографијата.

Наликува на се по малку.

Но, како се вели, море е море, па неважно каде и на кој начин.

Што мислите вие, што се случувало таму?

Дознајте кој ве избришал и блокирал на „Фејсбук“

Постои бесплатна апликација која, откако ќе ја инсталирате, ви покажува кој ве избришал и блокирал на „Фејсбук“. Еве како работи. 

Името на апликацијата е „Who unfriended me?“ и таа е достапна и за Андроид и за ајфон. 

Откако ќе ја инсталирате, треба да се најавите со помош на вашиот профил на „Фејсбук“ и од тој момент кога некој ќе ве избрише или блокира, апликацијата ќе ви јави. 

Оцената што апликацијата ја има на „Гугл плеј“ е 3,7, а ја презеле повеќе од милион лица. Иако во рецензиите некои корисници се жалат на функционирањето на апликацијата (најмногу на рекламите), таа сепак добро работи. Откако некој ќе ве избрише од „Фејсбук“, таа ќе го покаже тоа, исто како и кога некој ќе ве блокира или кога одново ќе станете пријатели со некого.

Популарно