Даниел Крег заведува во реклама за вотка

Минатата година го заврши својот 15-годишен стаж како Џејмс Бонд, но Даниел Крег не седи без работа.

Британскиот актер беше зафатен со снимање реклама за вотка, во режија на оскаровецот Таика Вејтити.

Во рекламата за вотката „белведере“, која беше премиерно прикажана минатата недела, Крег, од замислен и енигматичен, преминува во неверојатен, па дури и  забавен, коментираат американските медиуми.

Рекламата завршува со тоа што Крег пие „белведере“ и коментира: „конечно“. Се чини дека танцувањето ожеднува.

Судејќи според реакциите на интернет, фановите се „и протресени и промешани“ за разлика од мартинито што го пие суперагентот 007.

Некои беа одушевени да го видат Крег во вакво разиграно издание, а некои не.

Една корисничка на „Твитер“ напиша: „Најлудото нешто што некогаш сум го видела, не можам да поверувам дека тоа е Крег“.

Друг напиша: „Моралот на оваа реклама за Belveder Vodka се чини јасен: „напиј се од оваа вотка и ќе се засрамиш во јавност и ќе танцуваш на начин што дури ни Даниел Крег не може да го направи да изгледа кул“.

Трет коментатор напиша на „Јутјуб“: „Апсолутно прекрасно!!! Уживав да го видам Даниел надвор од сталожениот, софистициран Бонд. Многу ми се допадна ова“.

Меган и Хари се запознале преку Инстаграм?!

Како што самиот Хари рече во документарецот, „тој мораше да го заштити семејството“ и дека голема количина на омраза беше насочена кон Меган Маркл и нивниот син Арчи Харисон. Војвотката од Сасекс се расплака пред камера и изјави дека само сака да побегне од се и дека „не знае што друго да каже“. Меган и Хари тврдат дека таа не знаела многу за него пред да се запознаат, но …

Следното се слуша и гледа подолу. “Јас сум нервозен. Зошто сум нервозен?“, прашува Хари. Почна да излегува, па Меган ја прашуваат: „Принцот Вилијам или принцот Хари?“ Таа одговара: „Не знам… Хари. Секако.“ После тоа, Хари и Меган прснаа од смеење, а потоа беше кажано дека сето тоа е снимено во октомври 2015 година, една година пред да се запознаат.

Хари го користи видеото како доказ за тоа „колку малку знаела“ за него пред да се запознаат.

Светот за прв пат го слуша Арчи

Додека камерата се движи низ небото на изгрејсонце или зајдисонце, Меган го прашува Арчи што мисли. Арчи вели: „Па, сè е убаво“. Таа се согласува: „Толку е убаво.“ Следниот кадар го прикажува Арчи одзади и пред неговите родители, а Меган го снима додека Хари ја турка количката. Во меѓувреме, Хари вели: „Таа жртвуваше сè што знаеше, слободата што ја имаше мораше да ми се придружи во мојот свет. А потоа набргу јас жртвував сè што знам за да ѝ се придружам во нејзиниот свет.”

На прашањето зошто сака да го сними документарецот, Меган застана и рече: „Нема да кажам дека е удобно, но кога се чувствувате како луѓето да не сфатиле кој сте толку долго, навистина е убаво да се има прилика. Да им дозволиме на луѓето да имаат малку повеќе увид во тоа што се случи и кои сме ние.“

Хари вели дека еден пријател им препорачал на парот да ги документира последните неколку години од нивниот живот поради „дезинформациите“ околу нивната одлука да се повлечат од функцијата кралски членови.

„Се чинеше како навистина разумна идеја“, вели тој.

Меган додава: „Бевме свесни да ги заштитиме нашите деца најдобро што можеме и да ја разбереме улогата што ја играат во историското семејство“.

Се прикажуваат снимки од Арчи и Меган како си играат на снегот. Тука е и Хари кој потоа истакнува дека децата биле на прво место кога одлучувале што да објават.

Тие се запознале преку Инстаграм

Принцот Хари откри дека ја запознал Меган преку Инстаграм.

-Скролав низ објавите и некој што беше пријател ги виде него и Меган на Снепчет.“На таа фотографија Меган користеше филтер.“Помислив: „КОЈ Е ТОА?“, додаде принцот. Заедничка пријателка потоа и кажа на Меган дека Хари прашува за неа.

-Прашав: „Кој е тој? А дали можам да го видам неговиот Инстаграм профил“.

Фотографии од првиот роденден на Арчи Харисон

Во серијата има и фотографии од првиот роденден на Арчи Харисон, чиј глас светот првпат го слушна, кога момчето го гледаше зајдисонцето со мајка си и рече дека се изгледа прекрасно.

„Дејли мејл“ истакнува дека парот инсистирал на приватноста на децата, па сега објавува серија слики. На прославата била и мајката на Меган Маркл, Дорија Рагланд.

Во документарецот биле прикажани неколку фотографии од Арчи.

Позната глумица Тони Колет во весник видела како сопругот ја изневерува

Австралиската глумица Тони Колет објави дека се разделува од својот сопруг музичар со кого е речиси 20 години, откако тој бил снимен како страсно се бакнува со друга жена на плажа во Сиднеј.

Дејв Галафаси, кој бил тапанар во инди рок бенд кога ја запознал ѕвездата на Хередитари, бил снимен вчера како се бања рано наутро со киропрактичарката Шенон Иган, пишува Дејли Меил.

Австралиски Дејли Мејл го контактирал менаџментот на Колет за спорните фотографии вчера попладне, а неколку часа подоцна таа објавила дека тие двајца се разделуваат. Тие ја споделиле веста во заедничко соопштение кое е објавено на нејзиниот реактивиран профил на Инстаграм.

„Со милост и благодарност објавуваме дека се разведуваме. Обединети сме во нашата одлука и се разделуваме со почит и грижа еден за друг“, се вели во соопштението. Тие истакнаа дека нивните деца им се од најголема важност и дека ќе продолжат да напредуваат како семејство, иако во поинаква форма.

Инаку, на фотографиите се гледа како 44-годишниот Галафаси ја гушка и бакнува 41-годишната Еган во морето и на песокот пред другите капачи. Парот пристигнал на плажата околу 7:30 часот, поминал 15 минути во морето, а потоа купиле кафе. Еден сведок изјавил дека парот бил „постојано еден врз друг“.

Неколку часа пред објавувањето на разводот, Колет објави криптична порака на Инстаграм во која пишуваше: „Без оглед на вашите моментални околности, ако можете да замислите нешто подобро за себе, можете да го создадете“.

Колет и Галафаси имаат две деца, на возраст од 14 и 11 години, а во последните години често поминуваат време меѓу Австралија и САД. Двојката се запознала во 2002 година на промоцијата на деби албумот на групата Галафаси Гелбисон во Сиднеј, а нивната втора средба се случила само неколку дена подоцна на домашна забава.

Селин Дион боледува од ретка невролошка болест

Популарната канадска поп пејачка Селин Дион (54) ја откажа европската турнеја поради здравствени проблеми. Шпекулациите за нејзиното лошо здравје, кои се актуелни во јавноста неколку години наназад, таа ги потврди со емотивно обраќање кон својата публика.

-Жал ми е што ми требаше толку време за да ви се обратам. Многу ми недостигате и едвај чекам да бидам пак на сцената. Како што знаете, секогаш бев како отворена книга и сега сум подготвена се да ви кажам. Долго се борам со здравствени проблеми многу ми беше тешко да се соочам со нив и да зборувам за се низ што минувам. Дијагностициран ми е ретко невролошко пореметување кое вика Синдром на вкочанета личност, и кое погодува едно лице во милион. Ова е ретка состојба која предизвикува грч во мускулите. Тоа влијае врз секој аспект од мојот живот, тешко одам и не можам да пеам на начинот на кој навикнав. Болно ми е што морам да ја откажам европската турнеја – раскажува Селин на Инстаграм.

Додава дека со неа работи тим на одлични лекари, за да си ја врати силата, но борбата била многу тешка. Таа требаше да настапи во Загреб во 2023 година. Европската турнеја која требаше да започне од Прага и да заврши во Лондон беше насловена „Храброст”.

Популарно