Витаминот Ц во оваа количина може да му наштети на организмот

Во време на вируси, витаминот Ц е една од првите работи по кои посегнуваме за да го зајакнеме нашиот имунитет. Сепак, со него исто така може да се претера.

Витаминот Ц е клучна хранлива материја која се наоѓа во многу овошја и зеленчук и е од суштинско значење за одржување на здрав имунолошки систем. Но, премногу суплементи може да имаат некои несакани ефекти.

Бидејќи нашето тело не складира витамин Ц, ниту го произведува, важно е да јадеме храна која го содржи овој витамин. Дури и во високи дози, витаминот Ц не е токсичен, но некои од најчестите несакани ефекти кои можат да се појават при високи дози се дијареа, гадење, грчеви и други гастроинтестинални проблеми.

Доколку земете поголема од препорачаната доза, вашето тело може да има потешкотии да ја преработи и да настанат негативни последици. Важно е да се напомене дека додатоците на витамин Ц обично се непотребни бидејќи повеќето луѓе лесно можат да добијат доволно од овој витамин со јадење свежа храна, особено овошје и зеленчук.

Варење

Најчестиот несакан ефект од конзумирање премногу витамин Ц се пореметувања во варењето, кои најчесто се јавуваат како резултат на земање високи дози на суплементи на витамин Ц. Најчестите симптоми вклучуваат дијареа и гадење.

Според Healthline, пријавено е дека прекумерното внесување доведува до рефлукс на киселина, иако научните докази не го поддржуваат тоа.

Познато е дека витаминот Ц ја подобрува апсорпцијата на железо. Сепак, луѓето кои имаат состојби кои го зголемуваат ризикот од акумулација на железо во телото, како што е хемохроматоза, треба да бидат внимателни со додатоците на витамин Ц.

Во такви случаи, прекумерната потрошувачка на овој важен витамин може да доведе до преоптоварување со железо, што може да биде штетно за срцето, црниот дроб, панкреасот, тироидната жлезда и нервниот систем.

Камен во бубрегот

Вашето тело излачува вишок витамин Ц како оксалат, отпаден производ кој го напушта телото преку урината. Меѓутоа, под некои околности, оксалатот може да се врзе за минералите и да формира кристали кои можат да доведат до формирање на камења во бубрезите.

Прекумерната потрошувачка на витамин Ц може да го зголеми количеството на оксалати во урината, зголемувајќи го ризикот од развој на камења во бубрезите, пишува Healthline. Високиот внес на витамин Ц не е поврзан само со поголеми количини на оксалати во урината, туку е поврзан и со развој на камења во бубрезите, особено ако консумирате повеќе од 2.000 mg на ден.

Треба да се напомене дека е речиси невозможно да се внесува премногу витамин Ц само од храната, но доколку земате и суплементи, треба да внимавате на внесувањето.

Пилешка салата со зачински билки која може да биде и цел оброк

Состојки:

  • 200 гр пилешко филе
  • 2 чешниња лук
  • 2 лажици сечкани билки (босилек, мајчина душица, оригано)
  • 2 свежи домати
  • 2 млади кромидчиња
  • 5-6 листови рокула
  • 1 лажица сечкан магдонос
  • 2 супени лажици маслиново масло
  • 1 лажица оцет
  • сол, бибер

Подготовка:

Прелив: Измешајте една лажица маслиново масло, оцетот, ситно сечканиот лук и билки. На загреаното преостанато маслиново масло пропржете го посоленото пилешко додека не порумени. Исечете го месото на коцки. Додадете домати исечени на кришки, млад кромид исечен на прстени и рукола исечена на помали парчиња. Истурете го преливот, додадете бибер и сол по вкус и измешајте. Одозгора посипете сечкан магдонос.

Меџити го повика Јовев да му биде национален советник за кардиохирургија

Министерот за здравство Фатмир Меџити денеска упати повик до разрешениот директор на Универзитетската клиника за државна кардиохирургија, проф. д-р Сашко Јовев да биде негов национален советник за кардиохирургија.

- Буџетот што го наследив, беше многу дефицитарен. Имаме барање од Кардиохирургија, претходно во разговор со професорот и други колеги и со ребалансот на буџетот сум подготвен да побарам да се зголеми тој буџет, со цел Клиниката за кардиохирургија и програмата за трансплантација да функционираат подобро и да ги зголемиме позитивните резултати и да им излеземе во пресрет на пациентите, додаде министерот.

Тој нагласи дека Јовев ќе продолжи да биде вработен во Клиниката и ќе ја има неговата поддршка во понатамошното работење.

На денешниот брифинг со новинарите, стручни лица разјаснуваа дилеми околу разрешувањето на Јовев, што предизвика реакции во јавноста.

Меџити беше прашан што ќе биде со економскиот директор.

- За организациониот директор, ние пративме инспекција, тоа ги вклучува и двата директора, тие имаат одговорности и заеднички и посебни. За првиот одлучивме, деновиве ќе излеземе и со одговор за вториот, организацискиот директор, појасни министерот.

На новинарско прашање за неговата заменичка, која не се согласувала со одлуката на министерот за смена на Јовев, Меџити одговори дека нема да коментира изјави на други лица.

На брифингот беше посочено и дека Јовев не е единствениот разрешен директор, откога Меџити е на функција министер. 

- Имаше промени во многу други здравствени установи, на медицински директори, организациски, некои си поднесоа самите оставка, а други беа разрешени, додаде Меџити, истакнувајќи дека и во иднина секаде ќе има инспекции и ќе се постапува според закон.

Меџити во понеделникот го разреши Јовев од должноста директорот на Универзитетската клиника за државна кардиохирургија, поради како што изјави вчера „утврдени нерегуларности во работењето“, нагласувајќи дека нема политика во неговото разрешување.

Јовев од своја страна вчера побара преиспитување на одлуката за негово разрешување, истакнувајќи дека државната Клиника за кардиохирургија не се утврдени нерегуларности.

- Да ги оставиме професионалците да си ја вршат својата работа. Успесите на оваа Клиника се успеси на државата и на Министерството за здравство, порача Јовев.

Направете брз тест со ладна вода и дознајте дали имате здраво срце

На сите им е јасно дека е неопходно да се оди на редовни контроли, но има и тест кој можете да го пробате дома, а кој ќе ви ја открие состојбата на срцевото здравје.

Овој едноставен трик ќе ви помогне да добиете идеја како функционира вашето срце и ќе ви го покаже здравјето на срцето за само 30 секунди.

Како се прави тестот?

Прв чекор

Земете голем сад во кој може да ги ставите двете дланки и наполнете го со ладна вода. За подобри резултати, додадете малку мраз.

Втор чекор

Ставете ги рацете во садот и држете ги точно 30 секунди. Ова ќе ви помогне да дознаете како крвта ќе реагира кога ќе дојде во контакт со ледената вода.

Резултат

Ако сте направиле сè како што треба, сега е време да ја проверите состојбата на вашето срце. Ова се двата можни резултати:

1. Прстите се црвени

Ако прстите ви се црвени, ова е добар резултат. Тоа значи дека немате проблеми поврзани со оксигенација во крвта. Срцето и циркулацијата на крвта ви се во ред.

2. Прстите станале бледи или модри

Доколку прстите ви станале бледи или помодриле, постои можност да имате проблеми со циркулацијата на крвта. Ова се случува затоа што има ниско ниво на кислород во вашите крвни зрнца или затоа што имате проблем со пренесување на кислород преку крвотокот до срцето, што може да укажува на проблеми со кардиоваскуларниот систем.

Во овој случај, можете да се обидете да го загреете или масирате пределот на рацете за да ја вратите нормалната боја. Ако тоа не се случи брзо, задолжително посетете лекар. Особено ако за време на тестот почувствувате отежнато дишење, болка во главата или градите, потење, вкочанетост во рамената, нозете, рацете, прстите или петите, вртоглавица, ова е знак дека треба итно да направите преглед.

Популарно